ኣዲስ ኣበባ/ መጋቢት/2/ 2017 /ኢዜአ/ቤት ምኽሪ ሚኒስተራት እቶት ስትራቴጂ ማእኸላይ ግዘ ምፅዳቑ ንጠንካራ ሪፎርም ኢኮኖሚ ወሳኒ ትልሚ ምዃኑ ሚኒስትር እቶት ኣይናለም ንጉሴ ገሊፀን፡፡ “ዓወታት ልምዓት ንምድጋፍ ምጉልባት ኣተሓሳስባ እቶት ዉሽጢ ዓዲ ” ብዝብል መሪሕ ሓሳብ ካብ ዝተፈላለያ ሃገራት ምብራቕ ኣፍሪካ ዝተዉፃእፅኡን ሓለፍቲ ስራሕ እቶት ዉሽጢ ዓዲን ኣብ ዝተረኸብሉ ኮንፈረስ ይካየድ ኣሎ፡፡ ሕብረት ኣዉሮፓ፣ አይ ኤም ኤፍን ካልኦት ትካላትን ዝተሳተፋሉ እቲ ኮንፈረስ÷ ኣብ ቀፃሊ ዕብየት ኢኮኖሚ ንምርግጋፅ ምስ ዝምልከቶም ኣካላትን ሃገራትን ልዉዉጥ ልምዲ ዘካይዱሉ ምዃኑ ተገሊፁ፡፡ ኣብቲ መኸፋቲ ኮንፈረስ መደረ ዘስመዓ ሚኒስትር እቶት ኣይናለም ንጉሴ÷ ኢትዮጵያ ተካይዶም ስራሕቲ ለዉጢ ብፍላይ ኣብ ኣተኣኻኽባ ታክስ ፖሊሲን ታክስ ምምሕዳርን ዝበለፀ ከምዝተመሓይሽ ገሊፀን፡፡ ኣፈፃፅማ እቶት ዝተመሓየሸ ዋላ እንተኾነ÷ ታክስ ብሓፈሻ ኣብ ፍርያት ዉሽጢ ዓዲ ዘሎ ናይ ምንካይ ዝንባለ ንምእላይ ቤት ምኽሪ ሚኒስትራት ስትራቴጂ እቶት ማእኸላይ ግዘ ምፅዳቑ ንጠንካራ ሪፎርም ኢኮኖሚ ወሳኒ ትልሚ ምዃኑ ኣረዲኤን፡፡ ሚኒስትር ገንዘብ ኣሕመድ ሽዴ ብወገኖም፥ ኣተሓሳስባ እቶት ዉሽጢ ዓዲ ንትምህርቲ፣ ጥዕና፣ መሰረተ ልምዓትን ካልኦት ዓዉዲታትን ዘለዎ ግደ ዕዙዝ ምዃኑ ገሊፆም፡፡ እዚ ንምትግባር ድማ እኹልን ተመጣጣኒን ግብሪ ዉሽጢ ዓዲ ከምዘድሊ ሓቢሮም፡፡ ሎሚ ዕለት ሓዊሱ ንኣርባዕተ መዓልቲታት ዝካየድ እቲ ኮንፈረንስ ዝተፈላለዩ ተወከልቲ ሃገራት ምብራቕ ኣፍሪካ ዝሳተፍሉ እንትኾኑ÷ ኣብ ዝተፈላለየ እዋናት በቢሃገራቱ ከምዝካየድ ተሓቢሩ፡፡

  ኣዲስ ኣበባ/ መጋቢት/2/ 2017 /ኢዜአ/እንተ ተጊህና ኢትዮጵያ ካብ ርዳእታ ወፂኣ ንካልኦት ክትረድእ ትኽእል ኢያ ክብሉ ቀዳማይ ሚኒስትር ኣቢይ (ዶ/ር) ገሊፆም፡፡ እቶም ቀዳማይ ሚኒስትር ኣብ ማሕበራዊ ሚዲያ ገፆም ኣብ ዘመሓላለፉዎ መልእኽቲ፤ ሎሚ መዓልቲ ኣብ ቆላማ ከባታት ምብራቕ ሃረርጌ እናለምዐ ዝርከብ ልምዓት ስርናይ ሓጋይ ተመልኪትና ኢሎም። ምትጋህ፣ ምስራሕን ክንርኢን እንተኽኢልና ኢትዮጵያ ካብ ታሓጋዛይነት ወፂኣ ንካልኦት ክትረድእ ትኽእል ኢያ ክብሉ አመላኸቶም፡፡ እሲ ስራሕ ኣጠናኺርና ንቐፅል ክብሉ እውን ምልእኽቲ ሓደራ ኣመሓላሊፎም፡፡

