Afrikah Egla Kee Awroppah Egla Makcaggurul Rakuh Yan Fantaaxaw Maqarroosak Geytiman. - ENA Qafar Afa
Afrikah Egla Kee Awroppah Egla Makcaggurul Rakuh Yan Fantaaxaw Maqarroosak Geytiman.
Addis Ababa; waysuk 1/2018 (ENA): Afrikah Egla Kee Awroppah Eglah Yangalen Tuxxiqitte Fantaana Aba Makcaggur Le Fantaaxaw Diggoosnuh Taamitak Geytimaanam Qaddoosen
Afrikah Inkiinoh Komishinik Saqal Macmud Qali Yuusuf Addis Ababal Geytimta Afrikah Eglak leena Kutbe Buxal Awroppah Eglak Inki Gid Akkiyyi, Gulgulluso Kee Qawwalaylah Kalalih Komishiner hajja Lahbib Lih Walalem.
Afrikah Egla kee Awroppah Eglah Fanat Yan makcaggurle Fantaaxaw Sarrimanele kee Maqarle Sittin Qokkoliyya fanah Diggoosak Geytiman
Awroppah Egla Afrikah Abak Geytiman Qokkolitteh Gabah Assagalli Assakat lem ascassuk Gadda Gacisem
Namma Katuk Yekkeh Yan walal Baxsa luk Hangi Akah Yeceenim Iboolah Dalka Kalaloonuy Abak Geytiman Maclittey Tonnah Qaafiyat Kee Banaadamiyyoh Caddol Booddah Tan Qawwalayal Sittaluk Kalaloonu Taamiteloonum Qaddoosem
Afrikah caddol boodak Geytimita Taqbittte wagittaamalAfrikah Salaam, Amni Kee Daddos Caagiidil Tanih Tan Gexkalitte Wagsiisak Walalen
Afrikah eglah komishiinih Saqal Macmuud Qali yuusuf Abeh Yan Yaabal iyyeemih Afrikak Qaafiyat Dacayrih Nagayaniinah Rakkisoosa Diggoosak Qaafiyat muddaqiino Daabisak Tonnah Qarangubah Caddol Aftabi xayyoosiyya Elle faxximita Gurral Biyaakitte Kalaloonuh Taakume Bicitte Abak Raddi Yaceenimih dudda dadlisak Geytimaanam Qaddoosem
Qarangubal Qaafiyat Dacayrisiyya Salaam kee sarrimaanele daddos wagittaamal Diggale Margqa luk Namma Egla Sittaluk Taamitak Geytimaanam Yescessem