Gaaffiin abbummaa ulaa galaanaa Itiyoophiyaa bu’ura seena fi seera kan qabudha – Hayyoota

Sadaasa  20/2018(TOI)- Gaaffiin abbummaa ulaa galaanaa Itiyoophiyaa bu’ura seena fi seera kan qabu ta’uu Yunivarsiitii wallootti hayyoonni seenaa fi saayinsii siyaasaa ibsan.

Gaaffiin abbummaa ulaa galaanaa dhimma birmadummaa fi dhalootaa akkasumas bu’ura seenaa fi seeraa kan qabu akka ta’edha kan dubbatan.

Gaaffii abbummaa ulaa galaanaa ilaalchisuun TOI’n Yunivarsiitii Wallootti barsiisaa seenaa fi qorataa Dr. Gaashawu Mahaammad fi barsiisaa saayinsii siyaasaa fi hariiroo idil addunyaa Indiriis Huseen haasofsiiseera.

Hayyoonni kunneen akka ibsanitti, Itiyoophiyaan abbummaa ulaa galaanaa shiraan dhabde bu’ura seeraa kan qabu dhimma jiraachuuti.

Guddina si’ataa amma dhufe itti fufsiisuu fi dhageettii addunyaarratti qabdu caalaa guddisuuf abbummaan ulaa galaanaa qooda olaanaa qaba jedhaniiru.

Guddina baay’ina ummata Itiyoophiyaa dabalaa dhufe keessummeessuu danda’uu itti fufsiisuu fi biyyoota riijinichaa waliin misoomuuf akka deeggaru ibsaniiru.

Haala Kanaan gaaffiin kun seena qabeessaa fi bu’ura seeraa kan qabu akkasumas haqa lammiileen tumsaafii jiran ta’uu kaasaniiru.

Fedhiin ulaa galaanaa Itiyoophiyaa dhimma jiraachuu dhalootaa ta’uu ibsanii, waliin tumsinee yeroon abbaa ulaa galaanaa itti taanu as dhihoodha jedhan.

Dhimmoota seenaa fi seeraa biyyoottanii walitti hidhuun abbummaa ulaa galaanaa milkeessuuf adeemsi jiru dinqisiisaa ta’uu eeranii, ammas taanaan tumsa dippilomaasii fi dinagdee bu’uureffachuun itti fufuu akka qabu dubbataniiru.

Faayidaa biyyaalessaa Itiyoophiyaa mirkaneessuuf hundi qoodasaa bahu akka qabu hayyoonni kunneen ibsuuni, gaaffiin abbummaa ulaa galaanaa Itiyoophiyaa fala akka argatu waan nurraa barbaadamu hunda gochuuf qophofneerra jechuun mirkaneessaniiru.