ኣዲስ ኣበባ/መጋቢት/ 2/2017 (ኢዜኣ) ኣብ ዓቕሚ ምእካብ ኣታዊ ውሽጢ ሃገር ጠመተ ዝገበረ ዞባዊ ኮንፈረንስ ካብ ሎሚ ጀሚሩ ንተኸታተልቲ 4 መዓልትታት ኣብ ኣዲስ ኣበባ ከምዝካየድ ሚኒስቴር እቶት ኣፍሊጡ። እቲ ኮንፈረንስ፣ “ሽቶታት ልምዓት ንምድጋፍ ኣተኣኻኽባ ኣታዊ ውሽጢ ሃገር ምጥንኻር” ኣብ ትሕቲ ዝብል መሪሕ ሓሳብ ከምዝካየድ ተገሊፁ። እቲ ኮንፈረንስ፤ ሚኒስቴር እቶት፣ትካል ዓለም ለኸ ገንዘብ፣ኣብ ትካል ዓለም ለኸ ገንዘብ ማእኸል ዞባዊ ደገፍ ቴክኒክ ቢሮ ምብራቕ ኣፍሪካ (አፍሪታክ) ብሓባር ዘዳለውዎ እዩ። ኣብቲ ኮንፈረንስ፤ ላዕለዎት ሓለፍቲ ስራሕ ሚኒስቴር እቶትን ሚኒስቴር ገንዘብን ኢትዮጵያ ሓዊሱ ካብ 11 ሃገራት ምብራቕ ኣፍሪካ ዝተወከሉ ላዕለዎት ሓለፍቲ ስራሕ እቲ ዓውዲ፣ሰብ ሞያታትን ኣማኸርትን ኣታውን ፋይናንስን ከምኡ እውን ዝምልከቶም ኣካላት ከምዝርከቡ ተገሊፁ። እቲ ዞባዊ ኮንፈረንስ፤ ክሳብ 5 መጋቢት 2017 ዓ/ም ከምዝፀንሕን ጎና ጎኒ እቲ ኮንፈረንስ መርሃ ግብሪ ምጉብናይ ከምዝተዳለወን ካብቲ ሚኒስቴር ዝተረኸበ ሓበሬታ ይሕብር።

  ኣዲስ ኣበባ/ መጋቢት/2/ 2017 /ኢዜአ/ብዘበናዊ መገዲ እንጆሪን ንእታዎት መድሓኒት ዘገልግል ዕንበባ ሳፍሮንን ብምፍራይ ንዕዳጋ ወፃኢ ዘቕርብ ኩባኒያ ኣብ ቦሌ ለሚ ኢንዱስትሪ ፓርክ ንምጅማር ዘኽእል ስምምዕነት ከቲሙ። ኣብቲ ሰነድ ስምምዕነት፥ ዋና ኣፈፃሚ ስራሕ ኮርፖሬሽን ልምዓት ፓርክታት ኢንዱስትሪ ፍስሃ ይታገሱ(ዶ/ር)ን ዋና ኣፈፃሚ ስራሕ ፋርሚንግ ኢንዱስትሪስ ኣፍሪካ ናሱር ማሃማት ክታሞም ኣንቢረሙሉ። እቲ ኩባኒያ፥ ዘበናዊ ቴክኖሎጂ ብምጥቃም ብቨርቲካል ፋርሚንግ ብምፍራይ ናብ ዕዳጋ ወፃኢ ዝልእኽ ኢዩ ተባሂሉ። ብመሰረት እዚ ኢትዮጵያ ቐድሚኹሉ ናይ እንጆሪን ሳፍሮንን ለኣኺት ሃገር ንምግባር ከምዝስራሕ ናሱር ማሃማት ገሊፆም።

