Taylanxi, Itiyoppiyalluk Leh Tan Makcagguruk Yan Fantaaxaw Maqarrossam Faxxa. - ENA Qafar Afa
Taylanxi, Itiyoppiyalluk Leh Tan Makcagguruk Yan Fantaaxaw Maqarrossam Faxxa.
Addis Ababa Ximolik 25/2018 (ENA) Taylanxi, Itiyoppiyalluk Leh Tan Makcagguruk Yan Qokol Fantaaxaw Maqarrossaanam Kee Afrikah Qaranguballuk Leh Tan Qokol Barissam Faxxah Tanim Taylanxik Ciggiila Naharsi Malaakaay, Afah Cagiidah Malaak Sihasak Fuwangiketikyo Qaddoysem.
Taylanxik Ciggiila Naharsi Malaakaay, Afah Cagiidah Malaak Sihasak Fuwangiketikyo Itiyoppiyat Taama Gufne Abem.
Ta Malaak Itiyoppiyak Xaagi Raceenallih Luk Sugeh Yan Mabla Garayal Addis Ababa Gabbi Ayro Mawqah Aasiya Kee Afrikah Fanal Angaaraw Holhol Akkuk Geytimtam Qaddoysem.
Itiyoppiya Taylnaxilluk Raage Qalla Leh Tan Baaxo Kinnim Ascasuuuk, Taylnaxi Ta Fantaaxaw Fayyaluk Maqarrossu Kee Yasgalle Qokol Dadlissuh Taamitelem Yiysixxigem.
Baxsaluk Inxustirih Daddoosuuy, Buqre Murtittel Nihir Osisaanamih Caddol Leh Tan Abak Raaga Itiyoppiyah Tabissuh Bical Geytimtam Yescessem.
Ta Gufnek Leenah Hadaf Itiyoppiyalluk Yanih Yan Aydaadule Fantaaxaw Maqarroysaanam Kee Daffeyna Addis Ababal Leh Tan Afrikah Eglalluk Loonuh Yanin Gabat Agle Dadlisaanam Kinnih Tanim Baxxaqsem.
Taylanxi Kee Afrikah Baaxooxa Madqa Rakiibo Abta Baad Caddoh Siirat Dacrisak Currik Tan Tellemmo Foocah Haanam Kee Baad Caddoh Tellemmoh Cugaysoh Gubat Tellemmo Siirat Maqarroysak Sittalih Taamitaanam Faxximtam Kassiisem.
Itiyoppiya Baad Caddoh Tellemmo Cugaysoh Adoyta Takkuh Baad Caddoh Tellemmo Madqa Kee Qidaddot Elle Faxximtannal Tangaluh Aydukuumuseloonum Baxxaqsem.
