Taturte Koona Sanootat Taama kee Duddi Luddal Maqarle Taama Tekke. - ENA Qafar Afa
Taturte Koona Sanootat Taama kee Duddi Luddal Maqarle Taama Tekke.
Addis Ababa Ximolik 25/2018 (ENA) Taturte Koona Sanootat Taama kee Duddi Luddal Maqarle Taama Tekkeh Tanim Taama kee Duddi Malaak Mufaaricat Kaamil Qaddossem.
Taama kee Duddi Malaak Taturte Koona Sanootat Taama Saamih Hadlisso kee Cerfat Daddoosuuy, Tonnah Kaadu Tamsiiseenit kee Taama Abeenit Luddal Leenah Daddos Xalitte kee Foocih Afkan Elle Kusaaqisan Gudgud Gexsen.
Taama kee Duddi Malaak Mufaaricat Kaamil Ta Aracal Elle Qaddossennal Taturte Koona Sanootat Mettabannu kee Mihrat Aydakaakan Qasri Mabla kee Qadaaga Fayxilluk Qeedaltam Xiqsissa Rakiibo Taamoomi Tekkem Tescessem.
Ta Exxal Qidaddo Korixeritteey, Rasitte Kurto Rakiibo Abta Aydakaakan Fantenaanih Rekisso Missoysak Dariifâ Qidaddo Fayxi kee Inxustirih Fayxilluk Qeedaltam Xiqta Taamoomi Tekkeh Tanim Qaddossem.
Inxustirih Salaam Daabimuuy, Tamsiiseenit kee Taama Abeenit Fanal Yan Fantaaxaw Taysiise Madqa Mafdagoogi Baarisaanamak Taturak Ayyuntiinô Walalitteey, Taamah Aracih Amni kee Qaafiyat Fanteena Abta Taamoomi Tekkeh Tanim Baxxaqissem.
Ta Gudgdul "Skill Ethiopia" Ekispo Missoowak Taama kee Duddi Luddal Taamitta Taama Hadliseenit kee Mihratleela Hadlisso Taamoomi Elle Yaysexexegoonuh Saami Gineh Yanim Qaddossem.
