ኣዲስ ኣበባ/ ሓምለ/1/ 2016 /ኢዜአ/ብሪክስ ባዕሉ ዝኸኣለ ስርዓት ፋይናንስ ከምዝጅምር ሩሲያ ኣፍሊጣ። ኣብ ቻይና ቤጂንግ ኣብ ዝተሳለጠ መበል 12 ዓለም ለኸ ፎረም ሰላም፥ ሩሲያ ምስ ሃገራት ብሪክስ ኣብ ብሄራዊ ሸርፊ እትገብሮ መጠን ልውውጥ ንግዲ በቢእዋኑ ይምዕብል ከምዘሎ ተገሊፁ። ኣምባሳደር ሩሲያ ኣብ ቻይና ኢጎር ሞርጉሎቭ፥ ሃገራት ጉጅለ ኢኮኖሚ ብሪክስ ካብ ልዕልነት ሳልሳይ ወገን ናፃ ዝኾነ ሰርዓት ፋይናንስ ንምጅማር ይሰርሓ ኣለዋ ኢሎም። ንኣብነት ልውውጥ ንግዲ ሩሲያ-ቻይና 240 ቢሊየን ዶላር ከምዝበፅሐ ሓቢሮም። ኣብ ፅዕንቶ ዶላር ዝነበረ ምንቅስቓስ ንግዲ ብምግዳፍ ንናፃ ሰርዓት ፋይናንስ መፍትሕታት ነዳሊ ኣለና ምባሎም ኣርቲ ፀብፂቡ።

  ኣዲስ ኣበባ/ ሰነ/26/ 2016 /ኢዜአ/ኣብ ሰሜናዊ ህንዲ ኣብ ሃይማኖታዊ ፌስቲቫል ሂንዱ ብዝተፈጠረ ፅቕቅጥ ዝሞቱ ሰባት ቁፅሮም 121 ከምዝበፅሐ ተገሊፁ፡፡ እቲ ሓደጋ ኣብ ህንዲ ግዝኣት ኡታር ፓራዴሽ ሃታራስ ኣብ ዝተብሃለ ቦታ ተኸተልቲ እምነት ሂንዱ ሃይማኖታዊ ስነ ስርዓት እናካየዱ ኣብ ዝነበሩሉ እዋን ዝተፈጠረ ከምዝኾነ ተገሊፁ፡፡ ካብ ሞንጎ ዝሞቱ ሰባት ደቂ ኣንስትን ህፃናትን ከምዝርከቡዎም ዝተገለፀ እንትኸውን ተጎዳእቲ ናብ ሕክምና ናይ ምጉዕዓዝ ስራሕ እናተሰርሐ ከምዝኾነ ተሓቢሩ፡፡ ካብቲ ከባቢ ዝወፅኡ ተንቀሳቐስቲ ምስሊታት ከምዝተርኣየ እውን ኣብቲ ሃይማኖታዊ ስነ ስርዓት ብዝተፈጠረ ምፅቕቓጥ ብዙሓት ሰባት ኣብ ወሰናወሰን መገዲ ወዲቖም ከምዝተርኣዩ ቢቢሲ ፀብፂቡ።

  ኣዲስ ኣበባ/ ሰነ/26/ 2016/ኢዜአ/ ኣብ ዝተኻየደ መበል 17 ፅዋዕ ኣውሮፓ ሸሞንተ ሃገራት ናብ ርብዒ ፍፃመ ሓሊፈን ። እተን ናብ ርብዒ ፍፃመ ዝሓለፋ ሃገራት አውሮፓ፥ ጀርመን፣ ስፔን፣ እንግሊዝ፣ ስዊዘርላንድ፣ ፖርቹጋል፣ ፈረንሳይ፣ ኔዘርላንድስን ቱርክን ኢየን። ፀወታ ርብዒ ፍፃመ 28 ሰነ 2016 ዓ ም ምሸት ሰዓት 1፥ ጀርመን ምስ ስፔን ብዝገብረረኡ ግጥም ክጅምር ኢዩ። ብተወሳኺ ፖርቹጋል ምስ ፈረንሳይ፣ እንግሊዝ ምስ ስዊዘርላንድ፣ ኔዘርላንድስ ምስ ቱርክ ኣብቲ ክሳብ ቀዳም 29 ሰነ ዝካየድ ፀወታ ርብዒ ፍፃመ ክራኸባ ኢየን።

