አዲስ አበባ/ ግንቦት/ 6/2017(ኢዜአ)፦ መርሃ ግብር ሓምለዋይ አሰር ኢትዮጵያ ንዕውትነት ዓብይ ኢኒሼቲቭ ሓምለዋይ መንደቐ ርኡይ ኣበርክቶ ከምዘለዎ አብ ሕብረት አፍሪካ ዳይሬክተር ዘላቒ ከባብን ብሉ ኢኮኖሚ ሃርሰን ኒያምቤ ገሊፆም። አብ ሕብረት አፍሪካ ዳይሬክተር ዘላቒ ከባብን ብሉ ኢኮኖሚ ሃርሰን ኒያምቤ አብ እቲ እዋን ንኢዜኣ ከምዝገለፅዎ እቲ ኢኒሼቲቩ አብ መላእ አፍሪካ ብቐንዱ ካዓ አብ ዞባ ሳህል ንምብዳም መሬትን ምዕራቐ መሬትን ንምክልኻል ዝተጣየሸ ፕሮጀክት እዩ። ናይ ነዊሕ እዋን ሸቶ ዝተቐመጠሉ እዚ ፕሮጀክት ርዑይ ዓዎታት የመዝግብ ከምዘሎ አብሪሆም።

  አዲስ አበባ/ ግንቦት/ 5/2017/ኢዜአ/፡-አብ "ኢኒሼቲቭ ሓምለዋይ መንደቐ ዓባይ አፍሪካ" (The great green wall initiative) ናይ ሰብ ሞያታትን ምሓዙት አካላት ዝጠመተ ኣኼባ ሎሚ አብ ኣዳራሽ ሕብረት አፍሪካ ተጀሚሩ ። አብ መኸፈቲ እቲ ኣኼባ ግብርና ኮሚሽን ሕብረት አፍሪካ ፣ ልምዓት ገጠር፣ አመራርሓታት ኮሚሽን ዘላቒ ከባቢ አየርን ብሉ ኢኮኖሚን፣ ተወከልቲ አባል ሃገራት፣ ሰብ ሞያ ማሓዙት አካላትን ካልኦት ሰብ ብፂሒት አካላት ተረኺቦም ። ንአፈፃፅማ እቲ ኢኒሼቲቩ ብምግምጋም ቐፃሊ አንፈታት ትኹረት ክቐመጡ እዮም ተባሂሉ ትፅቢት ይግበር ።

  ኣዳማ/ጉንበት/ 2/2017 (ኢዜኣ) ኣብ ኢትዮጵያ ዝሳለጡ ዘለዉ ስራሕቲ ዘላቒ ልምዓት ሃፍቲ ተፈጥሮ ስርዓተ ምህዳር ኣብ ምሕላውን ኣብ ዕቤት ፍርያትን መፍረያይነትን ወሳኒ እጃም ከምዘለዎም ልምዓት ደኒ ኢትዮጵያ ኣፍሊጡ። ልምዓት ደኒ ኢትዮጵያ ኣብ ማዕቐፍ 5 ዓመት መፈፀሚ ፍሉይ ፈንድ ሓምለዋይ ኣሰርን መሕወዪ ዝባደመ መሬትን ኣመልኪቱ ምስ ዝምልከቶም ኣካላት ንምዝታይ ዘዳለዎ መድረኽ ኣብ ከተማ ኣዳማ ይካየድ ኣሎ። ዋና ዳይሬክተር ልምዓት ደኒ ኢትዮጵያ ኣይተ ከበደ ይማም ኣብቲ መድረኽ ተረኺቦም ከምዝበልዎ፤ ኣብ ኢትዮጵያ ዝሳለጡ ዘለዉ ስራሕቲ ዘላቒ ልምዓት ሃፍቲ ተፈጥሮ ስርዓተ ምህዳር ኣብ ምሕላውን ኣብ ዕቤት ፍርያትን መፍረያይነትን ወሳኒ እጃም ኣለዎም። ኣብዚ ሕዚ እዋን ንሃገርናን ዓለምናን ቀንዲ ፈተና ዝኾነ ፀገም ለውጢ ከባብያዊ ኣየርን ምብዳም መሬትን ንምፍታሕ ኣዋጅ ፍሉይ ፈንድ ሓምለዋይ ኣሰርን ምሕዋይ ዝባደሙ መሬታትን ተደንጊጉ እዩ ኢሎም። እዚ ውሳነ መንግስቲ ኢትዮጵያ ዜጋታታ ካብ ድኽነት ንምውፃእ ዘለዋ ልዑል ቆራፅነት ከምዘርኢ ሓቢሮም። ኣብ ሚኒስቴር ገንዘብ መተሓባበሪ ማዕቐፍ ፕሮግራም ሓምለዋይ ኣሰርን ምሕዋይ ዝባደሙ መሬታትን ኣይተ ዘሪሁን ጌቱ ኣብቲ መድረኽ ኣብ ዘቕረብዎ ሰነድ ከምዝገለፅዎ፤ እቲ ፍሉይ ፈንድ ንስራሕቲ ሓምለዋይ ኣሰር ቀዋምን ትካላውን ስርዓት ዘለዎ ዓቕሚ ፋይናንስ ንክህሉ ወሳኒ እዩ። እዚ ድማ ለውጢ ከባብያዊ ኣየር ብዘላቕነት ዝፃወርን ካብ ብኽለት ኣየር ዝፀረየ ኢኮኖሚ ንምህናፅ ዝተትሓዘ ሃገራዊ ራኢ ንምዕዋት ዝለዓለ ኣስተዋጽኦ ዘለዎን ከምዝኾነ ኣረዲኦም።

