Algin Raatih Dariifa Dacayri kee Weelo Asqassaabe Kaxxa Doori le - ENA Qafar Afa
Algin Raatih Dariifa Dacayri kee Weelo Asqassaabe Kaxxa Doori le
Addis Ababa Waysuk 28/2018 (ENA) Algin Raatih Taddeera Baaxok Garbo Caddo Dadlisak Dariifâ Dacayri kee Weeloh Asqassaabeh Kaxxa Doorileh Tanim Itiyoppiyak Dariifâ Dacayrih Reedoonuk Leenah Xayrekter Injiner Lelise Neme(PhD) Qaddossem.
Itiyoppiya Rosqâ Milaagi Kataasah Yan Taqabi Xiqtuh Garbô Caddo Dadlisak Maaqiddi Caabi Daabissam Xiqsissa Algin Raatih Taddeera Naharsi Malaakih Uguugusul 2011 Liggidak Qimbisak Baaxoh Caddol Abbinoosak Geytimtam.
Ta Nabah Tan Taddeeral Taham Fan 48biiliyeeniik Dagah Garbooy, Caxaaxuwa kee Silaaloh Takke Daabimtam Xiqqimtem.
Itiyoppiyak Dariifâ Dacayrih Reedoonuk Leenah Xayrekter Injiner Lelise Neme(PhD) Algin Raatih Taddeera Dariifa Qer kee Qassunoowuk Elle Dacrisna Gitak Tiyak Teena Kinnim Tescessem.
Ciggiila Magaalâ Xiinissoh Bilhadal Addis Ababah Magaalak Leenah Taama Gexse Injiner Wenximu Seta Wasaakat Edde Qidak Sugen Dariifa Away Wasaakatak Gadda Fan Kortam Xiqqimtem Qaddoysem.