Gabbi Rasuk Sidooca Daqaaral 120 Miliyoon daga Yakke Maalut Bicsen 3 takke Saytun-Maqub Leeh Cugaysoosa Dooqaysen.

 

Addis Ababa Ximolik 30/2018 (ENA)Rakaakayak Lee Kee Elmo Biiro UNICEF Kee GCF programat cattimak Gabbi Rasuk Carruki Daqaarak Bontah Awdaay, Qami-Baxi Daqaarih Fanteena Taskuti Awda Kee Galaqli Daqaarak Biqiidi Awdak Qabbaasoh Makaftal Siitat 20, Alfiik Daga Takke Ummattah Ayfaafay Taceem Xiqta Cugaysoosa Dooqaysen.

Tama Dooqaysoh Aracal Rakaakayak Lee Kee Elmo Biiroh Saqal Gifta Acmad Shaami kee Gabbi Rasuk Naharsi Saqal Gifta Cuseen Macammad Edde Anuk Rasuuy, Daqoorit Miraaciinuuy UNICEF Cugaysoh Saqolti kee Ayyunti Exxaaxi Edde Tenele.

 

Dooqaysoh Aracal Geytimeh Yan Rakaakayak Lee Kee Elmo Biirok Naharsi-Saqal Gifta Acmad Shaami Iyyeemih Amolladih Ta Cugaysoosal 120 Miliyoonuk daga Yakke Maal Caxeenih Yaniinim Kee 20 Alfiik Daga Takke Dariifah Ummatta Edde Antifiqelem Ascassuuk Qafar Doolat Kee Leeda Parti Qafar Ummattah Culteh tan Xagana Abbinoosak Geytintam Kee Foocah Maqarroosak Gexeloonum Diggoose.

Gifta Acmad Shaami Qagitaak Iyyemih qafar ummatta tasaaku ganeenit kah abannah dirab propoganada acayuk qafar le dabqil qidaanam hinnay, qafar Ummattah moddaqino dacrisak daddos esseroora aracat haak teetih gexaanama Kee Leeda parti kee milaagi doolat qafar umattak der daboonah essero gacisak geytimtaamak celallo taskuti kee Canrukal tekke taamoomi kinni iyye.

 

Gifta Cuseen Macammad Gurrata Gabbi Rasuk Naharsi Saqal Kinnuuk Iyyeemih Qafar Rakaakayih Doolat Naqboyti Loowitak Suge Qafar Baaxol Ummattah Ayfaafay Udduuruk Udduur Baarisak Geytimam Kee Ganeenit Badaabadsuh Bahta Yaabitte Nummak Der-Dirab Kinnuuk Ummatta Namma-Tattib Yaabah Ayti Acee-Kal Isi Doolatih Xaqut Gacak Daddoosul Foocah Iyyaanam Faxxintam Kassiise .

Gifta Yibltaal Channe UNICEF Cugaysok Qafar Rakaakayih Luddak Wash Officer Kinnuuk Iyyeemih a Cugayso Doolatak Xaqut Gacak Taamitak Geytintam Kee Taama Mexxat Bahtuh Doolat Keeniluk Abak Geytinta Kattat Kaaduk Fula Lem Ascassuuk Ummattak Taqabi Yifdigeenimih Ruffa Iyyaanah Yaniinin Kee Ta Bisle Taamoomi Gersi Dariifal Baarisak Gexeloonum Yescessen.

 

Mango Kiilo-Metir Takke Baaxo Lee Goranah Gexak Safa Sinni Weeqayti Leeh Sugeenim Kassisseh Tan Sidooca Awdah Ummattaay Awayih Udduur Lee Buxah addat Keenih Gactem Mango Taqabiy Luk Sugeenik Ken Toyfoofem Kinnih Tanim Qafarak Mangaafa Retteemah Oyti Yascssem.