Afrika Galli Maroh Eglak Rosqa Milaagih Kobox Inki Xongolot Yaabak Baadal Caddol Tontobbe - Naharsi Malak Dr. Abiy Acmad - ENA Qafar Afa
Afrika Galli Maroh Eglak Rosqa Milaagih Kobox Inki Xongolot Yaabak Baadal Caddol Tontobbe - Naharsi Malak Dr. Abiy Acmad
Addis Ababa Naharsi Kudok 5 Sanat 2018 (ENA)
Naharsi Malak Dr Abiy Acmad Afrika Galli Maroh Eglak Rosqa Milaagih Kobox Inki Xongolot Yaabak Baad Caddol Tontobbemem Qaddoose.
Naharsi Malak Dr. Abiy Acmad Isi Ayyuntiinoh Ratteemah Galil Tatruse Farmol:- Afrika Calli Qaran Guba Akkuk, Ciggiltah Tan Sarrikmaane Le Baad Caddibnih Macalitteh Addal Itiyoppiya Dudda Le Maglable Akkuk Bisoh Heele.
Galli Maroh Eglak Rosqa Milaagih Kobox (KOp30) Biraazilik Belemil Gexisen.
Itiyoppiya Sanat 2027 KOP32 Addis Ababal Arcibissuh Doorimteemih Naharsi Malak Gadda Keenih Gacse.
Bad Caddibnih Ayyunti Ta Masuuliyyat Itiyoppiyah Yeceemih Kaxxa Caddi Keenih Taguudem Qaddoosaak, Ta Sumaqta Itiyoppiyak Rosqa Milaagih Maaqatta Baad Caddibnih Ayyuntih Garil Kibal Lem Elle Tuybulleh Tanim Yiysixxige.
Ossetinah Itiyoppiya Baad Caddibnih Gudguditte Arcibissaamih Xiqto Fayya Teetih Hayreh Tanim Qaddoose.
Itiyoppiya Rosqa Milaagu Sitta Lih Inki Maaqattat Elle Gexan COP 32 Hangit Hayta Maqar Lem Kee Xalu Le Tan Taama Hadaloonuh Faxximta Taama Abtuh Bicat Tanim Yiysixxige.