  ኣዳማ/ጉንበት/ 1/2017 (ኢዜኣ) ብኽለት ከባቢ ንምክልኻልን ዘለዎ ፅልዋ ንምፅዋርን ኣብ ዝግበር ፃዕሪ ደገፍ ላዕለዎት ትካላት ትምህርቲ ተጠናኺሩ ከምዝቕፅል ሚኒስቴር ትምህርቲ ገሊፁ። መበል 5ይ ዓለም ለኸ ሲምፖዜም መፅናዕትን ምርምርን ኣብ ዩኒቨርሲቲ ሳይንስን ቴክኖሎጅን ኣዳማ ይሳለጥ ኣሎ። ኣብ ሚኒስቴር ትምህርቲ መራሒ ፈፃሚ ስራሕ ጉዳያት ኣካዳሚክ ኤባ ሚጀና(ዶ/ር) ኣብቲ ሲምፖዜም ተረኺቦም ከምዝበልዎ፤ ስራሕቲ ምርምር ላዕለዎት ትካላት ትምህርቲ ፀገማት ማሕበረሰብ ዝፈትሑ ክኾኑ ይግባእ። ስለዝኾነ ድማ ላዕለዎት ትካላት ትምህርቲ ፅልዋ ለውጢ ከባብያዊ ኣየር ንምፅዋር ኣብ ዝግበር ፃዕሪ ዝገብርዎ ደገፍ ተጠናኺሩ ከምዝቕፅል ኣረጋጊፆም። ዕላማ እቲ ሲምፖዜም፤ ኣብ ኣተሓሕዛን ኣወጋግዳን ጎሓፍ ፕላስቲክን ወረቐትን ከምኡ እውን ኣብ ኣተሓሕዛ፣ ዳግማይ ምጥቃምን ናብ ሃፍቲ ምቕያርን ተረፈ ፍርያታት ግብርናን ኢንዱስትሪን ጠመተ ዝገበረ እዩ ኢሎም። ምክትል ፕሬዚዳንት ጉዳያት ኣካዳሚክ ዩኒቨርሲቲ ሳይንስን ቴክኖሎጅን ኣዳማ ተሾመ ኣብዶ(ዶ/ር)፤ እቲ ዩኒቨርሲቲ ኣብ ሳይንስን ቴክኖሎጅን ብቑዕን ተወዳዳርን ሓይሊ ሰብ ካብ ምፍራይ ብተወሳኺ ፀገም ፈታሕቲ ዝኾኑ ስራሕቲ ምርምር እናሳለጠ ከምዝርከብ ተዛሪቦም። እቲ ዩኒቨርሲቲ 20 ክልላውን ሃገራውን ሜጋ ፕሮጀክትታት ናይ ምምኻር ስራሕ እናሰርሐ ከምዝኾነ ብምሕባር፤ ኣብ ዝርገሐ መሰረተ ልምዓት ኣይሲቲን ልምዓት ሶፍትዌራትን ምስ ዝተፈላለዩ ትካላት ብምትሕብባር እናሰርሐ ከምዝኾነ ገሊፆም። ኣብቲ ሲምፖዜም፤ ካብ ዩኒቨርሲቲታት ውሽጢ ሃገር፣ዝተፈላለዩ ዩኒቨርሲቲታትን ትካላት ምርምርን ደቡብ ኮሪያ፣ህንድን ኣውስትራሊያን ተሳቲፎም።

