Kataysos Parki Taturte Bacra Sanootat Inki Biiliyeenih Birrih Culenta Geysiisem.

 

Addis Ababa Ximolik 04/2018 (ENA) Addis Ababak Gudel Geytima Kataysos Parki Taturte Bacra Sanootat Inki Biiliyeenih Birrih Culenta Geysiiseh Yanim Naharsi Malaak Abiyyi Acmad(PhD) Qaddoysem.

Naharsi Malaak Abiyyi Acmad(PhD) Ayyuntiino Retteemah Guubulk Tatruseh Yan Farmol Kataysos Parki Taturte Bacra Sanootat Qimboh  Qikkiboh Doolat Xisseh Tan Mango Tuxxiq Le Ayyunti Ayfafayih Aroocak Tiyak Teena Kinnih Tanim Yescessem.

 

‎Ta Parki Taturte Affara Sanootat  Inki Biiliyeenih Birrih Culenta Geysiiseh Yan Way Mango Taama Saami Kee Qidaddoh Anifiqimiyya Gineh Yanim Qaddoysem.  

Kulliimik Muxxi Bxaabaxsale Ayyunti Exxaaxi Gufneh Tamaate Wacaysir Arac Yekkeh Geytimam Yescessem.

Buxa Mara Kee Alaaqaay, Isportih  Buttaati Kee Daigbta Maritte Edde Anuk Baaxoh Adda Kee Afa Baaxoh Wacaysir Abeenit Ta Aracal Geytimaanah Yaninimit Qaddoysem.  

Kataysos Parki Qidaddo Tuxxiiqik Kalah Qaafiyataay, Dagar Diigiiy, Sabhalal Kee Ayyunti Fantaaxawh Kaxxa Doori Digrak Geytimam Baxxaqsem.

 

Ta Meqe Gurral Ikraarime Ayyunti Sabhalal Arac Addis Ababah Magaalah Amolladih Magaaliyyo Dadalah Kaxxa Doori Digrak Sehda Aninnal Geyaanamak Asmat Kinnih Tanim Qaddoysem.

‎Ta Parki Magaalaay, Tonnh Kaadu Gersi Magaaloolul Xissiimak Geytimta Tanna Acelta Ayyunti Ayfafaafayih Aroocah Ceelallo Kinnih Tanim Kassiisem.  

Qusb Arooca Nihir Osissak Saamitte Ginak, Kulllimiik Muxxi Itiyoppiyah Xayloh Baaxô Kacanu Digossa Fantenaani Takkem Faxximtam Yescessem.