President Zeleniski Carbi Sissikuk Soolisaamih Xiqto le- Trumpi

Addis Ababa Ximolik 12  Sanat 2017 (ENA)

Yukreen President Voladimer Zeleniski, Rusiya Kee Yukreen Carbi Soolisaamih Xiqto lem Amerikah President Donald Trumpi Yescesse.

President Trumpi Yukren President luk walaluh yibbixeh yan angaaraw udduruk naharal Yukren Salaam Mablo akah oggoltannah Dufqo abak geytimam warsan.

Presidenti Trumpi, Rusiyah President Vladimer Putin luk Alaskal abeh yan walal sittin gey sinnim baxsimeenimik ugutak Trumpi Yukreen President luk Asaakih Itleenih xagana yibbixeh geytima.

Trumpi ayyunttino rettiimah golil tatruse farmol,  ta carbi sooluh yukreen presidenti tatrusa Margaqa Muhummik tanim Qaddoose.

President Zelwniski Muhummik tan ximmoomal Agaarad fan yamaatuh Ammas abak geytimah yan Donald Trumpi, Yukren, Kiriimiya Yukreenih taduuray, Yukreen Natoh adoyta takkay inta esseroora xayyoosam kaak Maqambaalimta axcuk yascasse.

Doorit Qadoh, President Zeleniski Mubummik tan ximmoomal Sittin gey abek, hinna immay oggolek,

ta carbi sissikuk soolam xiiqimele. Akke waytek Mango ummattah qawwaddi edde awquk geytima carbi lafitak bisoh axce le axcuk, President Trumpi Kassiise.

President Zeleniski Is le Katuk: Trumpi a carbi soolisuh abah yan macal oggollah takkay immay, Waar le Salaam kee sittin gey gufnuh Taakume ximmoomal sitta geyaanam faxximta axcuk Diggoose.

Awroppah Baaxooxah abbobti edde acdurele axcuk Qambaalan, President Donald Trumpi Kee President Volodimer Zeleniski Foocak Foocah yakku waa Walal Acarra Gexsitele axcuk Qambaalan.

Namma Baaxoh abbotih fanat yakku waa walal Rusiya Kee Yukreen Carbi Sooluh Kaxxa Doori yaallu xiiqa walal kinnim CNN Kee BBC Geyne- Oyti Yascasse.