  ኣዲስ ኣበባ/ ሰነ/25/ 2016 /ኢዜአ/ ኔዘርላንድስ(ሆላንድ) ሎሚ ኣብ ዝካየድ መበል 17 ፅዋዕ ኣውሮፓ ኣውዲቕካ ምሕላፍ ልዑል ግምት ተዋሂቡዋ ኣሎ። ኔዘርላንድስ ምስ ሮማንያ ኣብ ስታዲያም ኣሊያንዝ ኣሬና ሰዓት 1 ምሸት ፀወተአን ከካይዳ ኢየን። ምሸት ሰዓት 4 ድማ ኦስትሪያ ምስ ቱርኪ ኣብ ስታዲያም ሬድቡል ኣሬና ከምዝጋጠመ እቲ ዝወፅአ መርሃ ግብሪ የረድእ። እዚ ከምእዚ እናሃለወ ትማሊ አማስዮም ዝተኻየዱ ግጥማት ኣብ መበል 17 ፅዋዕ ኣውሮፓ ኣውዲቕካ ምሕላፍ ፖርቹጋል ንስሎቬኒያ ብፍፁም ቅላዕ 3 ን 0 ብምስዓራን ከምኡ እውን ፈረንሳይ ንቤልጂም 1 ን 0 ብምስዓር ናብ ርብዒ ፍፃመ ምሕላፈን ተጠሊሉ አሎ።

  ኣዲስ ኣበባ/ ሰነ/24/ 2016 /ኢዜአ/ሎሚ ምሸት ኣብ ዝካየድ መበል 17 ፅዋዕ ኣውሮፓ ኣውዲቕካ ምሕላፍ ክልተ ፀወታታት ክካየዱ ኢዮም። ኣብቶም ሎሚ ምሽት ዝካየዱ ፀወታታት ኣውዲቅኻ ምሕላፍ ልዑል ትፅቢት ዝግበረሎም ክልተ ግጥማት ክካየዱ እዮም። ብመሰረት እዚ ምሸት ሰዓት 1 ኣብ ዝካየድ ፀወታ ፈረንሳይ ምስ ቤልጅየም ክትጋጠም ኢያ። ምሸት ሰዓት 4 ኣብ ዝካየድ ድማ፥ ፖርቹጋል ምስ ስሎቬኒያ ከካይዳ ኢየን።

  ኣዲስ ኣበባ/ ሰነ/24/ 2016 /ኢዜአ /ኣብ መበል 17 ፀወታ ፅዋዕ ኣውሮፓ፥ ስፔን ብሰፊሕ ኣፈላላይ ንጆርጂያ ስዒራታ። ስፔን ንጆርጂያ 4 ን 1 ብምስዓር ኢያ ካብቲ ፅዋዕ ወፃእ ገይረታ። ብመሰረት እዚ ስፔን ናብ ርብዒ ፍፃመ ተፀንቢራ። ስፔን ኣብ ርብዒ ፍፃመ ምስ ኣሰናዳኢት ፅዋዕ ኣውሮፓ ዝኾነት ጀርመን ክትጋጠም ኢያ። ክሳብ ሐዚ ኣብ ዝተገበረ ፀወታ ኣውዲቕካ ምሕላፍ፥ ስዊዘርላንድ፣ ጀርመን፣ እንግሊዝን ስፔንን ናብ ርብዒ ፍፃመ ዝተፀንበራ ሃገራት ኮይነን ኣለዋ። ብካልእ ዜና እንግሊዝ ንስሎቫኪያ 2 ን 1 ብምስዓር ናብ ርብዒ ፍፃመ ሓሊፋ ኣብ መበል 17 ፀወታ ፅዋዕ ኣውሮፓ እንግሊዝ ንስሎቫኪያ 2 ን 1 ብምስዓር ናብ ርብዒ ፍፃመ ሓሊፋ። ኣብ ዝተኻየደ መርሃ ግብሪ ኣውዲቕካ ምሕላፍ፥ እንግሊዝ 1 ን 0 እናተመርሐት ፀኒሓ ኣብ ተወሳኺ ሰዓት ሸቶ ብምምዝጋባ ብሓደ ማዕረ ውፅኢት ናብ ተወሳኺ መፍለዪ ሰዓት ክተምርሕ ክኢላ። እንግሊዝ ንኽትዕወት ቤሊንግሃም ኣብ መበል 90+5 ደቒቕ፣ ሃሪ ኬን ኣብ ተወሳኺ መፍለዪ ሰዓት እንተመዝግቡ፤ ንስሎቫኪያ ካብ ስዕረት ዘየድሐነት ሸቶ ድማ ሽራንዝ ኣመዝጊቡዋ። ዓወት ዝቐንዓ ሃገራዊት ጋንታ እንግሊዝ ኣብ ፀወታ ርብዒ ፍፃመ ምስ ስዊዘርላንድ ክትራኸብ ኢያ።