  አብእቲ ክልል ከም ሞንጎ ዝትከሉ ፈልስታት 70 ሚኢታዊ ንመግቢ ረብሓ ዘለዎም ፈልስታት ፍራምረን ኣትኸልትታት እንትኾኑ እቶም 30 ሚኢታዊ ዝኾኑ ድማ ፈልስታት ደኒ ምኹኖም ቢሮ ልምዓት ግብርና እቲ ክልል ንኢዜኣ አፍሊጡ

  አሶሳ/ሚያዝያ/ 23/2017 (ኢዜአ):- ዓብይ ግድብ ህደሰ ኢትዮጵያ ካብ ምምንጫው ሓይሊ ብዝሓለፈ ንብዝሃ ህይወት ከባቢ ብመዳይ ምሕላው ልዑል አበርክቶ ከምዘለዎ ተገሊፁ። ብሓበራዊ ትግሃትን ርብርብን ታሃኒፁ ክዛዘም አብ ጫፍ ዝበፅሐ ዓብይ ግድብ ህዳሰ ካብ ኢትዮጵያ ሓሊፉ ንሃገራት ከባቢ ልዑል አበርክቶ አለዎ። ኢዚኣ አብ ዝርያ እዚ ዘዘራረቦም አብ ዩኒቬርስቲ አሶሳ ክፍሊ ትምህርቲ ሰነ ሀወትን ስነ ምህዳርን መምህር ጌታቸው ገለታ፤ግድብ ህዳሰ ንቐድሚት እናተግሃዱ ዝኸዱ ብርክት ዝበሉ ረብሓ ዘለዎም ሰነ ሂወትያውያን ን ስነ ምህዳራውን ትሕዝቶታት ሓልዩ ብምፅናሕ ንደቂ ሰባት ልዑል ጥቐሚ ከበርክት ክብሉ አመልኪቶም።

  ኣዲስ ኣበባ/ ሚያዝያ/23/ 2017 /ኢዜአ/ ሎሚ ዓመት መርሃ ግብሪ ሓምለዋይ ኣሰር 7 ነጥቢ 3 ቢሊየን ፈልሲታት ንምትካል ከምዝተዳለወ ሚኒስትር ሕርሻ ኣፍሊጡ፡፡ ሚኒስትር ዴኤታ ሕርሻ እያሱ ኤልያስ (ፕ/ር)ናይ ሎሚ ዓመት መርሃ ግብሪ ሓምለዋይ ኣሰር 7 ነጥቢ 5 ቢልዮን ፈልሲ ንምትካል ተተሊሙ ይስራሕ ከምዘሎንፋና ሚዲያ ኮርፖሬሽን ገሊፆም፡፡ ክሳብ ሕዚ 7 ነጥቢ 3 ቢሊየን ፈልሲ ንምትካል ምድላዋት ምግባሮም ዝገለፁ እያሱ (ፕ/ር)÷ ካብ ዝተተኽሉ ፈልሲታት 60 ሚኢታዊ ዝኾኑ ፈልሲ ፍራምረ ምዃኖም ገሊፆም። ክሳብ ሕዚ ዝተተኽሉ ፈልሲታት ውሽጢ 80 ሚኢታዊ ዝኾኑ ምፅዳቆም ብምሕባር÷ ናይ ሎሚ ዓመት ጎስጓስ ዝትከሉ ፈልሲታት ኩሎም ክፀድቑ ከምዝስራሕ ገሊፆም።