  ኣዲስ ኣበባ/መጋቢት/ 2/2017 (ኢዜኣ) ኣብ ዝሓለፉ 5 ዓመታት ኣብ መከፋፈልቲ ጣብያታት ብዝተሳለጡ ስራሕቲ ምስፍሕፋሕ ተወሳኺ 310 ሜጋ ዋት ሓይሊ ምርከብ ከምዝተኽኣለ ሓይሊ ኤሌክትሪክ ኢትዮጵያ ኣፍሊጡ። ዳይሬክተር መምርሒ መተሓባበሪ ሪጅናት እቲ ትካል ኣይተ ጋሻው እንድሪያስ ከምዝበልዎ፤ ብምኽንያት ምስፍሕፋሕ ከተማታትን ኢንዱስትርን ልዑል ድሌት ሓይሊ ተፈጢሩ እዩ። ነቲ ድሌት ምላሽ ንምሃብ ሓደሽቲ መሰረተ ልምዓታት ሓይሊ ካብ ምህናፅ ብተወሳኺ ኣብቶም ነባር መከፋፈልቲ ጣብያታት እውን ስራሕቲ ምዕባይ ዓቕሚ፣ምስፍሕፋሕን ምዝማንን እናተሳለጡ ከምዝርከቡ ሓቢሮም። እቶም መከፋፈልቲ ጣብያታት ዕድመ፣ልዕሊ መጠን ፅዕነት ሓይልን ኣብቶም ጣብያታት ብዘጋጥሙ ፀገማት ኣብ ልዕሊ ንብረታት ዝበፅሑ ጉድኣታትን ንስራሕቲ ዓቕሚ ምዕባይን ምምሕያሽን ምስላጥ ምኽንያት ከምዝኾኑ ገሊፆም። ኣብ ዝሓለፉ 5 ዓመታት ኣብ ነባር መከፋፈልቲ ጣብያታት 22 ትራንስፎርመራት ሓይሊ ብምትካል 310 ሜጋ ዋት ተወሳኺ ሓይሊ ምርካብ ከምዝተኽኣለ ተዛሪቦም። መከፋፈልቲ ጣብያታት ቦሌ ለሚ፣ሻሸመኔ፣ጂግጂጋ፣በደሌ፣ሃረር ክልተን ሰለስተን፣ወልቂጤ፣ደብረ ታቦር፣ ጊንጪ፣ደብረ ብርሃን፣ድሬዳዋ ክልተን ሰለስተን፣ኣሸጎዳ፣ገላን፣ሆሳዕና፣ባህር ዳር ክልተ፣ ጌዶን ጋሸናን ስራሕቲ ምዕባይ ዓቕሚ፣ምስፍሕፋሕን ምምዕባልን ካብ ዝተሳለጠሎም ጣብያታት እዮም።

 

  አዲስ አበባ/መጋቢት/1/ኢዜአ/ ሚኒስትር ዴኤታ ስራሕን ክእለትን ዶክተር ተሻለ በሬቻ ብኽእለት ዝበቕዐ ሓይሊ ሰብ ንሓንቲ ሃገር እንታይ ኣበርክቶ ኣለዎ ብዝብል ርእሰ ጉዳይ ፅሑፍ ኣቕሪቦም። ተረኸ ካብዝህነፀሎም ቑልፊ ጉዳያት እቲ ሓደ ክእለት ከምዝኾነ ብምግላፅ፤ ፅሬት ዘለዎ ክእለት ንዜጋታት ተበፃሒ ንምግባር እታዎታት ዝመርሖ ዕዳጋ ንምቕያር ብዙሓት ስራሕቲ እናተሰርሑ ከምዝኾነ ተዛሪቦም፡፡ ጉዕዞ ትራንስፎርሜሽንና ንምዕዋት ግደ ክእለት ዓቢዪ 'ዩ ዝበሉ ዶክተር ተሻለ፤ ሃገር በቖል ሪፎርም ኢኮኖሚ ካብ ዝትግበር ንደሓር ኢኮኖሚያዊ ስብራት ንምፅጋን ዘኽእል ኣብ ክእለት ዝተመርኮሰ ስራሕ ከምዝተሰርሐ ተዛሪቦም። ምስ ኢንዱስትሪን ውልቐ ሴክተርን ብቕርበት እናተሰርሐ ምዃኑ ወሲኾም ገሊፆም፡፡ ቴክኒክን ሞያን ስልጠና ብባህሪኡ ተግባር ተኮር ምዃኑ ብምጥቓስ፤ ተግባር ተኮር ስልጣና ጋህዲ ንምግባር ምስ ሚኒስቴር ኢንዱስትሪ፣ ሚኒስቴር ትምህርቲን ካልኦት መዳርግቲ ኣካላትን ብሓባር ምስራሕ ዘኽእል ሕጋዊ ኣሳራርሓ ከምዝተዳለወ ኣብሪሆም። ከም ገለፃ ዶ/ር ተሻለ፣ ብቑዕ ሓይሊ ሰብ ማለት ብፍልጠት፣ ክእለት፣ ኣተሓሳስባ ድልው ዝኾነ 'ዩ። መንግስትን ውልቀ ትካላትን ሽርክነቶም ኣጠናኺሮም ኣብ ምምዕባል ክእለት ትኹረት ብምግባር ብቑዕ ዓቕሚ ሓይሊ ሰብ ኣብ ሃገርና ከፍርዩ ትፅቢት ከምዝግበር ገሊፆም። ፅሬት ስልጠና ንምምፃእ ምስ ኢንዱስትሪታት ዘሎ ምትእስሳር ኣጣናኺርካ ንምቕፃል ትኹረት ሂብካ ከምዝስራሕ ብምግላፅ፤ ኣብ ቴክኒክን ሞያን ትካላት ብሓፀርቲ ስልጠና ልዕሊ ሰለስተ ሚልዮን ዜጋታት፣ ብስሩዕ ድማ ልዕሊ 500 ሽሕ ዜጋታት ዝሓልፉ እንትኾን፤ ልምዓት እቲ ክእልት ካብዚ ንለዓሊ ንምዕባይ ብሓባር ምስራሕ ይሓትት። ኣብቲ ዘፈር ዘለና ሰባት ፅሬት ክእለት ንምምፃእ ዝገበርናዮ ፃዕሪን ናይ ምልላይ ስራሕን እኹል ኣይኮነን፤ ንልምዓት ክእለት ትኹረት ምሃብን ንክኢላታት እንህቦ ክብሪ ንምዕባይ ትፅቢት ይግበረልና ክብሉ ገሊፆም፡፡

