Farakkah Ayro Itiyoppiya Murtisso kee Isi Xiqaanamal Abtah Tan Rekissô Tabaatabsih Bissiraata Kinni. - ENA Qafar Afa
Farakkah Ayro Itiyoppiya Murtisso kee Isi Xiqaanamal Abtah Tan Rekissô Tabaatabsih Bissiraata Kinni.
Addis Ababa Paagume 1/2018 (ENA) Paagume 1 Farakkah Ayro Itiyoppiya Makal kee Xaaqimik Murtisso kee Isi Xiqaanamal Abtah Tan Rekissô Tabaatabsih Bissiraata Kinnim Buqre Malaakih Xeeta Fiqhru Reggaasa (PhD) Qaddoysem.
Asaaku Paagume 1 Haytoh Ayro 2018 Liggidak Farakkah Ayro Inta Itrol Baaxoh Caddol Qaxale Gurral Baxaabaxsale Tadderaaril Asskaxxuk Geytiman.
Ta Taddeeral Ciggiila Naharsi Malaak Temesgen Tiruneh Edde Anuk Doolatak Fayyale Miraaciinuuy, Qokol Missoynaani kee Cankah Exxaaxih Awlaytit Elle Geytimtem.
Buqrê Malaakih Xeeta Fiqhru Reggaasa (PhD)Ta Aracal Elle Qaddoysennal Farakkah Ayroh Assakoxxi Itiyoppiya Makalaay, Qiku kee Xaaqimto Mablak Awquk Murtisso kee Isi Xiqaanamal Abtah Tan Rekisso kee Aydaadi Tabaatabsih Bissiraata Kinnim Yescessem.
Baaxo Taturte Milaagi Sanootat Leh Tan Duddat Antifiquk Abteh Tan Lafale Abinitte kee Geysisseh Tan Xalitte Taybulleh Tanim Qaddoysem.
Farakkah Ayro "Farakka Itiyoppiya Saadiyya" Inta Itrol Nassakaxxeh Nan way Itiyoppiyah Leeda kee Qusba Doolatah Daddos Ajenxah Nabah Tan Satqo Akkelem Qaddoysem.