  ኣዲስ ኣበባ/ሚያዝያ/15/ 2017 /ኢዜአ/ኣብ ፕሮጀክት መመንጨዊ ሓይሊ ኮይሻ ዝባደሙ ከባቢታት ናብ ዝነበሩዎ ተፈጥሮኣዊ ትሕዝቶ ናይ ምምላስ ይስራሕ እናተወገነ ምዃኑ ተገሊፁ፡፡ መካየዲ ስራሕ ትልሚ ከባቢያዊን ማሕበራዊ ጉዳያትን እቲ ፕሮጀክት ግዛቸው ደሳለኝ ከምዝገለፁዎ፤ ንእታወት ህንፀት እቲ ፕሮጀክት ዝተዃዓቱን ተረፍ ፍርያታትን ተኣኪቦምዎም ዝነበሩ ቦታታት ናብ ተፈጥሮኣዊ ትሕዝቶኦም ናይ ምምላስ ስራ እናተሰርሐ ይርከብ፡፡ በዚ ድማ እቲ ፕሮጀክት ርእሱ ዝኸኣለ ጉጅለ ስራሕን ጣቢያን ብምጥያሽ ጎድና ጎድኒ ስራሕቲ ህንፀት ስራሕቲ ዕቀባ ሓመድን ማይ እናተወገነ ይርከብ ምባሎም ሓበሬታ ሓይሊ ኤሌክትሪክ ኢትዮጵያ አመላኸቱ፡፡

  ኣዲስ ኣበባ/ መጋቢት/30/ 2017 /ኢዜአ/ተፋሰሶት ንለውጢ ከባብያዊ አየር ተቓላዕቲ ብምዃኖም ንምሕላውን ንምክንኻንን ዝተዋደደ ሓበራዊ ትልሚ ከምዘድሊ ሚኒስቴር ማይን ኢነርጂን ኣገንዚቡ፡፡ ኣብ ሓሙሽተ ተፋሰሳት ዝትግበር “ብራይት” ዝተብሃለ ፕሮጀክት ምሕደራ ዝተዋደደ ተፋሰስ መርሃ ግብሪ ምጅማር ተኻይዱ። ሚኒስትር ዴኤታ ማይን ኢነርጂን ኣብርሃ ኣዱኛ (ዶ/ር) ከምዝበሉዎ፤ ዝተዋደደ ፕሮጀክት ምሕደራ ተፋሰስ ኣብ ተፋሰሳት ኣባይ፣ ኣዋሽ፣ ኦሞ ጊቤ፣ ቃላያት ሓጓፍ ሽንጥሮን ተከዘን ክትግበር ኢዩ፡፡ እቲ ፕሮጀክት ምሕደራ ተፋሰስ 11 ክልላት፣ 71 ዞባታትን 724 ወረዳታትን ዝሓቖፈ ከምዝኾነ እውን ኣብሪሆም፡፡

  ኣዲስ ኣበባ/ መጋቢት/20/ 2017 /ኢዜአ/ኣብ ክልል ኣምሓራ ብሄረሰብ ዋግ ህምራ ምምሕዳር ዞባ ዝቋላ፣ ደሃናን ካልኦት ወረዳታትን ንሓለዋ ሃፍቲ ተፈጥሮ ልዑል ጠመተ ብመሃብ እናተሰርሐ ይርከብ ክብሉ ምክትል ቀዳማይ ሚኒስትር ተመስገን ጥሩነህ ገሊፆም፡፡ እቶም ምክትል ቀዳማይ ሚኒስትር ኣብ ማሕበራዊ ሚድያ ገፆም÷ “ኣብ ከባቢ ብሄረሰብ ምምሕዳር ዋግ ህምራ ሕፅረት ዝናብ ብምህለው ሃፍቲ ተፈጥሮ ኣብ ምዕቃብ ብልዑል ፃዕሪ ተግባራዊ ክኸውን ኣለዎ” ኢሎም፡፡ ተፋሰስ ተከዘ ብመስኖ ናይ ምልማዕ ስራሕቲ በቢብርኩ ምስ ዝርከቡ ኣመራርሓታትን ተሳትፎ ማሕበረሰብ እቲ ከባቢን ርብርብ ዝሓትት ምዃኑ ሓቢሮም፡፡ እዞም ተስፋ ዝህቡ ጅማሮታት ምጥንኻር፣ ምስፋሕን ብቐፃልነት ክትግበሩን ከምዘለዎም ኣገንዚቦም፡፡

አብ ክልል አምሓራ ዞባ ደቡብ ወሎ ፉሉይ ወረዳ፣ አርጎባ ቃሉ፣ ደሴ ዙርያ ወረዳታት ለጋምቦን ተግበረ ሓለዋ ከባቢ ካብ ምፍላሕ ፈልሲ ጀሚሩ ልዑል ጠመተ ተዋሂብዎ ይስራሕ አሎ፡፡ አብ እዚ ተግባር ንዝተዋፈሩ ኩሎም ምስጋና ይግቦኦም። ንመሬት ምክንኻን እንትንኸእል እንረኸቦ ፍሉይ ውህብቶ ንዝኾነ ናይ ምንምባር ውሕስና ከምኡ እውን ብምግቢ ዓርስኻ ናይ ምኸአል ናፅነት እዩ-ምክትል ቀዳማይ ሚኒስትር ተመስገን ጥሩነህ

