Afrika Saay Malah Buxal Madab Daffeyna Kah alle Waytannah Abaanam Baad Caddoh Fantenaanih Qadli Sinna Iffossam kinni.

 

Addis Ababa Laqinik 05/2018 (ENA) Afrika Saay Malah Buxal Madab Daffeyna Kah Aalle Waytannah Abaanam Baad Caddoh Fantenaanih Qadli Sinna Iffossa Abina kinnim Galli Maroh Eglak Leenah Kutbe-Abe Antoniyo Goterez Qaddoysem.

Afrikah Egla kee Galli Maroh Eglak 10heele Sanat Konferensi Afrikah Eglah Kutbe Buxal Gexsen.

 

Galli Maroh Eglak Leenah Kutbe-abe Antoniyo Goterez ta Aracal elle qaddoysennal Galli Maroh Egla Kulli luddittel Aakam Afrika Abaanam Niya Dirki Kinnim Qaddoysem.

Afrikah Qarangubah Booditte Sahhiloosak, Qaranguba dadal kee leeda daabimtuh abtah tan macal assakatlem qaddoysaak, Afrikah Qarangubah Currik Tan Tellemmo Dariifa kee Gersi Saay kee salaam Uguugusitte Assakatlem Baxxaqsem.

Afrika Edde Angale Kalah Xissimteh Tan Baad Caddoh Fantenaanih Qadli Sinna Afrika Manuom Waysisse Iyyeh Yan Leenah Kutbe-Abe Afrikah Taqabi Afrikal Kah Yanfidigennah Qimbisimte Taamoomi Qoklaanah Yaniinimit Yaabem.

Afrika Kaxxaam Faxximtah Tan Maqaddin kee Algin Qidaddol Kaxxa Dudda Leh Tanim Ascassuuk Gaddat Nihir Osisak Baad Qadaagal Elle Xayyossah Tan Guta Fiirisaanam Faxxintam Kassiisem.