Gidibih Tan Rosqa Milaagih Taqabit Koysitoonuh Milaagi Maqatta Faxximta-Prezdenti Tayye Askesillase

Addis Ababa Ximolik 28 Sanat  2017 (ENA)

Pirezdanti Taye Atsek Selassie Hawa Milaagih Gibdaabinitteh Taqabi Kalalitoonuh Sissik Milaagi Faxximtam Qaddoose.

Prezdanti Taye Atsek Selassie Afrikah Inkiinoh Komishinik Saqal Macammud Qali Yuusuf Edde  Anuk Itiyoppiya Bicisse 2hele Baadak Hawa Ayyam Addis Ababal Gexsitak Geytima.

Tama Gudgudul Yab Abeh Yan Prezdenti Tayye Atsek Selassie, Afrika Baadal Rosqa Milaagih Caagiidal Dago Doori Lem Takkay Ikkah, Hawa Milaagih Taqabi Kataasak Geytimah Yan Gibdaabinitteh  Akah Koysitan Innah Abak Geytimtam Qaddoose.

 

Afrikal Yaqusbuseenim Xiqan Teknolojih Faxximtah Tan Gino Gadda Lem kee Baadal Hawa Milaagih Addat Miraaciini Doori Digirtam Faxximtam Kassiise.

Kulli Caagid Fanteenal Abata Qadliino Le Hawa Milaagih Poolisi Kee maaliyyah Qokol Abtol Akah Asannah Seeco Xayyose.

Rosqa Milaagih Taqabi Baad Caddol Baxsa Luk Afrikal Kataasah Yan Taqabi Kaxxam Gibdih Yanim Kassiisaak Hawa Milaaguk Kalaluh Sissik Maaqatta Faxximtam Kassiise.

Afrika Rosqa  Milaaguk Kalalitaanam, Taama Saamih Gino Kee Maaqiddi Kibaalih Taama Akah Yaysiisen Innah Abak Geytimta Uguugus Sissikuk Akah Yakkennah Abaanam Faxximtam Yescesse.

Itiyoppiya Rosqa Milaagih Kalaluh Macal Abak Geytimtam Yescesse, Anxax Tabna Sanatih Tadeera Edde Anuk; Inki Maacat 7.5 bilyoonih coox daabisaanam Xiiqimtem qaddoyse.

Itiyoppiya Sanat 2027 Gexsituwa Galli Maroh Eglak Hawa Milaagih Konferensi Arcibissuh Fayxi Kee Dudda Lem Yescesse.

Ta Konferensil Tengeleh Tan Maritte Hawa Milaagih Taqabi Kalalitoonuh Macal Leh Tan Itiyoppiya Luddal Abak Geytimta Taamoomit Gufne Akah Aban Innah Seeco Xayyoose.