Viinal Gexsitak Sugte Maaratoon Qalaylil Arda-Abeena Chaala Regaasah Maysoluuy Tumurruqe. - ENA Qafar Afa
Viinal Gexsitak Sugte Maaratoon Qalaylil Arda-Abeena Chaala Regaasah Maysoluuy Tumurruqe.
Addis Ababa Qasa-Dirrik 14/2016(ENA):-Viinal Gexsitak Sugte Labhak Maaratoon Qalaylil Arda-Abeeni Chaala Regaasah Ink Haytuh Awaquk Gabaay Kalsiise.
Arda-Abeeni Chaala Regaasaay Ta Qalayli 2 Saaqat Kee 6 Dagiigaay 35 Seconxil Gaba Kalsisseh Yanimiiy Timixxige.
Tonnah Kaadu Lanxan Maratoonuluuy,Tigist Aseffaa Kee Kanaanisa Bqhele Inkih Nammay Haytoh Caddo Baahak Meexaliyah Acwa Geenih Yaniinimiiy Qaddowte.
Sayyô Maaraatoonih Qalaylikiiy Baad Caddol Ink Haytô Ximmoh Daffeyteh Tan Caddo Le Tigisti Assefaay Kimal Gexsiteh Yan 44 Heele Lanxan Maaraayoonul 2 Saaqat Kee 16 Dagiiga Kee 26 Seconxil Amaatuk 2 Haytoh Caddoh Tewqeh Tanimiiy Tumbulle.
Tonnah Kaadu Labhak Maaratoon Qalaylil Arda-Abeeni Qhanaanisa Beqhele Ta Qalayli 2 Saaqat Kee 4 Dagiigaa Kee 15 Seconxil Amaatuk Nammay Haytuh Awaquk Meexaliyah Acwa Geeh Yanimiiy Timixxige.
Atleet Qhanaanisa Beqhele Ta Qalaylil Edde Culeh Yan Saaqat 2019 Haytô Liggidaak Annah Suge Wayteh Tanim Kee 40 Karma Leh Tan Arda-Abeenitik Annah Tan Caddo Suge Wayteemiik Ugutak Baadak Arda-Abaak Kaxxa Caddo Ginnih Tanim Atletiks Federeeshinik Geyneh Nan Oytiiy Yascasse.