Anxaxin Raatih Daddosih Taddeera Rosqâ Milaaguh Debrime Sinni Qidaddo Xisoonuh Akkuk Geytimita Maclitte Assakat Le Xaloot Amballayuk Geytima. - ENA Qafar Afa
Anxaxin Raatih Daddosih Taddeera Rosqâ Milaaguh Debrime Sinni Qidaddo Xisoonuh Akkuk Geytimita Maclitte Assakat Le Xaloot Amballayuk Geytima.
Addis Ababa Qasa Dirrik 14/2018 (ENA) Algin Raatih Daddoosih Taddeeral Rosqa Milaaguh Kobboritem Sinni Qidaddo Xisoonu Akkuk Geytimita Maclitte Ceelallo Takkem Dudda Abto Kinnim Afrika Anxaxin Raatih Uguugusih Eglak Borxi Saqal Yan Haylumariyam Desalegn Qaddoose
Tama Saqal ENA Luk Abeh Yan Mabla Garayal Elle Qaddoosennal Ityoppiyak Algin Raatih Daddoosih Taddeerah Makcaggur Baaxoh Caddok Taturak Qaranguba Daddoosih Qokol Kee Fantaxawak Rakiibo Akkuk Geytimam Qaddoose.
Ityoppiya Algin Raatih Daddoosih Makcaggur Gino Gaddih Dacrisiyya Kee Rosqa Milaagih Kalaluk Taturak Maaqiddi Caabi Diggoosnuh Kaxxa Doori Digrak Geytimam Baxxaqise.
Baxsa Luk Warrayte Liggiditteh Addta Abbinoosak Geytiman Daddos Taamoomi Assakat Lem Ascassuk Baaxoh Caddol Kaxxah Yan Xaloot Edde Yumbulluyeh Yanim Qaddoose.
Tonna Kinnuk Ityoppiyak Anxaxin Raatih Daddos Afrikah Rosqa Milaaguh Kobboritime Sinni Qidaddo Xisneh Akkuk Geytimita Maclittek Asat Kinnim Qaddoose
Mangoh Tan Langitteh Tuxxiqitte Leh Yan Coox Daabisiyyah Hangi Akaha Acyuk Buqreh Daddoosih Caddol Murtisso Rakiibo Abak Taamitak Geytimaanam Assakat Le Abto Kinnim Baxxaqise.
Ta Luddal Takkeh Tan Taama Sarriino Le Gurral Coox Daabisaanam Dubuk Hinnay Kattaatak Hanaawisak Dacrisaanamih Taama Fooca Fanah Maqarroosanam Faxximtam Qaddoose.