 

  ኣዲስ ኣበባ/ ሰነ/20/ 2016 /ኢዜአ/ሮማኒያ፣ ቤልጂየምን ስሎቫኪያን ናብ ናብ ፀወታ ኣውዲቕካ ምሕላፍ እንትፅምበራ ዩክሬን ተሳናባቲት ኮይና። ኣብ መበል 17 ውድድር ፅዋዕ ኣውሮፓ ኣብ ምድብ 5 ዝተደልደላ ሃገራዊ ጋንታታት ስሎቫኪያን ሮማኒያን ሓደ ማዕረ እንተፈላለያ፥ ቤልጂየም ምስ ዩክሬን ዝገበረኦ ፀወታ እውን ባዶ ንብዶ ተፈላሊየን። ውፅኢት እቶም ፀወታታት ስዒቡ ዩክሬን ኣርባዕተ ነጥቢ ብመሓዝ ካብቲ ውድድር ዝተሰናበተት ሃገር ኮይና፡፡ ብተዛማዲ ጆርጂያ ንፖርቹጋል ብምስዓር ናብ ፀወታ ኣውዲቕካ ምሕላፍ ተፀምቢራ ኣብ መበል 17 ፀወታ ፅዋዕ ኣውሮፓ ሃገራዊት ጋንታ ጆርጂያ ንፖርቹጋል ብምስዓራ ንቱርኪን ፖርቹጋልን ስዒባ ናብ ፀወታ ኣውዲቕካ ምሕላፍ ተሓዊሳ። ኣብ ምድብ ሽዱሽተ ትፅቢት ዝተገበረሉ ፀወታ ጆርጂያን ፖርቹጋልን ብዓወት ጆርጂያ 2 ን 0 ተዛዚሙ። ብተመሳሳሊ ሰዓት ኣብ ዝተኻየደ ፀወታ ቱርኪን ቼክ ሪፐብሊክን ድማ ሃገራዊት ጋንታ ቱርኪ 2 ን 1 ብዝኾነ ውፅኢት ተዓዊታ። ብመሰረት እዚ ኣቐዲማ ምሕላፋ ዘረጋገፀት ፖርቹጋል ብሽዱሽተ ነጥቢ ቀዳመይቲ፣ ቱርኪ ብተመሳሳሊ ሽዱሽተ ነጥቢ ካልኣይቲን ጆርጂያን ድማ ብኣርባዕተ ነጥቢ ሳልሳይቲን ብምዃን ናብ ኣውዲቕካ ምሕላፍ ክፅምበራ ክኢለን።

አዲስ አበባ /ሰነ/ 19/2016(ኢዜአ)፦በአብ ምበል 17 ፅዋዕ አውሮፓ አርባዕቲአን ሃገራት ሎሚ ናብ አውዲቐካ ምሕላፍ ንምእታው ዝካየድኦ ፀወታ ትፅቢት ይግበረ ኣብ መበል 17 ውድድር ኣብ ፅዋዕ ኣውሮፓ ናይ መወዳእታ ወሰንቲ ፀወታታት ምድብ 5 ን 6 ሎሚ መዓልቲ ምሸት ክግበሩ ኢዮም። በዚ ድማ ቤልጂየም ምስ ዩክሬን ከምኡ እውን ፖርቹጋል ምስ ጆርጂያ ዝገብረኦ ፀወታ ትፅቢት ይግበረሎም፡፡ ኣብ ምድብ ሓሙሽተ ምሸት ሰዓት 1 ቤልጂየም ምስ ዩክሬን ከምኡ እውን ስሎቫኪያ ምስ ሮማኒያ ክጋጠማ ኢየን፡፡ ኣብዚ ምድብ ዝርከባ ኩለን ሃገራዊ ጋንታታት ማዕረ ሰለስተ ነጥቢ ብመሓዝ ናብ ኣውዲቕካ ምሕላፍ ናይ ምፅምባር ዕድል ኣለወን፡፡ ብሙዃኑ ድማ እተን ሃገራዊ ጋንታታ ናብ ቀፃሊ ዙር ንምሕላፍ ብርቱዕ ንሕንሕ ክገብራ ኢየን ዝብል ትፅቢት ኣሎ፡፡ ኣብ ምድብ ሽዱሽተ ንቱርኪን ቼክሪፐብሊክን ብምስዓር ኣቐዲማ ናብ ኣውዲቕካ ምሕላፍ ዝተፀምበረት ፖርቹጋል ምሸት ሰዓት 4 ኣብቲ ምድብ ኣብ መወዳእታ ምስ ትርከብ ጆርጂያ ክትፃወት ኢያ፡፡ ብተመሳሳሊ ሰዓት ኣብዚ ምድብ ትርከብ ቱርኪ ምስ ቼክ -ሪፐብሊክ ክትነሓናሕ ኢያ፡፡ ንቱርኪ ማዕረ ምውፃእ ናብ ኣውዲቕካ ምሕላፍ ንምፅምባር ዝኣኽላ እንትኸውን÷ ቼክ ሪፐብሊክ ድማ ናብ ቀፃሊ ንምሕላፍ ክትዕወት ኣለዋ፡፡

