Fiigichi kiiloo meetira 10 ayyaana hundeeffama human qilleensaa FDRI 90ffaa boru Bishooftuutti gaggeeffama

Sadaasa 20/2018 (TOI)- Fiigichi kiiloo meetira 10 idil addunyaa Bishooftuu daandiirraa ayyaana hundeeffama human qilleensaa FDRI 90ffaa sababeeffachuun qophaa’e boru Bishooftuutti gaggeeffama.

Humni qilleensaa FDRI ayyaana hundeeffamasaa 90ffaa qophiilee garagaraan kabajaa jira.

Fiigichi daandiirraa km. a0 daandiirraa idil addunyaa Bishooftuu qama hundeeffamaa ta’e kun boru Sadaasa 21 bara 2018 ni gaggeeffama.

Namoonni kuma 25 caalan dorgommii kanarratti akka hirmaatan federeeshiniin atileetiksii Itiyoophiyaa beeksiseera.

Atileetonni biyya alaa fiigicha daandiirraa kanarratti akka hirmaatan ibsameera.

Saala lamaanuu dorgommicha kan mo’atan badhaasa walfakkaataa birria kuma 500 shan  nibadhaafamu.

Atileetota 2ffaa bahaniif birrii kuma 250, 3ffaa kan bahaniif birrii kuma 100, 4ffaa kan bahaniif  birrii kuma 50, 5ffaa kan bahaniif immoo birrii kuma 25 akka badhaafaman beeksifameera.

Federeeshinichi sadarkaa kilabichaatti atileetonni saala lamaaniinuu sadarkaa tokkoffaa bahan badhaasa birrii kuma 100 akka argatan beeksiseera.

Humna qilleensaa Federaala Dimookiraatawaa Itiyoophiyaatti ajajaan olaanaa letenaal jeneraal Yilmaa Mardaasaa kabaja guyyaa ayyaana waggaa 90ffaa humna qilleensaa Itiyoophiyaa ilaacisuun ibsa miidiyaaleef kennaniin ‘humna qilleensaa Itiyoophiyaaf humna koo guutuun nan fiiga’ dhaadannoo jedhuun fiigichi dorgommii kiloomeetira 10 akka adeemsifamu ibsaniiru.

Fiigichi kun waggaa waggaan kan gaggeeffamu ta’uu fi namni hundi fiigicha kana irratti hirmaachuu akka danda’u hubachiisaniiru.