  አዲስ አበባ/ መጋቢት/ 13/2017 (ኢዜአ)፦ የዓለም ውሃ ቀን "የበረዶ ግግሮችን እንጠብቅ" በሚል መሪ ሀሳብ ዛሬ ይከበራል። ማዓልቲ ማይ ዓለም" ንዝተጋገረ በረድ ዓለም ንሓሉ" ብዝብል መሪሕ ሓሳብ ሎሚ ክኸበር እዩ ። ሚኒስትር ማይን ኢነርጂን ሀብታሙ ኢተፋ /ኢ/ር ዶ/ር/ንዕለት ማይ ዓለም አመልኪቶም አብ ማሕበራዊ ምትእስሳር ገፆም አብ ዘማሓላለፍዎ መልእኸቲ ንሃብቲ ማይ ምቑጣብ ፣ምክንኻን ን ምሕላውን ይግባእ ክብሉ ገሊፆም።

  ኣዲስ ኣበባ/ መጋቢት/12/ 2017 /ኢዜአ/መበል 14 ዝነኣድ ዕለተ ዓለም “ደኒን ምግቢን” ብዝብል መሪሕ ሓሳብ ኣብ ኣዲስ ኣበባ ይሳለጥ ኣሎ። ኣብ ዝሓለፉ ናይ ለውጢ ዓመታት ብዝተሳለጡ ስራሕቲ ልምዓት ሓምለዋይ ኣሰር ሃገራዊ ሽፋን ደኒ ክብ ምስ ምባሉ ጎናጎኒ ልምዓት ደኒ መሰረት ዘላቒ ውሕስነት ምግቢ ንክኸውን ድማ ብቐፃልነት ይስራሕ ከም ዘሎ ሚኒስትር ግብርና ግርማ ኣመንቴ(ዶ/ር) ኣብቲ መድረኽ ተዛሪቦም። እዚ ኣሃዝ ሽፋን ደኒ ክሳብ 2030 ናብ 30 ሚኢታዊ ክብ ንምባል ይስራሕ ከምዘሎ ተሓቢሩ። ዋና ዳይሬክተር ለምዓት ደኒ ኢትዮጵያ ከበደ ማሞ ብግደኦም፥ ሃፍቲ ደኒ ኢትዮጵያ ነክምዕብል፣ ዝዓረቑን ኣሲዳማ መሬታትን ንክምለሱ ቆላሕታ ከምዝተውሃበ ኣፍሊጦም።

  ኣዲስ ኣበባ/ መጋቢት/5/ 2017 /ኢዜአ/ ትካላት ፋይናንስ ለዉጢ ከበብያዊ አየር ንምክልኻል ኣብ ዝካየድ ፃዕሪ እጃሞም ንኸበርክቱ ሚኒስቴር ፕላንን ልምዓትን ፀዊዑ፡፡ “ትካላት ፋይናንስ ብብርኪ ዓለም ዘሎ ለውጢ ከባብያዊ አየር ንምክልኻል ፋይናንስ ከምፅኡ ትፅቢት ይግበረሎም” ብዝብል መሪሕ ሓሳብ ምስ ኩሎም ኣመራርሓ ትካላት ፋይናንስ ዘተ ኣሳሊጡ፡፡ ሚኒስትር ልምዓትን ፕላንን ፍፁም ኣሰፋ (ዶ/ር)÷ ኢትዮጵያ ለዉጢ ከባብያዊ አየር ንምክልኻል ተካይዶ ፃዕሪ ትካላት ፋይናንስ ዉሽጢ ዓዲ እጃሞም ክዋፅኡ ኣተሓሳሲበን፡፡ መንግስቲ ለዉጢ ከባብያዊ አየር ንምፅዋር ዘኽእሉ ግሁድ ተግባራት እናወገነ ይርከብ ዝበላ እተን ሚኒስትር÷ ኣብዝሓለፉ ሽዱሽተ ዓመታት ብዉፅኢታዊነት ዝተጉዓዘ ሓምለዋይ ኣሰር እዩ ኢለን፡፡ ትሩፋት ሌማትን ፍርያት መስኖ ሓጋይን ዉፅኢታዊ ስራሕቲ ዝተወገኑሎም ዓዉዲታት ምዃኑ ከም ኣብነት ምፅረሐን ኣብቲ ሚኒስቴር ዝተረኸበ ሓበሬታ ይገልፅ፡፡

