Paagumeh Ayroora Itiyoppiya Aqayyaareera Xaluh Korissam Xiqtam Elle Tayballe Gurral Askaxxenno.

Addis Ababa Ximolik 27/2018 Pagumeh Ayroora Itiyoppiya Aqayyaareera Xaluh Korissam Xiqtam Elle Tayballe Gurral Qaffayda Kak Akkelem Doolatak Angaarw Ayfafaayih Malaakih Xeeta Kebbexe Xesisa Yiysixxigem.

Malaak Xeeta 2018 Liggidak Paagumeh Ayroora Wagsiisaak Maybalaalaqa Yecem.

Paagumeh Ayroora Taturte Sanootat Nabah Tan Baaxoh Caddoh Xalitte Kee Farakka Elle Kassitak Ayyunti Kah Yaaxigen Innah Elle Take Ayroora Kinnim Yescesem.

Centebbaaruk Tan Aqayyareeral Taturaanamih Dudda Maqarroysaanam Kee Xalu Geysisse Abak Raagitte Kak Beyan Ayroora Kinnim Qaddoysem.

2018 Liggidak Paagimeh Ayroora Baaxoh Caddol Baxaabaxsale Bicittel Assakaxxeloonum Yescessem.

Paagume 1 Farakkah Ayrooy, Paagume 2 Saadiyyi Ayrooy, Paagume 3 Xiiq Ayrooy, Paagume 4 Mangantiinah Ayrooy, Paagume 5 Beerih Ayro Axcuk Muggqsieenih Yaniinim Yescessem.

Ta Ayroora Baaxoh Caddol Inkih Ta Rakakayitte Kee Magaalol Xiinissoosaay, Itiyoppiyah Impaasitte Elle Geytimta Baaxol Assakaxxeloonum Qaddoysem.