Qafar Rakaakayak Naharsi Saqal Cajji Awwal Qarba Tatruse Farmo - Farakkah Ayro Farmo 

 

Addis Ababa Paagume 1/2018 (ENA) Farakkah Ayro Paagumek Koona Ayroorah Addat Qusba Sanat Fan Edde Tabna Holhol Dubuh Hinnay Taturte Lafale Baaxo kee Rakaakay Xalitte Kusaaqisak Ciggilta Qusba Mafdagah Edde Bicna Aydaadi Mafdaga Kinni.

 

Asanat Nassakaxxrh Nan Paagumek Inik Haytoh Ayroy Farakkah Ayrol Muggaaqiseeni Inkih Tan Baaxoh Caddol Itiyoppiyah Saadiyya Inta Itrol Yassakaxxeenih Yanin Way Ni Rakaakayih Ummatta kee Inkih Tan Itiyoppiyah Xaylo Qaago kee Giclo Edde Iffosna Asskatale Saami Kinni. 

 

Ta Ayro Ni Baaxo Itiyoppiya Makal kee Qiki Mafdagak Duddalennal Awquk Murtisso kee Isi Edde Xiqtuh Abtah Tan Aydaadi Tabaatabsa Edde Nabissira Qusba Mafdaga Kinni.

 

Ni Rakaakayal Takkeway Baarle Ifeqiiy, Buqre kee Saqi Dudda Fayyale Caddo Fan Qidaddo Maqar Milaagak Maaqiddi Muddaqiino Daabisnuh Tekkeh Tan Taamoomi Tanbulle Xalitte Aybulluyuk Geytimta.

 

Ayyuntiinoh Exxal Barittooy, Qaafiyataay, Saytun Maqub Lee kee Rakiibo Daddoosih Guddos Baarisak Ayyunti Mano Yaysiseenim kee Ayyuntiinô Qadli Daabisaanamih Lafale Xalitte Geytimte. 

 

Farakka Qaagoh Tamaatem Hinnay Sittaliino Macal kee Abini Xalitte Kinniimih Taagah Inkih Tan Ni Rakaakayih Dacarsittoh Xiinaay, Buqre Abaay, Qunxaaneytaay, Gaddaloola kee Doolat Taama Abeenit Sitta Abbaxuk Baaxok Saadiyyi Gexso Taysissikoonuh Seeco Tatrusa. 

Itiyoppiya Isi Xayloh Macal kee Murtisssol Fayya Axcele.