Afrikak Salaam kee Amni Rekisso Sissik Maysaasa Faxxa - Macmud Qali Yuusuf - ENA Qafar Afa
Afrikak Salaam kee Amni Rekisso Sissik Maysaasa Faxxa - Macmud Qali Yuusuf
Addis Ababa Ximolik 24/2018 (ENA) Afrikak Salaam kee Amni Rekisso Aamantile Maali Raceenat Miracsima Sissik Maysaasa Faxxah Tanim Afrikah Eglah Komishinih Saqal Macmud Qali Yuusuf Qaddoysem.
Afrikah Egla 21heele Qarangubak Baxsale Bood Fidga kee Kalali Kobox Angoolah Inayta Luwanxal Gexsitak Geytimam.
Eglak Komishin Saqal Macmud Qali Yuusuf Ta Koboxul Elle Qaddoysennal Afrikak Salaam kee Amni Rekisso Qarangubal Anaballayuk Geytimta Bohoyitteh Caddok Sissik Maysaasa Faxxah Tanim Yescessem.
Awayih Uddur Afrikal Anballayuk Geytimta Sarriinole Taqabitte Qarangubak Leenah Salaam kee Amni Taqabih Bohoyitte Kinnih Tanim Baxxaqsem.
Qarkakisiinuuy, Qarakakisa Booduuy, Baddi Addah Radooy, Maaduk Taturta Baatilitte kee Ganuunuk Iroh Tan Guuro Celtah Tan Bohoyitte Afrikah Baaxooxah Maaqatta Faxxah Tanim Kassiisem.
Komishin Saqal Bood Kalalih Taama Eglak Aakam Kah Taceem Faxximtam Qaddoysem.
Ta Kobox Afrikak Salaam kee Amnil Sittalih Taamitak Isi Dudda Elle Maqarroosak Fidga Gita Elle Missoysan Gudgud Kinnim Yescessem.
