Itiyoppiyak Qaran Merrayti Tellemmô Fanteenak Taturak Afrikah Xayloh Inkittiinooy, Curriinoh Aydaadu kee Leedah Makcaggur Qaraanal Xise Nummale Pan Afrikah Ceelallo Kinni. - ENA Qafar Afa
Itiyoppiyak Qaran Merrayti Tellemmô Fanteenak Taturak Afrikah Xayloh Inkittiinooy, Curriinoh Aydaadu kee Leedah Makcaggur Qaraanal Xise Nummale Pan Afrikah Ceelallo Kinni.
Addis Ababa Ximolik 22/2018(ENA) Qaranguba Ku-amolayyo Xintok Awqekkal, Sittin Fanih Fantaaxaw Suge Weeh Yan Awroppah Liggidih Loowok (A.L.L) 1945 Qimbisak Afrikah Ummatta kee Mirocti Asgoorowuk Aydaaduh Daffeyta Sumaqta Akkuk Ayfaafay Acayuk Geytimtam. Ta Qaran Merrayti Afrika Qusba Mafdaga Inta Itro Abinah Diggosse Agat kee Qarangubâ Kunnabna Kinni.
Qaran Merrayti Afrikah Xayloh Dadalah Taamitam Diggoosa Abinaay, Maalu kee Duddi Dagnah Tiddgilleeh, Aw Taqabte Gersi Afrikah Baaxooxak Agat Qaran Merraytitte Sittalluk Qagitaak Xisaanaah, Maqarroysaanam Sarriinole Makcaggur Kinni.
Tahal Baad Caddol Xalule Fanteena Takkeemik Taturak Qaranguba Aviyeeshin Exxal Sittalluk Dadaltuh Afrikah Qaran Merraytitte Xisaanam kee Qoklaanamal Makcagguruk Tan Taamoomi Baarluk Abak Geytima.
Ta Fanteena Afrikah Qaran Merraytu(AFRAA) kee Baxaabaxsale Afrikah Baaxooxa Doolatittelluk Cattiimak Mango Xalitte Lowsiise.
Tahal Ayrô Mawqah Afrikak Togol Daffeynah Geytima Askay(ASKAY) Qaran Merraytuuy, Malaawih Qaran Merraytuuy, Zambiyah Qaran Merraytu kee Kongoh Qaran Merraytuuy, Giinih Qaran Merraytu kee Gersi Aviyeeshin Investimentittel Haysittah Tan Gabat Agle Maqriino Sumaaqissem.
Aviyeeshin Nihirih Fantaaxawal Yanih Yan Rekisso Dagarraaqat Antifiquk Gersi Afrikah Baaxooxah Ogoysimle Mettabannu kee Aydakaakan Qokol Acayuk Geytimam.
Itiyoppiyak Qaran Merrayti Afrikah Qaran Merraytitte Xisaanam kee Maqarroysaanam Duddale Pan Afrikiinu kee Nummale Afrikah Qokolul Rakkiiboh Tan Nabah Tan Qarangubâ Taama Kinni.
Ta Gexsit Qaranguba Afah Qaran Merraytitteh Catok Tawquh Yakke Pan Afrikah Baxiini Asta Kinnim.
Isi Haadisenitiiy, Injinerwa kee Haadiyya Arcibiseenit Elle Aydakaakanimta Qasri Aviyeeshin Ludda Xisaanamal Aviyeeshin Luddah Aydakaakanime Sehdayti Cayla Ginaanamih Caddol Maftacah Yan Doori Digrak Geytimam.
Ta Qaranguba Fantaaxaw Baaxooxa Isi Aviyeeshin Ludda Maqarrossu Tellemmooy, Turiizim kee Ayyunti Fantaaxawih Tantafaqo Kah Yakken Innah Abak Afrikah Eglak 2063 Ajenxa Aracat Gactuh Isi Doori Digrak Geytimam.
Kulli Sanatal Baad Caddoh Acwa Hirgah Yan Qaran Merrayti Er Bas E 350-1000 Innah Tan Qasri Tayaayir Limmoysak Haadisah Yan Dubuk Afrikah Qaran Merraytu Akkuk, Afrikal Kaaduk Nabah Yan Tayaayir Qedeboh Fanteena kee Qasri Kargoh Fanteena Xisaj Ayfaafay Acayuk Geytimam.
Itiyoppiyak Qaran Merrayti Afrikah Qusba Qaagol Qaranguba Fayyale Caddoh Leeda kee Fayya Fan Miraacisaanam Diggoosak Foocah Axcuk Geytimam.
