Maanchistar Siitiin Liidsi Yuunaayitid waliin ni taphatu

Sadaasa 20/2018(TOI)-Sagantaan Pireemer Liigii Ingliz torban 13ffaan har’a eegala

Taphoonni shan yerichatti gaggeeffamu.

Maanchister siitii fi liidis yuunaayitid waliin Istaadiyeemii Itihaaditti Galgala sa’aatii12:00 ni taphatu.

Tartiiba sadarkaa liigichaan Maanchister siitiin qabxii 22n sadarkaa 3ffaa irratti argama.

Liidis yuunaayitid qabxii 11n sadarkaa 18ffaa qabatee sadarkaa gadiirratti argama.

Maanchister siitiin Liigichatti taphoota 12 gaggeesseen, yeroo 7 injifatee yeroo 4 mo’ameera.

Tapha tokko hafeen qixaan adda baheera.

Taphicharratti galchii 24 yoo lakkoofsisu galchii 10 keessummeesseera.

Morkataansaa Liidis Yuunaayitid taphoota liigichaa 12 keessaa 3 yoo injifatu , yeroo 7 mo’ameera.

Taphoota lamaan immoo qixaan adda baheera.

Galchii 11 yoo lakkoofsisu galchiin 22 keessummeesseera.

Gareewwan lamaan Piriimer Liigii Ingilizitti walitti kan dhufan kun yeroo 21ffaa dha.

 

Taphoota ammaan dura 20 gaggeessaniin Maanchister siitiin yeroo 8 yoo injifatu , Liidis yunaayitid yeroo 7 injifateera.

Taphoota shaniin qixa adda bahaniiru.

Maanchistar siitiin taphoota 20 irratti galchii 32 yoo lakkoofsisu , Liidis Yuunayited galchii 24 lakkoofsiseera.

Kilaboonni lameen yeroo dhumaaf liigichatti kan walitti dhufan A.L.A bara 2023 yoo ta’u tapha wayita sana gaggeessaniin Maanchister siitiin 2 fi 1 injifateera.

Tapha har’aan Maanchister siitiin yoo injifate garagarummaa qabxii dursaa liigichaa Arsenaal waliin qabu gara 4tti gad busa.

Faallaasaan Liidis Yuunaayitid taphichaan qabxii sadii yoo argate sadarkaa gad bu’aa keessaa ni baha.

Sagantaawwan biroon Bireentifordi Bernileeyi fi Senderlaandi Bornimawuz waliin haaluma wal-fakkaatuun galgala sa’aatii 12:00 taphatu.

Everteen nuwuukaastil yuunaayitid waliin galgala sa’aatii 2:30 taphatu.

Tootenihaam, hotispersi fuulhaamitti galgala sa’aatii 5:00 taphasaanii gaggeessu.