  ኣዲስ ኣበባ/ ሰነ/18/ 2016 /ኢዜአ/ኣብ መበል 17 ውድድር ፅዋዕ ኣውሮፓ ናይ ሎሚ መዓልቲ መርሃ -ግብሪታት ናብ ግጥም ኣውዲቕካ ምሕላፍ ንምፅምባር ብርቱዕ ንሕንሕ ዝፅበየን ሃገራዊ ጋንታታት ክፃወታ ኢየን፡፡ ብመሰረት እዚ ምሸት ሰዓት 1 ኣብ ምድብ ኣርባዕተ ዝተደልደላ ፈረንሳይን ፖላንድን ከምኡ እውን ኔዘርላንድስ (ሆላንድ) ምስ ኦስትሪያ ክገጥማ ኢየን፡፡ ንምድብ ኣርባዕተ እናመርሐት ትርከብ ኔዘርላንድስ ንኦስትሪያ ክትስዕራ ኢያ ዝብል ቅድመ-ፀወታ ግምት ተዋሂቡዋ ኣሎ፡፡ ኣርባዕተ ነጥቢ ብመሓዝ ኣብዚ ምድብ ካልኣይ ደረጃ ሒዛ ትርከብ ፈረንሳይ እውን ንፖላንድ ከምትስዕራ ግምት ተዋሂቡዋ ኣሎ፡፡ ኦስትሪያ ሰለስተ ነጥቢ እንትህልዋ፤ ፖላንድ ብግደኣ ብዘይ ምንም ነጥቢ ኣብ መወዳእታ ደረጃ ትርከብ፡፡ ብካሊእ መዳይ ምሸት ሰዓት 4 ኣብ ምድብ ሰለስተ ዝርከባ ዴንማርክ ምስ ሰርቢያ ከምኡ እውን እንግሊዝ ምስ ስሎቬኒያ ክነሓንሓ ኢየን፡፡ እቲ ምድብ እንግሊዝ ብኣርባዕተ ነጥቢ እንትትመርሖ÷ ዴንማርክን ስሎቬኒያን ብተመሳሳሊ ክልተ ነጥቢ ካልኣይን ሳልሳይን ደረጃ ሒዘን ይርከባ፡፡ ሰርቢያ ድማ ሓደ ነጥቢ ብመሓዝ ኣብቲ ምድብ መወዳእታ ደረጃ ትርከብ ሃገራዊት ጋንታ ኢያ፡፡ ክሳብ ሕዚ ኣብ ዘሎ ከይዲ÷ ኣሰናዳኢት ሃገር ጀርመን፣ ስዊዘርላንድ፣ ጣልያን፣ ስፔንን ፖርቹጋልን ናብ ግጥም ኣውዲቕካ ምሕላፍ (ብሉፃት 16) ምፅምባረን ዘረጋገፃ ሃገራት ኢየብ፡፡

