Afrikah Inkiinoh Egla Kee Awroppah Inkiinoh Mirraacin Kobxu Naharsi Kudok Angoolal Gexsitele Axcuk Qambaalan

Addis Ababa; Kaxxa Garabluk 28/2018 (ENA):-

Malcin Haytoh Afrikah Inkiinoh  Eglak Kee Arwoppah Inkiinoh Eglah  Daffeyna Angoolak Luwandah Magaalal Naharsi Kudok 15 Kee 16 Sanat 2018 Fanah Gexsitelem Qaddoose.

Tama Kobxut Angoolah Perezixanti Kee Awayih Uddur Afrikah Inkiinoh Saqal Joo Lurenso Kee Awroppah Malah Buxak Perezixanti Antooniyo Kosta Sitta Lih Miraaciseloonum Yiysixxigen.

Afrikah Inkiinok Fayya Le Mirraaacinuy  Afrkiah  Inkiinoh Eglah Adoytiitih Tan  Baaxooxah Mirraaacinuy Awroppah Komishinik Pirezdantih Yan Ursula Von Der Leyen Kee Kalah Tan Awroppah Inkiinoh Eglak Fayya Le Mirocti, Qunxaaneytaay, Sivil Eglaali Kee Tellemmoh Awlaytit Tama Daffeynat Edde Angalelem Yiysixxigen.

Ta Namma Fantenaanih Fanat Yan Fantaaxaw 25  Liggidah Yanim Ascassuk, Ta Kobxu Akah Yakkeemik Sabab  Sabhalal Sinna Osak Geytimtaah,  Jeo Politica Dariifa Milaagimak  Edde Ambullayuk Geytima Wakti Kinnim Afrikah Inkiinoh Egla Qaddosse.

Fantenaani Mirraacin Mango Exxaaxih Luk Cattiimak Sitta Qoklak Tambulleyeh Tan Qakkaane Le Xisen Le Gurral Raddi Akah Acyuk Sitta Luk Maragqa Luk Tature Loonum

Salaamay, Amniiy,, Qidaddoy, Angaaraway,, Tellemmooy, Investementi, Dijital Tabaatabsa, Hawa Milaagih Xisne, Dabbo Kee Sahdayti Baxih Angagoyya Kee Sahdayti Gaddih Daddos Elle Walal Elle Aboonu Waana  Ajenxah Kinnim Qaddoosen.

 

Afrikah Inkiinoh Egla Kee Awroppah Inkiinoh Egla Edde Walal Waana Caagiida Sanat 2063 Ajenxaay Sarrimaane Le Daddoosih Hadaf Kee Afrikah Inkiino-Awroppah Inkiinoh Eglak 2030 Mabla Lih Angaaraw Lem Yiysixxigen. Ta Gudgudul Qunxa Miroctiiy, Ayyunti Eglaaliiy, Canka Sekterow Ugussah Tan Esseroora Mirraacin Gudgudul Xayyoosele Loonum Qaddoose.

Lecey Heele Afrikah Inkiinoh Egla Kee Awroppah Inkiinoh Daffeyna Sanat 2022 Beljiyimil Gexsitem Tam Wakti Yekke Kobxul Namma Fantenaanih Adoytiit Tan Baaxooxal 2030 Fanah Sitta Loh Inki Mabla Haak Faaticisak  150 Bilyoonih Yiro Guftam  Investementih Rakiibo Abeenim Kassiisen

Afrikah Inkiinoh Egla Kee Awroppah  Inkiinoh Egla  Sitta Luk Abit Qaduuk Edde Qimbiseenim Awroppah Loowuk Sanat  2000 Kinnim Qaddoose.

Itiyoppiyak Xaagi Raceena