Itiyoppiyak Agatak Mabbalow Gexso

Itiyoppiyak Agatak Mabbalow Gexso.

Ximolik 20/2018

Itiyoppiyah Xaylo Mango Daboonah Mabla Baxsitte Walalal Yafdigeenimih Muxxi Caylat Gira Gaadih Dooritit Antiffiqimuk Sugne.

Ta Doorititte Baaxo Caagidal Toofeh Tan Sittin Way Bisoh Haytam Kee Booditte Baarisak Fayya Le Caddol Adan Baxiino Kee Madduurul Kaxxa Kasaara Katasseh Tanim Aydaadi Alhuunih Numma Kinni.

Cayli Dooritil Mango Sanootah Suge Taqabi Cubbusseh Tan Awayi Hora, Ni Baaxo Itiyoppiyal, Sugteh Tan Taqabitte Calli Akah Geysiisaanam Faxximtaamal Aamanuk, Agat Mabboloowul Mabla Caatih Diggoysak Abini Mafdaga Fanah Gufusse.

Ta Hora Mablaak Fanteena Fanah Tabsen.

Nek Beeri Gitah

Agat Mabboloowih Kobox Inki Udduurih Tikkok Taturak, Tabtam Xiqta Madma Le. Ta Gexsitik Qambalsimta Xalootittel Rakiiboh Tan Baaxo Caagiidal Sittin Gey Hadalaanamaay, Baaxoh Inkiino Kee Ayyuntiino Fantaaxawitte Diggoysaanamaay, Calli Mablooli Ummattah Ikoytiinu Akah Tallennah Abaanama, Baxaabaxsa Le Ayyunti Exxaaxih Fanal Aamanti Diggoysaanam Kee Sarrimaane Le Salaam, Demokraasi Xiinisso Kee Baaxo Xisneh Rakiibo Cabaanam Kinni.

Agat Mabboloowih Safar Xeeruk Suge. Fanteenit Xisne, Cogdaadi MIssoosaanam, Maglableela Baxisaanam, Ajenda Gaaboysaanam, Ummatta Gabat Agle Maqarroosaanamaay, Awliino Diggoysaanamaay, Ajenda Fiirisaanam Kee Agat Caddol Mabbolow Kobox Gexisaanam Faxxiimak Sugte.

Ni Baaxo Itiyoppiyal, Baaxo Caagiidal Inkiinol Daffeyaanam, Sitta Ankacisaanam Kee Sitta Elle Geyan Caagiida Gorrisaanam Isih Kaxxa Maaqatta Kinni.

Itiyoppiyak Agat Agaarad Koboxul Itiyoppiyah Xaylo, Baaxo Taqabitte Walalal Yafxigeenim Xiiqimtam Elle Sumaaqisen Gudgudu!

Mabboloowul Kulli Mari Yayse!