Baaxoh Caddoh Farakkooki Sarriinole Leedah Rakiibo Tekke - Tuutaaxago 

 

Addis Ababa Paagume 1/2018 (ENA) Itiyoppiya Kulli Luddittel Geytimte Baaxô Caddoh Farakkooki Sarriinole Leedah Rakiibo Tekkeh Tanim Mexxawalaaboh Jaamiqatak Ta Luddi Tuutaaxago Qaddossem.

 

Asaaku Paagume 1 Haytoh Ayro 2018 Liggidak Farakkah Ayro Inta Itrol Baaxoh Caddol Qaxale Gurral Baxaabaxsale Tadderaaril Asskaxxuk Geytiman. 

 

Ta Taddeera Itiyoppiya Buqreey, Rakiibo Daddosuuy, Inxastiri kee Xijjitaal Luddittel Geysisseh Tan Xalitte Rekisso Milaagitte Tuybulleemik Kalah Daddos Foocah Haak Geytimtam. 

 

Mexxawalaaboh Jaamiqatih Barseenit Itiyoppiyak Xaagi Raceenallih Luk Sugen Udduurul Baaxô Dadal Aracat Gacuh Tekkeh Tan Qidaddô Maysaasa kee Rekisso Milaagitte Sarriinole Daddos Aracat Gacuh Rakiibo Tekkeh Tanim Yescessen.

 

Baaxoh Caddol Gexsitteh Tan Itiyoppiya Tamrutay Uguugus Baaxoh Addah Murtisso Dudda Maqarroysak Murti Caddo kee Mexxat Kah Ossintannah Abtem Ascassuuk, Irok Culta Murtitte Baaxoh Add Qikaanamih Taama Xalu Bahteh Tanim Baxxaqsen.