  ኣዲስ ኣበባ/ ሰነ/16/ 2016 /ኢዜአ/ኣብ መበል 17 ውድድር ፅዋዕ ኣውሮፓ ጀርመን ምስ ስዊዘርላንድ ከምኡ እውን ስኮትላንድ ምስ ሃንጋሪ ናይ መወዳእታ ምድብ ፀወተአን ከካይዳ ኢየን። ኣሰናዳኢት ሃገራዊት ጋንታ ጀርመን ምስ ስዊዘርላንድ መዘነኣ ትገብሮ ፀወታ ምሸት ሰዓት 4 ኣብ ስታዲየም ፍራንክፈርት ኣሬና ክካየድ ኢዩ፡፡ ክልቲኡ ናይ ምድብ ፀወታ ዝተዓወተት ጀርመን ናይ ዘይምስዓር ክብራ ንምሕላው ናብ ሜዳ ትኣቱ እንትትከውን÷ ስዊዘርላንድ ብግደኣ ኣብቲ ምድብ 1ይቲ ንምዃን ወይ እውን 2ይ ደረጃኣ ሓሊያ ንምሕላፍ ብርቱዕ ንሕንሕ ከምትገብር ትፅቢት ይግበር፡ ፡ ብተመሳሳሊ ስኮትላንድ ምስ ሃንጋሪ ዝገብረኦ ፀወታ ምሸት ሰዓት 4 ኣብ ስታዲየም ስቱትጋር ኤም ኤች ፒ ኣሬና ክከየድ ኢዩ፡፡

  ኣዲስ ኣበባ/ ሰነ/14/2016 /ኢዜአ/ሎሚ መዓልቲ ኣብ ዝካየድ መርሃ ግብሪ መበል 17 ፅዋዕ ኣውሮፓ፥ ፈረንሳይ ምስ ኔዘርላድስ ዝገብርኡ ፀወታ ዝለዓለ ትፅቢት ተገይሩሉ ኣሎ። ኣብ ናይ ሎሚ መዓልቲ መርሃ ግብሪ ሰለስተ ፀወታታት ክካየዱ ኢዮም። ብመሰረት እዚ ኣብ ምድብ ኣርባዕተ ዝርከባ ፈረንሳይን ኔዘርላድስን ምሸት ሰዓት 4 ዝገብርኡ ፀወታ ልዑል ጠመተ ስሒቡ። ኣብ ቀዳማይ መፃረዪ ፀወታ ፈረንሳይ ንኦስትሪያ 1 ን 0 ከምኡውን ኔዘርላንድስ ንፖላንድ 2 ን 1 ብዝኾነ ውፅኢት ምስዓረን ይዝከር። ማዕረ 3 ነጥቢ ዘለወን ፈረንሳይን ኔዘርላድስን ካብቲ ምድብ ብቐዳምነት ኣውዲቕካ ምሕላፍ ንምፅንባር ልዑል ንሕንሕ ክገብራ ኢየን ዝብል ትፅቢት ኣሎ። ብተመሳሳሊ ሰዓት ሓደ ናይ ምሸት ፖላንድን ኦስትሪያን ፀወተአን ከካይዳ ኢየን። ሰዓት 10 ድሕሪ ቀትሪ ድማ ስሎቫኪያን ዩክሬንን ካልኣይ ዙር ምድብ ፀወተአን ከምዘካይዳ ዝወፅአ መርሃ ግብሪ የረድእ።

  ኣዲስ ኣበባ/ ሰነ/13/ 2016 /ኢዜአ/ ሎሚ መዓልቲ ኣብ ዝካየድ መርሃ ግብሪ ምፅራይ ንፅዋዕ ኣውሮፓ፥ ስፔንን ጣልያንን ዝገብርኡ ፀወታ ዝለዓለ ጠመተ ረኺቡ ኣሎ። ኣብ ናይ ሎሚ መዓልቲ መርሃ ግብሪ ሰለስተ ፀወታታት ዝካየዱ እንትኾኑ፥ ኣብ ምድብ ክልተ ዝርከባ ስፔንን ጣልያንን ሰዓት 4 ናይ ምሸት ክራኸባ ኢየን። ኣብ ፋላማይ ፀወታ ጣልያን ንኣልባንያ 2 ን 1 ከምኡ ውን ስፔን ንክሮሺያ 3 ን 0 ምስዓረን ይዝከር። ብተመሳሳሊ ምሸት ሰዓት 1 ኣብ ምድብ ሰለስተ ዝርከባ እንግሊዝን ዴንማርክን ፀወተአን ከካይዳ ኢየን። ሰዓት 10 ድሕሪ ቀትሪ ድማ ስሎቬኒያን ሰሪቢያን ካልኣይ ዙር ናይ ምድብ ፀወታ ከምዘካይዳ እቲ ዝወፅአ ሓበሬታ የረድእ። ኣብቲ ምድብ ቀዳማይ ዙር ፀወታ፥ እንግሊዝ ንሰርቢያ 1 ን 0፣ ዴንማርክን ስሎቬኒያን 1 ን 1 ብዝኾነ ውፅኢት ምፍልላየን ካብቲ መርሃ ገብሪ ዝተረኸበ መረዳእቲ የመላኸት።

