Masri, Itiyoppiyah Faxximta Mekla Mekelam Faxximta - Ambassadder Shiferraw Jarso - ENA Qafar Afa
Masri, Itiyoppiyah Faxximta Mekla Mekelam Faxximta - Ambassadder Shiferraw Jarso
Addis Ababa Ximolik 22/2018 (ENA) Abbay Weeqaytul Masri, Itiyoppiyah Faxximta Mekla Mekelam Faxximtam Dumaahi Leê Gaddih Malaak Ambassadder Shiferraw Jarso Qaddoysem.
Ityoppiyak Abbay Karawwaday Kalah Tan Nabah Tan Weeqaytittel Efeq Karawwaditeh Xisaanamay Sarrimaane Le Gurral Maaqidda Kibaalisso Diggoosnuh Buqre Murti Yaysiisikoonuh Taamitaanam Faxximitam Ambassador Shiferaw Qaddoose.
Ityoppiya gino Gaddat Antifiqe Waytuh Masri baaxo Mango Liggiditteh Abbinoosak Sugteh Tan Datek Assaaquk Itiyoppiya Xaylo Inkittinaaney Diggoosak Asqassaabe Karawwadih Xisnek Gaba Kalak Qusbah Aydaadi Fiiriseenim Qaddoosen.
Away Nabah Yan Asqassaabe Karawwadak Kooran Elmoh Racissol Qimbisay Baaxoh Caddok Taturak Dariifa Qidaddoh Dadalah Kaxxa Doori Digrak Geytiman
Asqassaabe Karawwadak Dariifah Elmoh Fanataaxaw Itiyoppiyah Xaylo Maqarle Sittaliino Taybulluyeh Qarangubak Qidaddoh Diggoosnuh Kaxxa Fayda lem Qaddoose.
Mangoh Liggiditteh Masri Itiyoppiyal Gitaak Iroh Tan Naqbittey Ginnitam Dudda Daalisso Elle Ginak Sugeenim Ascassuk Itiyoppiyah Abbay Karawwadat Akah Antifiqe Waytannah Abak sugeenim Qaddoose.
Tahak Ugutak Ityoppiyak Mangattiina Inkittinaaney Pan Afrikaanizim Mabla Luk Nabah Yan Baad Caddoh elmo Racissoh Fanteena Yakkem Duudah Yan Asqassaabe Karawwadak Qaduuk Aracat Haanam Duudumteh Tanim Qaddoose.
Asqassaabe Karawwadal Itiyoppiyah Abbinossam Dudda Baaxo Kinnim Baad Edde Sumaaqisseh Aydaadul Le Hora Raat Kinnim Ascassuk Abbay tantifiqqeh Tan Baaxooxa Amaatinaane Leh Tan Leeh Ayfaf Akah Geyannnah Innah Abaanamay Weeqi Qawwalayal Kee Qabar Yanukuseenimih Caddol Tuxxiqitte Diggoosak Geytiman.
Ityoppiyay,Jabuutuy, Kiiniyay Soodanay Tonnah Kalah Tan Dariifay Caylih Fantaaxaw Dariifal Kee Qarangubah Qidaddoh Yaysiisikoonuh Kaxxa Fayda lem Qaddoose.
Dariifal Itiyoppiyah Abbay Weeqaytu Takku Kalah Maaduk Taturtah Tan Weeqaytul Ossitinah Karawwaditeh Xisaanamay Elmo Efeq Fanah Dadalisaanam Faxximitam Qaddoose.
Asqassaabe Karawwadal Itiyoppiya Ossitinah Elmo Raceena Akkuk Efeq Cugaysoosa Xisne Diggoosak Sehdayti Caylay Lakqo Dudday Abak Raagitteh Kaxxa Doori Digrak Geytiman.