 

  ኣዲስ ኣበባ/ መጋቢት/2/ 2017 /ኢዜአ/ኢትዮጵያ ካብ ባዕላ ሓሊፉ ንጎረባብቲ ሃገራት ኣብ ግምት ዘእተወ መእለይ ሓደገኛ ኬሚካላት ክትሃንፅ ምዃና ዋና ዳይሬክተር በዓል መዚ ሓለዋ ከባቢ ለሊሴ ነሜ (ኢ/ር) ገሊፀን፡፡ እተን ዋና ዳይሬክተር ከምዝገለፀኦ፤ ኢትዮጵያ ብመሰረት ዝፈረመቶም ዓለም ለኸ ስምምዓት ኣብ ሰብን ከባቢን ጉድኣት ዘብፅሑ ሓደገኛ ኬሚካላት ናብ ሃገር ከይኣትዉ ቁፅፅር እናገበረት ትርከብ። ትካላት ጥዕና፣ ኣቢያተ ትምህርቲን ካልኦት ትካላትን ኣድለይቲ ኬሚካላት ናብ ሃገር ከእትዉ ከምዝኽእሉ እውን ተዛሪበን። እቶም ኬሚካላት ናይ ኣገልግሎት ግዘኦም እንትሓልፍ ብግቡእ ክእለዩ ከምዝግባእ ብምግላፅ፤ እንተዘይተወጊዶም ኣብ ልዕሊ ሰብ፣ ጥዕናን ከባቢያዊ ስነ ምህዳርን ዝኸፍአ ጉድኣት ዘብፅሑ ከምዝኾኑ ኣገንዚበን። ብምዃኑ ድማ ኣገልግሎቶም ዝሓለፈ ኬሚካላት ዘእትዉ ትካላት ክእለዩ እናተገበረ ከምዝኾነ ተዛሪበን፡፡

  ኣዲስ ኣበባ/ለካቲት /28/2017 (ኢዜኣ) ኢትዮጵያ ለውጢ ከባብያዊ ኣየር ንምፅዋር ተሳልጦም ዘላ ስራሕቲ ውፅኢታዊ ንክኾኑ ዩኒቨርሲቲታት ብምርምርን መፅናዕትን ደገፍ ክገብሩ ትፅቢት ከምዝግበረሎም ሚኒስትር ፕላንን ልምዓትን ፍጹም ኣሰፋ(ዶ/ር) ገሊፀን። ሚኒስቴር ፕላንን ልምዓትን ምስ ዩኒቨርሲቲታት ፎረም ለውጢ ከባብያዊ ኣየር ንምምስራት ዝዓለመ ዘተ የሳልጥ ኣሎ። ሚኒስትር ፕላንን ልምዓትን ፍጹም ኣሰፋ(ዶ/ር) ኣብዚ እዋን ከምዝበልኦ፤ ብብርኪ ዓለም ለውጢ ከባብያዊ ኣየር ንምፅዋር ዝስርሑ ዘለዉ መርሃ ግብርታት ንምዕዋት ዩኒቨርሲቲታት ዝገብርዎ ምርምራት ኣጠናኺሮም ክቕፅልሉ ይግባእ። ኢትዮጵያ ለውጢ ከባብያዊ ኣየር ንምፅዋር ዘኽእሉ ስጉምትታት እናወሰደት ከምትርከብ ብምግላፅ፤ ስራሕቲ መርሃ ግብሪ ሓምለዋይ ኣሰር፣ልምዓት ሓለዋ ሃፍቲ ተፈጥሮ፣ኣማራፂ ተሓዳሲ ሓይሊ ምጥቃምን ምቕናስ ብኽለት ኣየርን ከም ኣብነት ፀሪሐን። ብተወሳኺ እውን መንግስቲ ለውጢ ከባብያዊ ኣየር ንምፅዋር ዝተፈላለዩ ፖሊሲታትን ስትራቴጂታትን ሓንፂፁ ተግባራዊ እናገበረ ከምዝርከብ ኣረዲአን። ተወካሊ ሚኒስቴር ትምህርቲ ኤባ ሚጀና (ዶ/ር) ብግደኦም፤ ዩኒቨርሲቲታት ኣብ ለውጢ ከባብያዊ ኣየር ዝስርሑ ዘለዉ ስራሕቲ ምርምርን መፅናዕትን ናብ ተግባር ንክኣትዉን እታዎት ፖሊሲ ንክኾኑን ክሰርሑ ትፅቢት ይግበረሎም ኢሎም። ስለዝኾነ እውን ቀፃልነት ዘለዎም ስራሕቲ ክሰርሑ ከምዘለዎም ገሊፆም።

