Banadamiyyoh Qokoluh Yakke Maaqidda Rakaakayak Qawwalaylah Ossoodih Makkaabiyyoh Komishiinil Tabsen

Addis Ababa,Ximolik 7,2018 (ENA) Inki Alfi Kee Namma Boolih Kuntal Yakke Kuntaal Yakke Banadamiyyoh Qokoluh Yakke Maaqidda Rakaakayak Qawwalaylah Ossoodih Makkaabiyyoh Komishiinil Tabsenenim Qaddosen.

 

Rakaakayak Buqre-Kee Gino Gaddih Daddoosih Biiro kee Teetit Seecimeena Leh tan Qafar Dacarsittoh Xiina Kee Garab Dacarsittoh Xiinah Kusaaqih Instiitiyuut Siita luk Gacak Binaadamiino Qokoluh Yakke Maaqaddak 1200 Kuntaal Rakaakayak Qawwalaylah Ossoodih Makkaabiyyoh Komishiinil Tabsen.

 

Ta Qokol Rakaakay Caddol Yibbixeenih Yanin "Binaadamiino Qokol Ninni Duddal" Inta Itrol Rakaakay Caddol Yubquren Sirray Buqrey Orobtek Abbinoosan Qokol Kinnih Tanim Yescessen.

 

Qokol Mattacoh Aracal Geytimeh Yan Rakaakayak Buqre-Kee Gino Gaddih Daddoosih Biirok Naharsi-Saqal Injineer Yaasin Qali Sanat 2018 Liggida Yubquren Buqrek Ciggiila Udduurih Zariyyu Kee Buqre-abeenitih Yaceen Qokol Kak Raaqisak Qabaar Kee Kalah tan Qawwalay Boddah Iyya Kalaloonuh Isinni Duddal Aban Catotta Kinnih Tanim Kee Foocah Maqarroosak Gexeloonum Kassiisen.

 

Gifta Abbah'abba Cuseen Qafar Dacarsittoh Xiina, Kee Garab Dacarsittoh Xiinah Kusaaqih Instiitiyuutuk Naharsi Saqal Kinnuuk Iyyeemih Dubti Daqaaral Rakakaay Doolat 2018 Liggidah 200 Hektaaral Tubqure Buqrek Orbe Maaqidda Kinnuuk Awayih Ibak 1200 Kuntaal Ummattah Catottal Kah Assannah Abeenih Yaniinim kee Tabisle Taamoomi Maqarroowak Gexelem Yiysixxige.

 

Qokol Hirgeh Yan Rakaakayak Qawwalaylah Ossoodih Makkaabiyyoh Komishiinik Naharsi-Saqal Gifta Macammad Cuseen Isi Le Katuk Iyyeemih a Maaqiddi Baaxo Caddol Bohoy Yekkeh Yan Qabaarak Qafar Caddol Isi Foxo Alifelem Ascassuuk Qokol Keenih Abteh tan Dagortih Gadda Gacsa Yaanam Iyyem Rakakayak Mangaffa Rettimah Oyti Yascasse.