Gabbi Rasuk Qammi-baxi Daqaaral 7,000 Daga yakke hiktaaral Karma Buqre Akkuk geytimtam yescessen

Addis Ababa Ximolik 17/2018(ENA)Gabbi Rasuk Qammi-baxi Daqaaral Ayyuntah faxxiimah yan qokol kee Uguugus Abak karma buqreh 7,000 Daga yakke hiktaaral Qutbiiy, Qasa Basal kee kalah Baxaabaxsa le Murtitte Abqaruk Akkuk geytimtam Daqaarak Buqre Kee Gino Gaddih Daddoosih kutbeh buxa Saqal Injiner Caydara Macammad Qaddoyse.

 

Daqar Caddol investerwa Abtah tan Buqre Dubuh hinnay, Garab Dacarsittoh Xiinah Baxsa le Muhimmat Acayuk Canka kee Eglaalih ken xisak maqiddak sinni Kah Xiqan innah taamitak geytimaanam yescesse.

 

Karmaak Naharal Yubqureenih Sugen Basal buqrek Awakkih Uddur Murti orobak geytimam yescesseh yan injiner Caydara Macammad, Afa Sanat Anxaxin Raatih Taddiiral Rakaakayak Naharsi Saqal Massakaxxale Cajji Awwal Qarba elle geytimak daabisen Burtukaan Coox Awakkih uddur meqe Caddot geytimam diggoyse.

 

Tama Aracal Yaabisneh Nan buqraaba daqar doolat faxxiimah yan kattat kee qokol keenih Abak, Abaanah yanin Buqrek meqe xaloot geyak geytimaanam Qafárak Mangaffâ Retteemak Geyne Oyti Diggoysa.