  መቐለ/ለካቲት/ 27/2017 (ኢዜኣ) ኣብ ክልል ትግራይ ዝሳለጡ ዘለዉ ስራሕቲ ዕቀባ ሓመድን ማይን ስነ ምህዳር ከባቢ ካብ ምሕላው ሓሊፉ ስራሕ መስኖ ንክስፋሕፋሕ እናገበሩ ምዃኖም ቢሮ ሕርሻን ሃፍቲ ተፈጥሮን ግዝያዊ ምምሕዳር እቲ ክልል ገሊጹ። ምክትል ሓላፊ እቲ ቢሮን መተሓባባሪ ዘፈር ሃፍቲ ተፈጥሮን ውሕስና ምግብን ኣለምብርሃን ሃሪፈዮ፤ ልምዓት ሃፍቲ መስኖን እንሰሳትን ንምዕባይ ስራሕ ሓምለዋይ ልምዓት ምጥንኻር ወሳኒ ከምዝኾነ ሓቢሮም። ኣብቲ ክልል ቅድሚ ሕዚ ዝተሰርሑ ስራሕቲ ልምዓት ስነ ምህዳር እቲ ምህዳር ካብ ምቕያር ብተወሳኺ ስራሕ መስኖ ንክስፋሕፋሕን ቀረብ ቀለብ እንሰሳት ንክመሓየሽን ከምዝገበሩ ኣረዲኦም። ኣብ ናይ ሎሚ ዘበን ጎስጓስ ስራሕ ዕቀባ ሓመድን ማይን ኣብ ልዕሊ 1 ሽሕን 200 ወሓዝቲ ዝስራሕን ዝናብ ውሕጅ ኣልቦ ዝገብርን ኣሰራርሓ ተግባራዊ ከምዝተገበረ ገሊፆም። ድርቅን ለውጢ ከባብያዊ ኣየርን ብዘላቕነት ብምክልኻል ፍርያትን መፍረያይነትን ሕርሻን እንሰሳትን ንክውስኽ ሓለዋ ሃፍቲ ተፈጥሮ ማእኸል ዝገበረ ስራሕ ኣብ ኩሎም ወረዳታት እቲ ክልል ተጠናኺሩ ከምዝቐፀለ እውን ተዛሪቦም። ልምዓት ሓምለዋይ ኣሰር ምቕፃል መማረፂ ዘይብሉ ጉዳይ ከምዝኾነ ብምሕባር፤ ኣብቲ ዝሳለጥ ዘሎ ስራሕ ዕቀባ ሓመድን ማይን ሚኒስቴር ግብርና ብሞያ፣እታዎትን ፋይናንስን ዝጀመሮ ደገፍ ኣጠናኺሩ ንክቕፅለሉ ሓቲቶም። ኣብ ክልል ትግራይ ዞባ ማእኸላይ መተሓባበሪ ልምዓት ሃፍቲ ተፈጥሮ ወረዳ ሓውዜን ኣይተ ተኽላይ ኪዳነ ብግደኦም፤ ኣብቲ ስራሕ ዕቀባ ሓመድን ማይን ተሳትፎ ህዝቢ ተጠናኺሩ ከምዝቐፀለ ሓቢሮም። ኣብቲ ወረዳ በቢመዓልቱ ብማእኸላይ ልዕሊ 13 ሽሕ ማሕበረሰብ እናተሳተፈን ኣብቶም ጣብያታት ተሞኩሮ ልውውጥ እናተኻየደን ከምዝኾነ እውን ተዛሪቦም።

