Itiyoppiya Muuz Muritisso Baad Caddoh Qalalylih Fanah Dadalisoonuh Taamitak Geytiman.

 

Addis Ababa Ximolik 14/2018(ENA)Itiyoppiya Muuz Murti Baaxoh Addah Fayxik Taturak Afâ Baaxo Fanah Ruubak Geytimtam Buqrê Malaak Qaddoyse.

"Muuz Nihir Yayse Xaloot Fanah" Intah Tan Maxcol Muuz Murti Wagsiisah Yan Kobox Addis Ababal Gexsitak Geytima.

Buqrê Malaakih Xeetah Tan Dr Soofiyya Kaasa Tama Daffeynal Geytimak Abteh Tan Yaabal Inteemihiiy, Muz Murti Manga Kee Mexxatal Amrutuk Baaxoh Addah Fayxik Taturak Baad Caddoh Qadaagal Akah Xayyoosan Inna Kee Tonnah, Muuzuk Geytimah Yan Culenta Yaysiiseenimil Baar Le Taama Akkuk Geytimtah Tanimiiy Yescessem.

 

Itiyoppiya Quborta Kee Caxaaxuwa Kee Caxá Miri Luddittel Abatah Tan Taama Xaloot Baahak Baad Caddoh Qadaagal Akah Xayyoosan Innih Taama Akkuk Geytimtah Tanimiiy Tescessem.

Tonnah Muuz Qusba Siirat Missoysak Muuzuk Yayseh Dariyu Akah Yamruten Innih Taama Akkuk Geytimtah Tanimiiy Tescessem.

Maaliyyah Xisoosa Baaxo Buqrê Luddah Abtah Tan Qokol Baarissam Faxximtah Tanim Ascassukuuy, Tamruteh Tan Ayyunuti Exxaaxi Dudda Le Maaliyyah Qokol Geytim Faxximtah Tanimiiy Tiysixxigem.

 

Itiyoppiya Hortikalcheral Murtisso Kee Afah Rubtah Tan Eglak Leenah Taama Gexseh Yan Texris Zawxe Isi Katuk Iyyeemih, Itiyoppiya Muuz Yamruteenimih Caddol Leh Tan Fayya Le Daddih Caddol Elaa Taham Fanah Elle Faxximta Innal Amrute Wayteh Tanimiiy yescessem.

Muuz Murtisso Kee Mexxat Yaysiisoonuh, Macgagguruk Tan Hangisso Yaceenim Faxximtah Tanimiiy