Itiyoppiya Kee Ruusiya Teknoloojih Tabaatasih Caagiidal Sittin Qokolih Taama Fooca Fanah Diggoose Geytiman - ENA Qafar Afa
Itiyoppiya Kee Ruusiya Teknoloojih Tabaatasih Caagiidal Sittin Qokolih Taama Fooca Fanah Diggoose Geytiman
Addis Ababa,Ximoli 14,2018 (ENA) Itiyoppiya Kee Rusiya Teknolojih Luddal Luk Sugen Sittin Qokolih Fooca Fanah Diggoysoonuh Kaxxa Taama Abak Geytimaanam Itiyoppiyal Rusiyah Ambasadder Yan Evgeny Terkin Qaddoose.
Ambasadder Evgeny Terkin Itiyoppiyak Artifishaal Intelejensih Inistituyut Gufne Abak Abak Geytimta Taamoomi Yuble.
Ta Inistituyutuk Naharsi Dayrekterih Yan Dr Worku Gachna Itiyoppiyal Dijital Tabaatabsih Safaral Ta Inistituyut Abak Geytimta Tuxxiqle Taama Wagsiisak Addaffakot Abe.
Ta Inistituyut Tekkeh Tan Fokkaaqo Kee Daddos Taamoomi Itiyoppiya Naharal Edde Tace Ayyuntiinoo Kee Qidaddo Luddal Kaxxa Biso Macal Abtam Xiiqimtem Yiysixxige.
Ambasadder Evgeny Terkin, Itiyoppiya Kee Rusiya Xer Uddurih Namma Baaxoh Angaaraw Kee Maqarle Qokolul Loonum Kassiise.
Itiyoppiya Kee Rusiya Fokkaaqo Kee Daddos, Sahdayti Caylih Daddos, Tonnah Teknoloji Tabaatabsal Sitta Lih Taamitaanam Diggooseloonum Kassise.
Ta Luddal Baaxooxa Fanal Yan Sitaluk abit BRICS Adoytit Baaxooxa Artifisal Intelligence Sitalih Daddal kee Tuxxiq Akah Yantifiqen Innah Abak Geytiman Baar Le Macalite Kinnim Ta Institute Elle Qaddosennalaay.
