Qasabadih Qafarih  Ximokraasih Missoyna (RASDO)Qasa Badih Afal Qafar Ummatta Akkuk Geytimtah Tan Ceelo wayto kee Samad Bayis Wagisaasak Maybalaalaqa Yecen.

 

 

Addis Ababa C/kudok 15/2018(ENA) Qasabadi Qafarih ximokraasih missoyna xixxibaane siirat qasabadih qafarih ummatta abak geytiman samada bayisa Qaranguba kee baad ummatta akah taaxigennah Asaaki Macasenta maybalaalaqa yecen 

 

Qasabadih Qafarih ximokraasih missoynak saqlah yan Gifta Ibraahim Haarun Elle Qaddosennal qasabadih ummattak guubuk saaxisaanah le baaxok duffatak samada baysi gaadu edde abak Geytimaanam Qaddoose. 

 

Tama Maybalaalaqa Teceem Baxsa Luk Missoynak Naharsi Saqal Gifta Ibraahim Haarun Missoynak Kutbe-abeenah yan Qabdu Shek Macmuud kee Missoynak Maxco Gabbaaqeh Yan Gifta Nasraddiin Acmad Qali Kinni.

 

Qasabadih Qafarih Ximokraasih Missoyna Afrikah Inkittiinoh eglak Adam baxi cakkih exxaal xayyoosen malkit Oggol Geyak geytimah Yanim Qaddoose.

 

Afrikah Inkittiinoh eglak Adam baxi cakkih Commission (ACHPR) RSADO xayyosse malkit wagsiisak eritreah doolat 60 ayroh addat Raddit Tacem faxximtam yiysixxgen. 

 

Qasabadih Qafarih ummattal Yakkeh yan samad bayisa Gaadu baadak sehdaytiino gaarih exxaaxih xixxibaane siirat abak geytima samad bayis rammoosonuh mammaasan keenil baahanam faxximitam qaddoose. 

 

Qasabadih ummatta 1993 F.L.L xabba haak Eritrea xinto Qafár ummatta samad bayis abak geytimitam ascassuk 3000 Alfik dag yakke ayyunta abuuyakakkayuk elle yanin guubuk duffusak geytimaanam Yiysixxgen.

 

Sayyol Takke Ganaasaqooy Caylah Giclo Booxa fan Sinam Beyaanamaay, Dabboh Kah Gexan Innah Abaanamaay, Cokmi Maleh Casbisaanamaay,Baaxoh addah Siyaasak Yayxeereenim kee Qafar Isi-amoh Xin Waysiisaanam Edde Anuk Mango Ceele-wayto Qasa Badih Qafaral Akkuk Geytintam Tama Maybalaalaqal Yiysixxgen. 

 

Tonnah Qadabadih ummattal Tu sabab sinnim le alafaatal loowimta marittek manol yaniinik rabeenik akak amixxige sinni tan baxsa luk siyaasa marittey, baaxoh idoolay, Diini Abbobitiiy, qunxaaneyti Saaxisak geytimaanam qaddoose. 

 

Eriterah Xinto Qasa Badih Qafarat Abak geytimita samad bayisa kee ceelo wayto Afrkiah inkiinoh Eglah Adam baxi cakki Egla kee Baadak sehdaytiino gaarih exxaaxi anay Takkem Faxximtah Tanim qaddoose.

 

Qasabadih Qafarih ximokraasih missoynak naharsi saqal Gifta ibraahim Haarun Qafar rakaakayih doolat kee Inkih Tan Qafar ummatta ken xaqtu soolak abak geytiman qokloh Gadda gacise.

 

Itiyoppiyak xaagi Raceena.