Itiyoppiya Afrikak Qaafiyat Qidaddoh Wadbeena Akah Takkennah Taamitak Geytimta-Temesgen Teruneh

Addis Ababa,Ximolik 15,2018 (ENA) Itiyoppiya Afrikak Qaafiyat Qidaddoh Wadbeena Akah Takkennah Taamitak Geytimtam Ciggila Naharsi Malaak Temesgen Teruneh Qaddose.

 

Ciggila Naharsi Malaak “Ayro Mawqah Afrikak Qaafiyat Qidaddoh Dadala”Inta Itrol Gexsitam Qimbise 13 Heele Ayro Mawqah Afrikak Qaafiyat Federashion Konferensi Kee Baad Caddoh Egzepashion Fakkental Abe Yaabal Muddaqiino Diggosanama Iyyanama Ayyunti Qaafiyat Dacrisanama Lih Saanih Yan Fantaxaw Lemit Yaabe.

 

Tohuk gexaak inki baaxo waktiik wakti katassah tan qaafiyat bohoyittee kee taqabitte yafdigeenim dibuk hinnay waktiik wadir dadal kee dadaltah tan Qaafiyat siirat xisaanam kaxxa tuxxiq lem yescesse.

 

Itiyoppiyah Doolat Afrikak Qaafiyat Federeshin Kontinental Kutbeh Buxa Addis Ababal Xissamih Fayxi Lem Yescesse Temesgen Tiruneh, Tahak Itiyoppiya Afrikak Qaafiyat Maddur Fanteenak Akah Takkennah Abak Geytiman Macal Aysissikelem Qaddoose.

 

Itiyoppiya Baaxoh Addah Diwaatay, Fokkaaqo, Dayli Alaatittee kee Faximtah Tan Qaafiyat Murtitte Bicisoonuh Taamitak Geytimaanam Kee Doolat Kee Canka Luddal Sitta Lih Taamitaanamih Taama Akah Aban Innah Taamitak Geytimaanam Yescesse.

 

Gifta Temesgen Elle Yescessennala Dariifa Qafiyat Luddal Daddos Arac Xagissuh Inkih Biyakita mara kee Dayli Silacite Baaxoh Addal Rakita Siirat Milaagimam Faximta.

 

Wohuk muxxi Ayro mawqah Afrikah Dariifa Isi Ayyunta Xayih Dacayri kee Faxximtah Tan Dayli Uwwaytite Isinni Baaxoh Xayyosanam Faximta Seeco Xayyose.