Ciggiila Naharsi Malak Temesgen Tiruneh Artifisial Intelelejensi Uddur hangit hayta xisneena Akkuk Geytimta - ENA Qafar Afa
Ciggiila Naharsi Malak Temesgen Tiruneh Artifisial Intelelejensi Uddur hangit hayta xisneena Akkuk Geytimta
Addis Ababa Qunxa Garablu 10 Sanat 2018 (ENA)
Dijital Itiyoppiya Hadaf Kee Baadal Gufte Artifisiyaal Intelejensih Udduri Hangit Haak Geytima Ado Xisoonuh Taama Akkuk Geytimtam Ciggiila Naharsi Malak Gifta Temesgen Tiruneh Qaddoose.
Ciggiila Naharsi Malak Tamah Elle Qaddoosennal, Artificial Intelligence Inistituyutul Karmah Aydakaakan Beyak Sugte 300 Takke Qunxaaneyta Dooqaysak Geytima.
Ciggiila Naharsi Malak Temesgen Iyem Tohut Waktil Taamitam Faximtah Qunxaneytal Saami Yabixeenim kee Artifisal Intelejensih Uguugus kee Yamaate Gutqo Kalaanam.
Ta hora nanu naharal elle luk sugne saami waytam mafaxximta; bood, carbi kee taqabitte takkem mafaxximta, usuk diggoyseh.
Qunxaaneytah Yaceenih Yanin Aydakaakan Teknolojit Antifiquk Taqabitte Yafdigoonuh Hadal Mablooli Ginaanam Xiqqimtah Tanim Qaddosse.
Itiyoppiya Afrikal Nabbah Yan Artifishaal Intelejensih Inistituyut Xisseh Tanim Kassisak Xijitalayzeeshin Safar Arac Xagtuh Baar Le Taamoomi Akkuk Geytimtam Qaddosse.
Tahak Ugut Abak Baxaabaxsa Le Xiqsissoosat Ugut Abak Dooqaysoonuh Mexxat Leh Tan Qunxaaneyti Madabiinoh Barittot Fooca Fanah Akah Gexannah Abaanam Faxximtam Kassisse.