  ኣዲስ ኣበባ/ መጋቢት/ 2017 /ኢዜአ/ ልምዓታዊ ሰፍቲኔት ከተማ ኣብ ቀፃሊ ሰለስተ ዓመታት በቢዓመቱ 15 ቢሊየን ብር ከምዝተመደበ ሚኒስትር ከተማን መሰረተ ልምዓትን ጫልቱ ሳኒ ገሊፀን፡፡ ልምዓታዊ ሰፍቲኔት ከተማታት ስግግር ተረባሕነትን መርሃ ግብሪ ምጅማርን ኣብ ከተማ ጅማ ይሳለጥ ኣሎ፡፡ እተን ሚኒስትር ኣብቲ እዋን÷ ኣብ ልምዓታዊ ሰፍቲኔት ከተማታትን ፕሮጀክት ስራሕቲን ልዕሊ 1 ነጥቢ 7 ሚሊየን ዜጋታት ተረባሕቲ ምዃኖም ገሊፀን፡፡ መንግስቲ ተግባራዊ ዝገበሮ ብመሰረት ምምሕያሽ ማክሮ ኢኮኖሚ ኣብ ከተማን ገጠርን ዜጋታት ብስራሕቲ ልምዓታዊ ሰፍትኔት ንምድጋፍን ብዘላቒነት መነባብሮኦም ንምምሕያሽ ኣብ ቀፃሊ ሰለስተ ዓመታት በቢዓመቱ 60 ቢሊየን ዶላር ምምዳቡ ተሓቢሩ፡፡ ካብዚ እዉን በቢዓመቱ 15 ቢሊየን ብር ንሰፍቲኔት ከተማ ከምዝተመደበ ተገሊፁ፡፡ ኣብ በጀት ዓመት ኣብ ኩሎም ክልላትን ቕድሚ ሕዚ ብፕሮጀክት ተረባሕቲ ዝኾኑ ከተማታትን ዝርከቡ 143 ሺሕን 26 ስድራ ቤት ናብሮኦም ዘመሓይሽሉን 699 ሺሕን 112 ዝኾኑ ዜጋታት ድማ ቐጥታ ድጋፍ ከምዝግበረሎምን ብልምዓት እቲ ከባቢ ናብቲ ፕሮጀክት ከምዝፅምበሩ ተገሊፁ፡፡

 

  ኣዲስ ኣበባ /ለካቲት/29/ 2017 /ኢዜአ/መገዲ ኣየር ኢትዮጵያ ትማሊ ምሸት ካብ ሰዓት 5፡00 ለይቲ ጀሚሩ ሽዱሽተ ዓለም ለኸ በረራታት ሙሉእ ብሙሉእ ብደቂ ኣኒስቲዮ ጥራሕ ኣካይዱ። ነዚ ስዒቡ በዓል መዚ ስቪል ኣቬሽን ኢትዮጵያ ዓውዲ ኣገልግሎት ኤርናቪጌሽን ነቶም ሽዱሽተ ዓለም ለኸ በረራታት ብደቂ ኣኒስቲዮ ጥራሕ ንክተኣናገዱ መግባሩ ኣብ ማሕበራዊ ሚዲይኡ ገሊፁ። እቶም በረራታት ብደቂ ኣኒስቲዮ ጥራሕ ክኾኑ ዝተገበረሉ፥ ዓለም ለኸ መዓልቲ ደቂ ኣኒስቲዮ ምኽኒያት ብምግባር ከምዝኾነ ተገሊፁ።

