Paagumek inek Heele Farakkah Ayro Qafar Rakaakayih Caddol " Farakka Sarrimaane le Fayyah " intah tan itrol Assakaxxuk geytiman

Addis Ababa,Paag
ume 01/2018 (ENA)Tama Taddiira Rakaakayat Ciggiila Perezxentiy, Ardi Biiro Saqal Gifta Qumar Nuur Qarba Miraacisak Rakaakayak Fayyale Miraaciinuy, Samara Logyi Magaalah Xiinisdoh miraaciinu kee Ayyunta elle geytimak Samarak Sitama Qasbo Fabrikat gufne Abaanam kee Anxaxin raatih taddiiral Coox Daabisak Gexissak Maacisen

 

Tama Taddiiral geytimek farmo tatruseh yan Rakaakayak Ciggiila Perizxentiiy, Ardi Biiro Saqal Gifta Qumar Nuur Qarba Sanat 2018 Baxaabala le langittel Axcih Buqreey, Leemat xalootih taamoomiy, Culentay, Maqaddin kee Kalah tan langittel Assakatle Xalootitte elle geytimte Sanatak Sugteh Tanim yescesse.

 

Tonnah Milaagi Doolat Ummatta Maaquddak Sinni xiqtuy, Sarrimasne le dadal Aracat haynuh linoh nan Gaddat Antafaquk Buqreey, Maqaddin kee kalah tan langittel Ceelallo takkem xiqtah tan xxalootitte Ayballyuk yemeetem kassiise.

 

Takkeh tan Milaagi Taamoomi Diggoowak Gexxuy, Ayyuntak Maaqiddi kibal diggoowuh Baxaabaxsa le taamoomi Akkuk geytimtam Ascassuk, Qunxaaneyta kee Sayyo ittalih Gacak baaxo kee Ayyunta milaagoonuh daddos taamoomil ugtaanam faxximtam yescesse.

 

Ellacabol Tama Taddiiral milaagi Sanootah Addat tekkeh tan Daddos Taamoomik Ux Gabbaaqu Rakaakayak Pilaan kee Daddos Biirok Ciggiila Saqal Gifta Qabdu Macammad elle Xayyooseek lakal, Panaal Walal gexisak Baxabaxsa le Mablooli elle Ugusak Walalen.Qafarak Mangaafa Retteemah Oytal Yescessen