 

  አዲስ አበባ/ሰነ /8/2016/ኢዜአ/ አብ ምበል 17 ፈላሚ ፅዋዕ አውሮፓ 2024 ጀርመን ን ስኮትላንድ 5 -1 ብዝኾነ ውፂኢት ሲዒራታ ።

  አዲስ አበባ/ ሰነ /7/2016/ኢዜአ/ ጀርመን እተዳልዎ ምበል 17 ፅዋዕ አውሮፓ ሎሚ አማስዩ ክጅመር ምኹኑ ታሓቢሩ ። መኸፈቲ ፀዋታ እቲ ውድድር አብ ምድብ ሓደ ብተመደቡ ጀርመንን ስኮትላንድን ምሸት ሳዓት አርባዕተ 75 ሽሕ ህዝቢ አብ ዘታናግድ ስታድዮም አሊያንዝ አሬና ክሳለጥ እዩ ። ፅባሕ ሰዓት 10 ድሕሪ ቀትሪ ሃንጋሪ ምስ ስዊዘርላንድ፣ ምሸት ሰዓት 1 ስፔን ምስ ክሮሽያ፣ ምሸት ሰዓት 4 ጣልያን መስ ኣልባኒያ ክፃወታ ኢየን። ኣብ መርሃ ግብሪ ፀወታ ቀዳማይ ዙርያ አብ ምድብ ሓደ፥ ጀርመን፣ ስኮትላንድ፣ ሃንጋሪን ስዊዘርላንድን አብ ምድብ ክልተ፥ ስፔን፣ ክሮሽያ፣ ጣልያንን ኣልባኒያን አብ ምድብ ሰለስተ፥ ስሎቬኒያ፣ ዴንማርክ፣ ሰርቢያን እንግሊዝን አብ ምድብ ኣርባዕተ፥ ፖላንድ፣ ኔዘርላንድስ፣ ኦስትሪያን ፈረንሳይን አብ ምድብ ሓሙሽተ፥ ቤልጂየም፣ ስሎቫኪያ፣ ሮማንያን ዩክሬንን አብ ምድብ ሽዱሽተ፥ ቱርኪ፣ ጆርጂያ፣ ፖርቹጋልን ቼክ ሪፐብሊክን ተሰሪዐን ኣለዋ። 24 ሃገራት ዝሳተፋሉ ፀወታታት ፅዋዕ ኣውሮፓ 2024 ሎሚ መዓልቲ ክጅምር ምኹኑ እቲ ሓበሬታ የመላኸት ።

