Wafdi uu hoggaaminayo Wasiirka Waxbarashada, Brofessor Birhanu Nega, ayaa ka qayb galay Shirka Guud ee Hay'adda Waxbarashada, Sayniska iyo Dhaqanka ee Qaramada Midoobay (UNESCO).

Addis Ababa; Dirir 28/2018 (ENA): Wafti uu hoggaaminayo Wasiirka Waxbarashada ayaa ka qayb galay Shirweynihii 43-aad ee Hay'adda Waxbarashada, Sayniska iyo Dhaqanka ee Qaramada Midoobay (UNESCO) oo lagu qabtay Samarqand, Jamhuuriyadda Usbekistan.

Isagoo ka hadlayay Shirweynihii 43-aad ee Hay'adda Waxbarashada, Sayniska iyo Dhaqanka ee Qaramada Midoobay (UNESCO), Wasiirka sharafta leh ayaa sharraxay hawlaha ay Itoobiya ka qabatay goobaha UNESCO labadii sano ee la soo dhaafay.

Wuxuu shirka u sharraxay shaqada ay Itoobiya ka qabanayso dhinacyada waxbarashada, dhaqanka, isbeddelka cimilada iyo kala duwanaanshaha noolaha.

 

Wuxuu sidoo kale ugu baaqay Qaramada Midoobay (QM) inay sii wadaan xoojinta istaraatiijiyadaha loogu talagalay in lagu gaaro Yoolalka Horumarinta Waara ee sannadka 2030 T.Y

Waxaa sidoo kale la xusay in Shirkan Guud ee UNESCO ee labada sano ah uu diiradda saarayo dhinacyada waxbarashada, sayniska, dhaqanka, isgaarsiinta iyo macluumaadka, waana madal abuurta jawi wanaagsan oo lagu taageerayo dowladaha xubnaha ka ah.

Dhinaca shirka, Wasiirka ayaa wuxuu la yeelan doona wadahadallo wasiirro ka socda dalal kala duwan.