Inayta Magaalal Xaloot Le Taamoomi Abbinoosak Assakat Le Xalitte Fooca Fanah Amaantinaane Le Gurral Taamitak Diggoosak Geytiman-Magaala Xinissoh Saqlah Tan Axaanech Abebe

 

Addis Ababa Ximolik 20/2018(ENA)Inayta Magaalal Xaloot Le Taamoomi Abbinoosak Assakat Le Xalitte Fooca Fanah Amaantinaane Le Gurral Taamitak Diggoosak Geytimaanam Ababah Magaalah Xinissoh Saqlá Tan Gifti Axaanech Abebeh Qaddosse.

Magaalah Ayyuntih Tuxxiqih takkemih Macalluk Baguuk Taamitak Qasriino Le Rakiibo Daddos Qasrisime Ayfaf Qasriino Le Magaalah Abak Geytimam.

Asaaku Ni Magaalal Fereey Takke Qasriino Le Makaayin Soolisiyyih Aroocay,Terminalittey Kee Qadaaga Fantenaani Doqaysak Affafah Fakut Hayne.

Ta Rakiibo Daddositte Trafik Ceena Daggossah Merrayti Affaf Qasriino Bahsissah,Ummatta Rob Kee Ayrok Kalaltah Mango Marah Taama Saami Gintah Saytunaane Kee Sehdayti Caddih Bica Le Qasriino Le Affaf Kinni.

 

Rakiibô daddos edde anuk mango merraytitte inki addat arcibissam xiqtah tan qasri le parking Aroocay , taksi kee baasih marsoosa, gommodmali merraytih kibneh fanteenaaniy silayti xarbih waaso, baar le ummattah wacaysir arooca, Kabxa dukkaanitte, maaqo buxaaxi kee alaaqah digir kee tikkeetih arooca, raacatle teknolooji, lifti kee saytun daaco buxaaxi, tonnah kaadu amni kee qawwalaylah kalalih siirat, qidaddo kee ayyuntiinô ayfaafayitteh kaxxa doori digirta.

milaaguk naharal, nanu dubuk 3 Alfih Makaayin inki-uddur Soolissa arooca luk sugneeh marsoosa luk masuginno. away 170 Alfiik daga takke qasri parkingih arooca kee mexxat kee sissikaane luk xissimteh tan terminaalitte xayyosnam dudne.

Nanu ninni magaalah ummattah tuxxiiqih xagana kibnaah, afqado kee qaadiino luk taamitak geytimna. Addis ababa tahak muxxi akah taguudeh tan innah, bisoh axcem fanna!

Ta taamat tengeleh tan mirocti kee xizaayin kee xisnê biiroh miroctiiy, merrayti biiroh miroctiiy, kontarakterwaay, fayseenit asaakih ayro tan cugaysoosa numma fan akah gactannah maqar kee catotta abteh tan marah kulsa le gadda siinih gacsa.

S