Afrikah Egla Kee Ameerika Makcaggur Le Fantaaxaw Diggoosnuh Sittin Gey Aben.

 

Addis Ababa,Ximolik 29,2018 (ENA) Afrikah Egla Kee Ameerika Makcaggur Le Fantaxaw Maqarroosnuh Sittin Gey Abeenih Yaniinin Qaddoosen.

Afrikah Eglah Komishinih Saqalah Yan Macmuud Qali Yusuf Kee Ameerikak Iroh Caagidah Malaakay Afrikah Caagidak Ciggila Malaak Frenki Garsiyan Lih Walale.

Ta Walal Afrika Kee Ameerikah Fanal Xer Uddurih Sugeh Yan Sittin Gey Akah Yaqusbuseenim Kee Faximtah Tan Qarangubal Tan Caagiidal Mabla Tabsiyyih Saami Kinnim Qaddoosen.

Afrikah Eglah Saqal Macammad Qali Yusuf Tama Walalal Namma Baaxoh Fanal Yan Aydaadi Angaaraw Kassiisak Ta Eglah Adoytiitih Tan Baaxooxa Kee Ameerikah Fanal Sittin Tuxxiqil Rakitak Sitta Lih Taamitaanam Faxximtam Kassiise.

Ameerikak Afrikah Caagiidal Iroh Caagidah Malaak Firanki Garsiya Isi Kabuk Iyyemihi Afrika Ameerikah Naharsiino Akah Tace Baaxo Kinnim Qaddosak Ken Xinto Ta Butta kee Tet Adoytit Baaxooxa Lih Sittalluk Cattiimak Taamitoonuh Fayxi Lem Kassiise.

Namma Katuk "Afrikah Egla-Ameerikak Istraateejik Investementih Taama Butta" Luddal Hangi Akah Yeceen Arooca Sekkacsen.

Baxsaluk Kabxa Kee Investementiy, Salaamay, Saay,Diplomasi Kee Daddos Caagiidal Qokol Akah Yaysiisen Innah Abaanam Faxximtam Yescessen.

istraateejik yan angaaraw maqarroosaanamal siittin Geyiiy xaganitte maqnisso kee namma fanih tuxxiq le xaloot fanah korsaanamih tuxxiiqil siita Geenim Kassisen.

See less