Afrikah Egla Kee Galli Maroh Eglak Fayya Le Caddoh Walal Addis Ababal Gexsitelem.

 

Addis Ababa Laqinik 5 /2018 (ENA) 10 heele Afrikah Egla Kee Galli Maroh Eglak Fayya Le Caddoh Walal Asaaku Inkiinok Kutbe Buxal Addis Ababal Gexsitele.

Tama Walal Afrikah Eglak Komishinih Saqalah Yan gifta Macamud Qali Yuusuf Kee Galli Maroh Eglak Leena Kutbe Abe Antooniyo Guterez Edde Angalel Axcuk Qambaalan.

Tama Walalal Afrikah Daddos Kee Baad Xiinissoh Caagiidal Namma Missoynah Fanal Leh Yan Istraateejik Sittin Qokol Diggooysaanam Kinnim Qaddoosen.

 

Ta Walalal Namma Eglah Fanal Daddos, Doolat, Banaadamiyyô Qokol Kee Salaam Daddos Luddal Koobaahisso, Masquliyyat Tabsen Kee Qokol Akah Yaysiisen Innah Abak, Tonnah Kaadu Naharsi Caagiidal Sitta Lih Taamitaanam Elle Duudan Gurral Walal Abelon.

Fayale Caddoh Walal Baxsaluk Ajenxa 2063 kee Nammayhytoh Tabna Sanatih Abtol Sissikuk Afrikak Baad poliisi kee Xintoh Addal Leh Yan Fanti Doori Yasmitoonuh Mangoh Tan Istraateejik Caagiidal Wadbiselem Warsen.

Ossotinah, Daddos Maaliyyah Addal "Qaku Illa Amobaxxaaqa" Tabaatabsaay, 2026 Afrikah Inkiinoh Sanatih Mafdagaay, Sarimanele Lee kee Saytunnos, Tonah kaddu Baad Caddoh Institutionitte Milaagimam kee Afrikah Awlaytiinoh Galli Maroh Eglak Amni Malah Buxal Walal Abelon.

Ta kobox Qarangubal Geytimta Taqabitte Afrikah Calli Geyaanamay, Baaxoh Addah Gaddih Angagoyih Osisiyaay, Qunxaaneyta kee Sayyo Cayla Yasmiteenim kee Qaranguba kee Baad Caddol Daddosih Naharsiino Fanal Yan Angaaraw Maqarroosaanam Faxximtam Kassiiselon.

Ta Walalal Qambalsimta Xalootitte Edde Anuk Yayse Istraateejik Koobaahisey, Qadlinaanle Baad Maaliyyah Siirat, Afrikah Inkiinok Sanatih Mabla Dariifal Maqarle Koobaahisso, kee Galli Maroh Eglah Siirat Addat Qadlino Le Gurral Afrikah Awlaytiitih Maqarroosaanam Faxximtam Yescessen

Afrikah Eglak Komishinik Saqalah Yan Macamud Qali Yuusuf Kee Galli Maroh Eglak Leena Kutbe Abe Antooniyo Guterez Tama Walal Gexsitak Geytima Xalu Wagittaamal Sitta Lih Maybalaalaqa Aceloonum Yiysixxigen.