  ኣዲስ ኣበባ/ ለካቲት/29/ 2017 /ኢዜአ/ መገዲ ኣየር ኢትዮጵያ ዓለም ለኸ መዓልቲ ደቂ ኣንስትዮ ምኽንያት ብምግባር ብደቂ ኣንስትዮ ዝምራሕ ሽዱሽተ በረራታት ምክያድ ምጅማሩ ኣፍሊጡ፡፡ እቲ በረራ ብደቂ ኣንስትዮ ዝምራሕ ብምዃኑ ደቂ ኣንስትዮ ኣብ ዓዉዲ ኣቪዬሽን ዘለወን ተሳትፎ ንምጥንኻር ዘኽእል ምቹኡ ባይታ እዩ ተባሂሉ፡፡ መገዲ ኣየር ኢትዮጵያ ብብርኪ ዓለም ንመበል 114 ግዘ ኣብ እቲ መገዲ ኣየር ቕድሚ ሕዚ ብደቂ ኣንስትዮ ኣብረርቲን ጉጅለ በረራን ጥራሕ ዝተመርሐ በረራ ከሳልጥ ምፅንሑ ይዝከር፡፡ ናይ ሎሚ ዘበን መርሃ ግብሪ እቲ በረራ፥ ንደቂ አንስትዮ ተቖፃፀርቲ ትራፊክ ኣየር ዝሓወሰ እዩ ፡፡ መገዲ ኣየር ኢትዮጵያ ብብርኪ ዓለም ንመበል 114 ግዘ ኣብ ኢትዮጵያ ድማ ንመበል 49 ግዘ ዝኸበር ዘሎ መዓልቲ ደቂ ኣንስትዮ ብፍሉይ ምድላዉ እናተኸበረ ምዃኑ ተሓቢሩ፡፡

  ኣዲስ ኣበባ/ ለካቲት/28/ 2017 /ኢዜአ/ክልትአዊ ኢትቨስትመንት ኢትዮጵያን ህንድን ዘሎ ምትሕብባር ንምጥንኻር ቁሩብነት ምህላዉ ታሓቢሩ ፡፡ ኣምባሳደር ኢትዮጵያ ኣብ ህንዲ ፍሰሃ ሻውል ምስ ፕሬዚዳንት ቤት ምኽሪ ንግድን ኢንዱስትሪን ሃርሻ ቫርዳን ኣጋርዋል ዘትዮም፡፡ ኣብቲ መድረኽ ዘተ፥ ኣብ ኢትዮጵያ ዝስራሕ ዘሎ ዉፅኢታዊ ሪፎርም ማክሮ ኢኮኖሚን ዕድላት ኢንቨስትመንትን ዝጠመተ መብርሂ ሂቦም። እቶም ኩባንያታት መማረፂ ኢንቨስትመንት ኢትዮጵያ ክሳተፉ ፃዉዒት ምቕራቦም ካብቲ ኤምባሲ ዝተረኸበ ሓበሬታ ይገልፅ፡፡ ኣብቲ ዘተ ልዕሊ 35 ተወከልቲ ኩባንያታት ህንዲ ዝተሳተፉ እንትኸዉን ኢትዮጵያን ህንዲን ኣብ ንግድን ኢንቨስትመንትን ዘለወን ዝምድና ንምጥንኻር ከምዝሰርሓ ተሓቢሩ፡፡

  አዲ አበባ /ለካቲት /28/2017/ኢዜአ/ተምሃሮ ዝተፈላለዩ ውልቃውን መንግስታውን ኣብያተ ትምህርቲ ኣብ ዓለም ለኸ ማእኸል ኮንቬክሽን ኣዲስ ተረኺቦም ዑደት ገይሮም። እቶም ተምሃሮ ብዝረኣይዎም ምዕባለ ፣ስራሕቲ ኪነ-ህንፃ፣ ከምኡ 'ውን ስራሕቲ ኢደ ጥበብን ህንፃን ምድናቖም ገሊፆም።