  ኣዲስ ኣበባ/ለካቲት/ 26/2017 (ኢዜኣ) ኣብ ኢትዮጵያ ድሕሪ እቲ ሃገራዊ ለውጢ ዝተሃነፁ ኣርባዕተ ዘበናዊ ራዳራት ኣብ ውሽጢ 250 ኪሎ ሜትር ራድየስ ቅልጡፍን እሙንን ሓበሬታ ትንበያ ኣየር እናሃቡ ከምዝኾኑ ኢንስቲትዩት ሚቲዎሮሎጂ ኢትዮጵያ ገሊፁ። ምክትል ዋና ዳይሬክተር ዘፈር ትንበያ ኢንስቲትዩት ሚቲዎሮሎጂ ኢትዮጵያ ኣሳምነው ተሾመ (ዶ/ር) ንኢዜኣ ከምዝበልዎ፤ ቅልጡፍን እሙንን ሓበሬታ ትንበያ ኣየር ንምእካብ ዘበናዊ ቴክኖሎጂ ኣድላይ እዩ። ኢትዮጵያ እዋኑ ዝሓለወ ቅልጡፍን እሙንን ሓበሬታ ሜቲዎሮሎጂ ንምቕራብ ቴክኖሎጂታት ኣብ ረብሓ እናውዓለት ከምዝኾነት ገሊፆም። ስለዝኾነ እውን ድሕሪ እቲ ሃገራዊ ለውጢ ዝተማልአ ሓበሬታ ትንበያ ኣየር ምሃብ ዘኽእሉ ነዚ ዘበን ዝምጥኑ ቴክኖሎጂታት ትንበያ ተሃኒፆም ኣብ ጥቕሚ ምውዓል ጀሚሮም እዮም ኢሎም። ኣብ ዝሓለፉ 3 ዓመታት እዚ ዘበን ዝበፅሖ ብርኪ ቴክኖሎጂ ዘርእዩ 310 መሳርሕታት ትንበያ ኣየር ተተኺሎም ኣብ ጥቕሚ ከምዝወዓሉ ተዛሪቦም። ቴክኖሎጅታት መመዝገቢታት ትንበያ ኣየር ህፁፅ ውሕጅን ድርቅን ቀዲምካ ንምትንባይን ስራሕቲ ቅድመ መጠንቀቕታ ንምስራሕን ዝለዓለ ኣስተዋጸኦ እናገበሩ ከምዝኾኑ ኣረዲኦም። ኣብ ኢትዮጵያ ድሕሪ እቲ ሃገራዊ ለውጢ ኣርባዕተ ዘበናዊ ራዳራት ኣብ ውሽጢ 250 ኪሎ ሜትሮ ራድየስ ኩነታት ፀባይ ኣየር ብምምዝጋብ ቅልጡፍን እሙንን ሓበሬታ ትንበያ ኣየር እናሃቡ ከምዝኾኑ ተዛሪቦም። ኣርቲፊሻል ኢንተለጀንስ ብምጥቃም ኣገልግሎት ብዝበለፀ ንምምዕባል ምስ ኢንስቲትዩት ኣርቲፊሻል ኢንተለጀንስ ኢትዮጵያ ብሓባር እናሰርሑ ከምዝኾኑ እውን ሓቢሮም። ብተወሳኺ እውን ኣብ ኣዲስ ኣበባ፣መቐለን ነገሌን ንትንበያ ዓውዲ ትራንስፖርት ኣየር ዝሕግዙ መመዝገብታት ብራኸ ነፈርቲ ተሃኒፆም ኣገልግሎት እናሃቡ እዮም ኢሎም።

  ኣዲስ ኣበባ/ለካቲት/22/ 2017 (ኤፍ ኤም ሲ)ኢትዮጵያ ማእኸል ስልጠና ዓለም ሚቲዎሮሎጂ ትካል ብምዃን ከምዝተመረፀት ኢንስቲትዩት ሚቲዎሮሎጂ ኢትዮጵያ ኣፍሊጡ። እቲ ኢንስቲትዩት ማእኸል ስልጠና ኣህጉር ኣፍሪካ ናብ ኢትዮጵያ ንምምፃእ እናገበሮ ዝነበረ ፃዕሪ ብትካል ሚቲዎሮሎጂ ዓለም ተቐባልነት ምርካቡ ተገሊፁ። እቲ ሕርያ ኢትዮጵያ ኩለመዳይ ስርሓቲ ንኽተተኣናግድ ከምዝሕግዝ ኢንስቲትዩት ሚቲዎሮሎጂ ኢትዮጵያ የመላኽት።