IGAD' 40-liggidih Addat abak Geytimitah Tan gexoh Addat Qabar Qawwalaylah raddi yaceenimik dariifa fantaaxawih agleh Taamitak geytiman.

 

 

Addis Ababa Agda Baxisok 13 Sant 2018 (ENA)Ayro mawqah Afrikah Qaranguba Kulli liggidittel sissik milaagu Arcibissah Tan Makcaggur leh mango tuxxiqe le dariifay 300 milyoonuk daga Yakkeh Yan Ayyunti elle mannoowah Ta dariifa mangoh Yan Sehdayti Gadda leh Tonnah Mango yan qunxaaneyti cayla kee Tellemmo wadibissoh Baarisiyye elle Ambullayuk geytima.

Baadak Maaliyyah Egla (IMF) Ayro Mawqah Afrikak Amolladih Baaxoh Addah Murtisso (GDP) Sanat 2025 Fanah 598.6 Bilyoonih Dollar Gufelem Qaddoosen.

Ayrô mawqah afrika ityoppiyah edde anuk afrikah addal kaxxam sissik dadal le qidaddoh guub kinni.

Ayro mawqah afrikah caddol qidaddoh buqreey, saqaay, Sanaaqattay tellemmooy, merraytu qidaddoh koridor kee sissik dadalal digital qidaddoh Caddol elle yamubulle kinnim Baxxaqise

 

Jograafih caddol, Ityoppiya fayyale baaxooy, Kaxxa Baddih Rakaakayaay, Afrikah gaysak addah tan baaxooxal geytimta. Qasa badak xabba haanam hindi bada fan, ayro mawqah afrika Afrikaay, fanti maaca kee baad baddi kabxah gitittet axawah tan.

Tama istiraateejih arac, ayro mawqah afrikah doori, baadal tan badaaqat, lowsis kee geopolitics caddol kaxxa doori digirte. Rakaakayak amni kee koobaahissoh tuxxiq saddam hinna.

Ayro mawqah afrikal tan baxaabaxsale ayyuntitte kabxaay, dabboh xiinaa kee qaadâ fantaaxawat axawah tan. Qasri baadal, ta aydaadi angaaraw rakaakay agleh addat kaxxa doori digirte. Rakiibô daddos ittalluk abit, ittat axawah tan pooliisittee kee ummattah currik tan angoyyaa kee uwwayti qidaddo dadal kee inkih tan daddos gexsitta.

Rakaakayitteh agle baxsimte qadaagoogi inkittinaane, qalayli osisaanam kee milyoonul loowimta baaxo xaylo baxsaluk qunxaaneytah taamah saami ginaanam maftacak taniimi.

ayro mawqah afrika mango gexkalit le rakaakayaay mango saami le. Hawa milaaguk tamaate qabar kee weeqi qawwalaylaay, booditteey, dufum kee qadliino sinni daddos wadba lafale caagiidak tiyak teyna kinni. too cayduk taturta gexkalit cankah gacsa hinnay kobox essera.

Ta Taqabi Hangit Haak, 40 Sanatak Afal Rakaakayal Qagaaqagitak Yakkeh Yan Qabar Rosqa Milaagih Caagiidal Sitta Lih Gacsa Akah Yacen Innah Inki Institutional Framework Xissimteh Sugte. Ta xiso doolat fanat yan doolat Abbootana (IGAD).