ኣዲስ ኣበባ/ ለካቲት/28/ 2017 /ኢዜአ/ፕሬዚዳንት ፌዲሪኢን ላዕለዋይ ሓላዊ ትካል ሽልማት ፅሬት ኢትዮጵያን ታዬ ኣፅቀ ስላሴ ኣብ ሓላፍነቱ ዝተወሰነ ውልቀ ማሕበር ማኑፋክቸሪንግ ሆራይዘን ኣዲስ ጎማ ዑደት ገይሮም። ኣብቲ እዋን ዑደት እቶም ፕሬዚዳንት ሓዊሱ ሚኒስትር ዴኤታ ንግዲን ዞባዊ ምትእስሳርን እንዳለው መኮንን፣ ዋና መካየዲ ስራሕ ግሩፕ ኢንቨስትመንት ሚድሮክ ጀማል ኣሕመድን ዋና ፈፃሚ ስራሕ ትካል ሽልማት ፅሬት ኢትዮጵያ ቴዎድሮስ መብራትን ተሳቲፎም። ኣብ ዑደቶም ድማ ምንቅስቓስ ስራሕ ማኑፋክቸሪንግን ሆራይዘን ኣዲስ ጎማ ተዘዋዊሮም ተዓዚቦም ፡፡

  ሽረ እንዳስላሰ/ለካቲት/ 27/2017 (ኢዜኣ) ኣብ ዞባ ሰሜን ምዕራብ ክልል ትግራይ ልዕሊ 8 ሽሕ ሄክታር መሬት ብኣሕምልትን ፍራምረን ከምዝተሸፈነ ምምሕዳር ዞባ ሰሜን ምዕራብ ግዝያዊ ምምሕዳር እቲ ክልል ኣፍሊጡ። ኣብ ምምሕዳር እቲ ዞባ መተሓባበሪ ዘፈር ሕርሻ ኣይተ ክብሮም ብስራት ንኢዜኣ ከምዝበልዎ፤ ኣብቲ ዞባ ማይ ከርሰ ምድርን ገፀ ምድርን ብምጥቃም ብልምዓት መስኖ ሓጋይ ልዕሊ 8 ሽሕ ሄክታር ሕርሻ ብዝተፈላለዩ ኣሕምልቲ ገደናን ፍራምረን ተሸፊኑ እዩ። ኣብቲ ልምዓት መስኖ ሓጋይ 24 ሽሕ ሓረስቶት እናተሳተፉ ከምዝኾኑ ብምሕባር፤ ካብዚኣቶም ከባቢ 2 ሽሕ ሓረስቶት ደቂ ኣንስትዮ ከምዝኾና ሓቢሮም። ነባራይ ወረዳ ታሕታይ ቆራሮ ጣብያ ሰመማ ሓረስታይ ገብረመድህን መናስቦ፤ ቅድም ኢሎም ብዝኾዓትዎ ጉድጓድ ማይ ሓደ ሄክታር ሕርሽኦም ንልምዓት መስኖ ብምውዓል ኣብ ፈላማይ ዙር 47 ኩንታል ቀይሕ ሽንኩርቲ ከምዝረኸቡ ተዛሪቦም። ውሕስና ምግቢ ቤተሰቦም ካብ ምርግጋፅ ብተወሳኺ ተረፍ ፍርያት ናብ ዕዳጋ ብምቕራብ ልዕሊ 200 ሽሕ ብር ኣታዊ ከምዝረኸቡ ገሊፆም። ነባሪት ወረዳ ፅምብላ ጣብያ ብርሃን ዝኾና ሓረስታይ ሕልፍቲ በርሀ ብግደአን፤ ኣሕምልቲ ገደና ብምልማዕ ካብ ዝረኽብኦ ኣታዊ ውሕስና ምግበን ካብ ምርግጋፅ ብተወሳኺ ሰለስተ ደቀን ብኣግባቡ እናምሀራ ከምዝርከባ ተዛሪበን። ነባራይ ወረዳ ታሕታይ ቆራሮ ጣብያ ሰመማ ሓረስታይ ይህደጎ ተስፋይ፤ ማይ ገፀ ምድሪ ተጠቒሞም ካብ ዘልምዕዎ ፍርቂ ሄክታር ሕርሻ 30 ኩንታል ፍርያት ኮሚደረከምዝረኸቡ ሓቢሮም። እዚ ፍርያት ናብ ዕዳጋ ብምቕራብ ልዕሊ 150 ሽሕ ብር ኣታዊ ከምዝረኸቡ እውን ገሊፆም።