  አዲስ አበባ/ሰነ/4/2016/ኢዜአ/ ኣብ ገማገም ባሕሪ የመን ጃልባ ብምጥሓላ ብውሕዱ ካብ ሃገራት ቀርኒ ኣፍሪቃ ዝተሰደዱ ኣስታት 39 ሰባት ከም ዝሞቱ ሰብመዚ እቲ ከባቢን ዓለምለኸ ትካል ስደትን (IOM) ገሊጾም። እታ ኣስታት 260 ሰባት ጽዒና ዝነበረት ጃልባ፡ ትማሊ ብሰንኪ ብርቱዕ ንፋስ ከም ዝጠሓለት ካብቲ ሓደጋ ዝደሓኑ ሰባት ሓቢሮም። ክሳብ ሕዚ ደሃዮም ዝጠፍኡ ኣስታት 150 ሰባት ንምርካብ ጻዕሪ ይግበር ኣሎ። ዓለምለኸ ትካል ስደት፡ ነቶም ካብቲ ሓደጋ ዝድሓኑ 71 ውጻእ መዓት ሓገዝ ይገብረሎም ከም ዘሎ ገሊፁ። ብኣሽሓት ዝቑጸሩ ናብ ሃገራት ወሽመጥ ዓረብ ዝስደዱ ኢትዮጵያውያን፡ ንየመን ከም መሰጋገሪ ከም ዝጥቀሙላ ይንገር። ዳይሬክተር ምምሕዳር ሩዱም ሃዲ ኣል-ኩርማ ንማዕከን ዜና ሮይተርስ ኣብ ዝሃቦ ሓበሬታ፡ እታ ጃልባ ናብ ገማገም ባሕሪ ቅድሚ ምብጽሓ ከም ዝጠሓለት ሓቢሩ። “ገፈፍቲ ዓሳን ነበርትን ካብቶም ስደተኛታት 78 ከድሕኑ ክኢሎም፤ ኣብ ሓንቲ ጃልባ ምስኦም ዝነበሩ ኣስታት 100 ካልኦት ከም ዝጠፍኡ ድማ ሓቢሮም” ኢሉ። ወሲኹ፡ “እቲ ናይ ምድላይ ስራሕቲ ሕዚ’ውን ይቕጽል ኣሎ” ብምባል ብዛዕባ እቲ ሓደጋ ንሕቡራት ሃገራት ከም ዘፍለጡ ገሊጹ። ብመሰረት ጸብጻብ ሕቡራት ሃገራት ኣብ ዝሓለፈ ዓመት ካብ ሃገራት ቀርኒ ኣፍሪቃ ዝተሰደዱ 97 ሽሕ ስደተኛታት ናብ የመን ኣትዮም። ኣብ የመን ዋላ’ውን ኲናትን ዕጡቓት ሑቲ ኣብ ልዕሊ መራኽብ ቀይሕ ባሕሪ ዝፍጽሙዎ መጥቃዕቲ እንተቐጸለን፡ ናብ ሃገራት ማእከላይ ምብራቕ ክኣትው ዝብገሱ ስደተኛታት ብየመን ከቋርፁ ካብ ምፍታን ንደሓር ኣይበሉን። ኣብ ወርሒ ሚያዝያ 2024፡ ኣብ ሰሜናዊ ጅቡቲ ሓንቲ ጃልባ ኣብ ገማግም ባሕሪ ዘጋጠማ ሓደጋ ስዒቡ ብዓሰርተታት ዝቝጸሩ ኢትዮጵያውያን ስደተኛታት ህይወቶም ከም ዝሰኣኑ ይዝከር። እታ ጀልባ 60 ኢትዮጵያውያን ስደተኛታት ጽዒና ናብ የመን ከም ዝተበገሰትን ኣብ ጥቓ ገማግም ባሕሪ ጐዶርያ ብምግልባጣ 38 ካብቶም ተሳፈርታ ከም ዝሞቱን ኤምባሲ ኢትዮጵያ ኣብ ጅቡቲ ሓቢሩ ነይሩ።

