Asaakî Macsenta Rakaakayak Qaafiyat Biiro Baadak Sokkari Lakima Le Marih Ayro Assakaxxuk Maacisen.

Ta Taddiirah Aracal Qaafiyat Biirok Miraaciinî Makaadoh Adoytiitiy, Itiyopiyak Sokkari Le Marih Eglak Presidentih Yan Dr Terekegn Getahunuy, Federaalak Yemeete Qibnay, Qafar Rakaakayak Sokkar Le Marih Eglah Adoytiitiy, Tonnah Kaadu Baxaabaxsale Daqooritik Yemeete Qibni Edde Tengeleh Sugem Tamixxige. 

 

Ta Ayroh Akah Yassakaxxeenim Sokkari Lakima Le Mara Kassitak, Ummatta Sokkari Kee Qabali Mangak Fokkaaqo Akah Aban Innah Uguugusak, Ta Lakima Le Mari Isi Akah Dacrisanna Kee Dagar Diig Diggoysak Akah Gexan Innah Kassis Edde Diggoysan Ayro Kinnim Tamixxige. 

 

Tama Taddiirah Yemeete Qibni Saaku Dagar Diig Angoyya Abak Maaciseenin Kee Tonnah Kaadu Ummatta Fokkaaqo Akah Aban Innah Abak Mango Ummatta Fokkaqo Abak Maacissem Tamixxige. 

 

Tama Aracal Geytimak Yabti Fakkenta Abtem Qaafiyat Biirok Dalka Kalalih Xayrekterih Yan Gifta Acmad Qali Cabiib Kinnuuk Iyyeemih Ni Ummatta Sokkara Lakimak Isi Elle Kalaltannah Mangoh Tan Uguugus Taama Abak Yemeetenim Kee Tonnah Kaadu Sokkari Lakima Le Mara Faxxiima Dayli Ayfaf Yaceenimih Caddol Kulli Hospitalittel Meqe Taama Abak Yeemetenim Qaddoyse. 

 

Ciggiilak Kaadu Itiyopiyak Sokkari Le Marih Eglak Presidentih Yan Dr Terekegn Getahun Iyyeemih Ta Dalka Awayih Uddur Mangom Binaadamti Baxal Ambuluk Geytimta Dalkay Baxaabaxsale Kalali Taamoomi Elle Akkuk Geytimta Kinnuuk Ummatta Ta Dalkak Isi Kalaltuh Baxaabaxsale Cogdaadit Cattiimak Uguugus Taama Diggoowak Gexxam Faxximta Axcuk Kassiise.