  ኣዲስ ኣበባ/ለካቲት/ 27/2017 (ኢዜኣ) ቀዳማይ ሚኒስትር ዐቢይ ኣሕመድ (ዶ/ር) ኣብ ወረዳ ኣምቦ ኣብ ዝነበሮም ዑደት ፋብሪካ ቤቨሬጅ ኬኛ ጎብንዮም። ቀዳማይ ሚኒስትር ኣብይ ኣሕመድ(ዶ/ር) ምስ ምክትል ቀዳማይ ሚኒስትር ተመስገን ጥሩነህን ርእሰ ምምሕዳር ክልል ኦሮሚያ ሽመልስ ኣብዲሳን ኣብ ወረዳ ኣምቦ ኣብ ዝነበሮም ዑደት ንፋብሪካ ኬኛ ቤቭሬጅ ተመልኪቶም። እቲ ፋብሪካ ኣብቶም ዝመፁ ሰለስተ ሰሙናት ናብ ስራሕ ዝኣትው እንትኸውን 3 ሚሊዮን ሄክቶሊትር ናይ ምፍራይ ዓቕሚ ኣለዎ ተባሂሉ። ስራሕቲ ምሕደራ ናብ ህዝቢ ንምቕራብ ጣብያታት ምጥንኻር ወሳኒ 'ዩ። ክልላዊ መንግስቲ ኦሮሚያ በቢከባቢኡ ንህዝቢ ቐረባ ዝኾነ ምምሕዳር ንምፍጣር ፃዕሪ እናገበረ ይርከብ። ብመንፅር እዚ ኣብ ወረዳ ኣምቦ ምንቅስቓስ ሓደ ጣብያ ኣብ ግዜ ዑደት ተራእዩ። በዚ ጣብያታት ናይ ምብቃዕ ስራሕ ኣብቲ ክልል 7 ሽሕን 342 ጣብያታት ተወዲቦም። 59 ሽሕ ሓይሊ ሰብ ተመዲቡሎም። ቕድሚ እዚ ብወረዳታት ተማእኺሎም ዝነበሩ ሞያዊን ምምሕዳራዊን ግልጋሎታት ብብርኪ ጣብያ ብግቡእ ሓይሊ ሰብ እናተውሃቡ ይርከቡ። ብተወሳኺ 'ውን ቀዳማይ ሚኒስትር እቲ ኣካል ኢኮ ሎጅ ወንጪ ደንዲ ዝኾነ ህንፀት ክፋል ደንዲ ዝበፅሖ ብርኪ ተመልኪቶም። ምዕራፍ ስራሕቲ ሲቪል ህንፀት እቲ ስራሕ ተዛዚሙ ሕዚ መዛዘሚ ስራሕቲ እናተሰርሑ ይርከቡ።

  ኣዲስ ኣበባ/ ለካቲት/27/ 2017 /ኢዜአ/ኤምባሲ ኢትዮጵያ ኣብ ጃፓን ኣብ ዘካየዶ መበል 33 ፎረም ኢንቨስትመንት ኣፍሪካ፣ እስያን ዓረብን ዝተሳተፉ ሰብ ሃፍቲ ጃፓን ንመፅናዕቲ ቕድመ ኢንቨስትመንት ናብ ኢትዮጵያ ከምዝመፁ ገሊፆም፡፡ እቶም ሰብ ሃፍቲ ኣብ ኢትዮጵያ ፍሉይ ዞባ ኢኮኖሚ ኢንቨስት ምግባር ከምዝደልዩ ምርግጋፆም ካብ ኮርፖሬሽ ልምዓት ኢንዱስትሪ ዝረኸብናዮ ሓበሬታ የረድእ። ብመሰረት እዚ ኣብ ኢትዮጵያ መፍረዩ፣ ንግዲ ፣ ሎጀስቲክን ካልኦት ግልጋሎት ዝህቡ ዓዉዲታትን ኢንቨስት ንምግባር ድልየት ከምዘለዎም ገሊፆም፡፡ ኣብ ቀረባ እዋን መፅናዕቲን ዑደትን ቅድመ ኢንቨስትመንት ንምክያድ ናብ ኢትዮጵያ ከምዝመፅኡ ተሓቢሩ፡፡ እቶም ሰብ ሃፍቲ ኣብ ኢትዮጵያ ስራሕቲ ንምስራሕ ዘኽእል ዝሰልጠነ ሓይሊ ሰብ፣ ዓምዩቕ ሃፍቲ ተፈጥሮ፣ ሰፊሕ ዕዳጋ ዉሽጢ ዓድን ወፃኢን፣ ብብርኪ ዓለም ዝተሃነፁ ፍሉይ ዞባታት ኢኮኖሚን ናፃ ንግዲ ዞባን ምህላዎም ኣብቲ ዘተ ተረዲእና ኢሎም፡፡ ዋና ፈፃሚ ስራሕ ኮርፓሬሽ ልምዓት ፓርክታት ኢንዱስትሪ ፍሰሃ ይታገሱ (ዶ/ር) ብወገኖም፥ ከይዲ ኢንቨስትመንት ስሉጥ ብምግባር ኣብ ውሽጢ ሓፂር እዋን እቶም ሰብ ሃፍቲ ዉፅኢታዊ ዝኾኑሉ መገዲ ከምዝመዓረረ ተዛሪቦም፡፡