  ኣዲስ ኣበባ/ ሰነ/4/ 2016 /ኢዜአ/ሃገራት ኣፍሪካ ሪፎርም ቤት ምኽሪ ፀጥታ ውድብ ሕቡራት መንግስታት (ውሕመ) ንኽቀላጠፍ ሓቲተን፡፡ ካብ 10 ሃገራት ዝተውፃእፅአ ኮሚቴ ሚኒስትራት ሕብረት ኣፍሪካ÷ ሪፎርም ቤት ምኽሪ ፀጥታ ውሕመ ብዝምልካት ኣብ መበል 11 ጉባኤ ኣብ ኣልጀርስ ተኻይዱ፡፡ ኣብ ሕብረት ኣፍሪካ ኮሚሽነር ጉዳያት ፖለቲካ፣ ሰላምን ፀጥታን ባንኮሌ ኣዲኦዬ ኣብቲ እዋን ከምዝበሉዎ፥ ቤት ምኽሪ ፀጥታ ውሕመ ለውጢ የድልዮ፡፡ እዚ ለውጢ ብቕልጡፍ ንኽትግበር ኣብ ሞንጎ ሃገራት ኣፍሪካ ምኽክር ንኽግበር እውን ሓቲቶም። ካብዚ ብተወሳኺ ኣህጉር ኣፍሪካ ድምፂ ተኹሲ ዘይስመዐላ ምግባር፣ ግብረ ራዕዲ ምእላይ፣ ኣፍሪካዊ ውህደት ምፍጣርን ብብርኪ ዓለም ዘለዋ ውክልና ምምሕያሽ ኣብ ኣፍሪካ ቅድሚት ትኹረት ክወሃቦም ዝግብኡ ጉዳያት ከምዝኾኑ ኣብሪሆም፡፡ ሚኒስትር ጉዳያት ወፃኢ ኣልጄሪያ ኣህመድ ኣታፍ ብግደኦም፥ “ኣፍሪካ ታሪኻዊ ኢ-ፍትሓውነት፣ ወጥሪን ምክፍፋልን ፈጢሩ ግደኣ ካብ ዘህስሰላ ስርዓት ትላቐቐሉ ቤት ምኽሪ ፀጥታ ምምሕያሽ ንኽግበር ትጠልብ” ክብሉ ገሊፆም፡፡ ነቲ ኮሚቴ ብኣቦ መንበርነት ዝመርሑ ሚኒስትር ጉዳያት ወፃኢን ዓለም ለኸ ምትሕብባርን ሴራሊዮን ቲሞቲ ሙሳ ካባ፥ ቤት ምኽሪ ፀጥታ ምምሕያሽ ንኽገብር ኣብ ኣፍሪካዊ ምርድዳእ ምብፃሕ ከምዘድሊ ብምሕባር፤ መራሕቲ ኣፍሪካ እዚ ዕላማ ኣብ ሸቶ ንምብፃሕ ዝተሃቀነ ምኽክር ንኸቀላጥፋ ሓቲቶም። ከም ኣቆፃፅራ ኣውሮፓውያን 2005 ዝተጣየሸ እቲ ኮሚቴ÷ አልጄሪያ ፣ ኮንጎ ፣ ኢኳቶሪያል ጊኒ ፣ ኬንያ ፣ ሊቢያ ፣ ናሚቢያ ፣ ሴራሊዮን ፣ ሴኔጋል ፣ ኡጋንዳን ዛምቢያን ከምዘጠቓልል ተፈሊጡ አሎ።

  አዲስ አበባ/ ግንቦት 17/2016/ኢዜአ/፦መበል 61 መዓልቲ አፍሪካ " ን21 ክፍለ ዘመን ዝዐቅን ትምህርቲ " አብ ትሕቲ ዝብል መሪሕ ሓሳብ ሎሚ ይኸበር አሎ።

  ኣዲስ ኣበባ/ ግንቦት/16/ 2016 /ኢዜአ/ዋና ፀሓፊ ውድብ ሕቡራት መንግስታት ኣንቶኒዮ ጉተሬዝ፥ ኣፍሪካ ኣብ ምርግጋፅ ሰላምን ድሕንነትን ዓለም ዘለዋ ግደ ንክተበርኽ ክብሉ ፃውዒት ኣቕሪቦም። ኣብ ኣኼባ ቤት ምኽሪ ፀጥታ ውሕመ መደረ ዘስምዑ እቶም ዋና ፀሓፊ፥ ተሳትፎን ኣመራርሓን ኣፍሪካ ኣብ ዓለም ለኸ መሓዉር ፀጥታ ሰላምን ድሕንነትን ምክታት የድሊ ኢሎም። ድሕሪ ካልኣይ ኲናት ዓለም ቤት ምኽሪ ፀጥታ ውሕመ ሓዊሱ ዓለም ለኸ ምምሕዳር፥ ኣብቲ እዋን ብዙሓት ሃገራት ኣፍሪካ ኣብ ሰንሰለት ባዕዳዊ መግዛእቲ ኣብ ምእታው ዝነበራሉ እዋን ከምዝነበረ ኣዘኻኺሮም። ካብቲ እዋን ጀሚሩ ዓለም እንተተለወጠት እውን ዓለም ለኸ ትካላት ግን ኣብ ዘለዋሉ ደው ከምዝበላ ገሊፆም። ሃገራት ኣፍሪካ ኣብቲ ቤት ምኽሪ ሓዊሱ ኣብ ድርድር አውን እንተኾነ መንበር ከምዘይረኸባ ኣብሪሆም። ስለዝኾነ ኣፍሪካ ኣብ ምርግጋፅ ሰላምን ድሕንነትን ዓለም ድምፃ ክተስምዕ ከምዝግባእ ብምግላፅ፥ እዚ ዕላዊ ንክኸውን ሃገራት ኣፍሪኪ ብማዕረ ኣብ ዓለም ለኸ ውዳበታት ምምሕዳር ክሳተፋ ኣለወን ምባሎም ዢኑዋ ፀብፂቡ።