Agatak Mabbalow Komshiini Koboxul Inkih Tayso Elle Nakkem- Pr Mesfen Araaya

Addis Ababa Ximolik 16/2018(ENA) Ityoppiya Ayyunti Inkih Yasgalleh Tan Koboxul Mabbaloowuk Agat Sarrimaane Takkem Duddan Mablooli Elle Xayyoosak Inkih Tayso Elle Nakkem Xiqqina Gexsit Kinni Komshiini Leena Komishineer Pr Mesfen Araaya Qaddoosen.

Itiyoppiyak Amolladi Mabbalow Koboxuk Alfenti Taddeera Addis Ababak Baad Caddoh Konvesnhun Fanteenal Gexsitak Geytimam.

Tama Tadderah Ifderih Prezdenti Tayye Asqhe sillasey,Ummattah Awlaytitih Malah Buxak Caxah Abba Tagese Chafoy,Federation Malah Buxak Caxah Abba Agenehu Teshager Tonnah Agaarad Komishinik Naharsi Komishiner P/r Mesfen Araya Edde Tucdure.

Afrikah Eglak Baxsale Farmoyta Olesenjo Obasanjo Kee IGAD Kutbeh Buxah Saqal Dr Werkeneh Gebeyehuy Tonnah Seeco Akah Aben Qibinay Doolatak Fayya le Mirraacinuy Edde Tengele.

Leena Komishineer Amolladi Alfenti Taddeer Abeh Yan Yaabal Iyyeemih Agat Xayloh Inkih Faxximita Gabah Assagalla Edde Abak Baaxo Sarrimaane Takkeemil Sittaluk Elle Walalen Aydaadi Kobox Kinnim Qaddoosen.

Agat Mabbaloowul Ityoppiya Ayyunti Inkittinaaney Sittin Kacni Maca Kinnim Abinah Elle Amballayuk Sugtem Baxxaqise.

Ityoppiyak Umman Qarangubah Ceelallo Takkeemil Tamixxigeh Baaxo Kinnuuk Qubsa Aydaadu Fiirisak Geytiman.