  ኣዲስ ኣበባ/ ለካቲት/27/ 2017 /ኢዜአ/ኮሚሽን ጉምሩኽ ኢትዮጵያን ኤጀንሲ ጉምሩኽ ጣሊያንን ኣብ ሞንጎ እተን ሃገራት ንዘሎ ርክብ ንግዲ ዝምጥን ኣገልግሎት ጉምሩኽ ንመሃብ ብሓባር ከምዝሰርሑ ተገሊፁ። ኮሚሽነር ኮሚሽን ጉምሩኽ ደበሌ ቃበታ ምስ ዳይሬክተር ጀኔራል ርክብ ህዝቢ ኤጀንሲ ጉምሩኽ ጣሊያን ኣንድርያ ማዚላን ሓላፊ ጉዳያት ዓለም ለኸ ጉምሩኽ ጣሊያንን ኣውሮፓን ራፋኤል ካፑኣኖ (ዶ/ር) ተዛቲዮም፡፡ ክልቲአን ሃገራት ኣብቲ እዋን ብሓባር ንምስራሕ ኣብ ዝኽእሉሎም ጉዳያት ከምዝዘተዩ ካብቲ ኮሚሽን ዝረኸብናዮ ሓበሬታ የረድእ፡፡ ኣገልግሎት ጉምሩኽ ዓለም ለኻዊን ብዙሓት ሃገራትን ዘተኣሳስር ከምዝኾነ ኣብቲ እዋን ዘተ ዝተገለፀ እንትኸውን፤ ንዕቤት እቲ ዓውዲ ድማ ናይ ተን ሃገራት ምውዳድ ወሳኒ ከምዝኾነ ተሓቢሩ፡፡

  ኣዲስ ኣበባ/ ለካቲት/27/ 2017 /ኢዜአ/መመሓየሺ ማክሮ ኢኮኖሚ ኢንዱስትሪታት ኢትዮ ኢንጂነሪንግ ግሩፕ ናብ ከስቢ ክሰጋገራ ከምዝገበረ ዋና ፈፃሚ ስራሕ እቲ ግሩፕ ኣምባሳደር ሱሌማን ደደፎ ገሊፆም፡፡ ኣምባሳደር ሱሌማን ከምዝበሉዎ÷ ኣብ ነበር ኮርፖሬሽን ኢንጂነሪንግ ሓፂነ መፂን ካብ ሽም ጀሚሩ ተካላዊ መመሓየሺታት ብምግባር ብልሹው ኣሰራርሓታት ንምውጋድ ዘኽአለ ሓዱሽ ውዳበ ተፈጢሩ። ኣብ ዝሓለፉ ዓመታት ናይ ምክልኻል፣ ኮንስትራክሽን፣ ሕርሻን ካልኦት ማሽነሪታትን ዘፍርዩ ኢንዱስትሪታት ኣብ 9 ዘፈራት ብምውዳብ ኢትዮ-ኢንጂነሪንግ ግሩፕ ክውለድ ዘኽአለ ዕዉት ለውጥ ከምዝተገበረ ገልሊፆም፡፡ እቲ ግሩፕ ኣብ ተካእቲ ፍርያታት ግቡእ ብፅሒት ዕዳጋ ምሓዝ፣ ዕድል ስራሕ ምፍጣርን ስግግር ቴክኖሎጂ ኣብ ምቅልጣፍን ናህሪ ኢንዱስትሪ ኢትዮጵያ ናይ ምቅልጣፍ ልኡኽቶ እናተዋፀአ ይርከብ ኢሎም፡፡ ብቢሊየን ዝቑፀር ናይ ገንዘብ ኪሳራ የጋጥሞም ዝነበሩ ኢንዱስትሪታት ናብ ስራሕ ብምእታው ትርፊ ምምዝጋብ ከምዝተጀመረ ምብርሆም ኢዜአ ፀብፂቡ አሎ፡፡ ሸርፊ ወፃኢን ቀረብ ጥረ ኣቑሑትን ፈታኒ ከምዝነበረ ብምሕባር÷ መመሓየሺ ማክሮ ኢኮኖሚ ብምግባሩን ናብ ኢንቨስትመንት ሆልዲንግ ክፅምበሩ ስለዝተገበረን እቲ ፀገም ብምፍታሕ ናብ መፍረያይነት ክሰጋገሩ ምግባሩ ገሊፆም ፡፡