Xabboh Gexo kee Xabboh Gexok Tadaare Maritteh Ayfaafayal Isi Duddal Abak Geytimta Taama Itiyoppiyak Yasgalle Daddos Daabisak Geytimtaamak Mayballa Kinni. 

 

Addis Ababa Ximolik 25/2018 (ENA) Xabboh Gexo kee Xabboh Gexok Tadaare Maritteh Ayfaafay Isi Duddal Abak Geytimta Taama Itiyoppiyak Yasgalle Daddos Daabisak Geytimtaamak Mayballa Kinnim Ciggiila Naharsi Malaak Gifta Temesgen Tiruneh Qaddoysem.

 

Asaaku Dabbo Mara Kee Dabbok Taduuruh Daddosih Affafih Gasol Tekke Xalotitte Kee Reformi Affafitteh Kutbeh Buxal Abak Geytimam Taamat Ciggiila Naharsi Malaak Gufne Abem.

 

Ta reformi taamah arac yaysiiseenim dubuh hinnay taamah qaadaay, ayfaf mexxat kee xisoosa dudda yaysiiseenim kinnim Yescessem.

 

Ayfaf Miroctiiy, Taama Abeenit kee Dabbo Maritte 8 Rakaakayittel Geytimta Ludditte Kee 25 Takke Dabbo Buxaaxil Sitta Lih Taamitak Abak Geytiman Taama, Inki Num Isih Xisneh Milaagu Baahaanam Xiqqimtam Tascassem Meqe Abakraag Kinnim Qaddoosen.

 

Baxsaluk Medemer Doolat Caxaaxuwi Aydakaakan Kee Caxâ Baxaay, Dorrahi Kee Saqi Aydakaakanay, Diidaale Kee Baxaabaxsale Coox Daddosih Caddol Qimmisseh Tan Taama, Lemat Sugetittel Buqre Dadalih Astooti Akah Takkennah Abak, Institutional Reforms Akah Takkennah Abaanam Dibuk Hinnay, Tayse Taama Dariifa Kee Xalu Lem Kinnim Qaddoosen.

 

Itiyoppiya 1Ximmiy 1 Milyoonuk Daga Takke Baadak Dabbo Maritte Arcibisak, Ken Gaar Kee Massakaxxa Dacrisak Arcibissa Ayyunta Lih Daddos Saamittet Antifiquk Geytimta. 

 

Dabbo maritte digital mamaxxagat xoqoysimaanam kaadu ken ayyuntiinoo kee maddur gabat agle ossimak geytimta.

 

Sinni-kokkobosih milaagi xisoosah dudda xisaah, woh kaaduk agat dudda xisa. Dabbo mara kee madaara ayfaafitteh addat nubleh nan agdaabele safar fooca fanah maqarrowtam Faxximtam Kassiisem.