Faayinaansiin meeshaa kaappitaalaa Addis carraa hojii uumuu fi Guddina Diinagdeef qooda olaanaa gumaachaa jira

Sadaasa 20/2018(TOI)- Faayinaansiin meeshaa kaappitaalaa Addis carraa hojii uumuu fi guddina Diinagdeef qooda olaanaa gumaachaa jiraachuu Kantiibaan Bulchiinsa Magaalaa Finfinnee Adaanach Abeebee ibsan.

 

Kantiibaan Bulchiinsa Magaalaa Finfinnee Adaanach Abeebee gamoo Waldaan Aksiyoona Daldala faayinaansiin meeshaa Kaappitaalaa Ijaarsise eebbisuun tajaajilaaf banaa taassisaniiru.

 

Kantiibaa Adaanach Abeebee wayita kana ergaa dabarsaniin, jijiiramni biyyoolessaa erga hojiirra oolee booda pirojektoonni hedduun fayyadamummaa hawaasaa mirkaneessan xumuramuusaanii dubbataniiru.

Jijjiiramni biyyoolessaa humna walitti fidatee mu’lata badhaadhinaa milkeessuuratti qooda olaanaa gumachaa jirachuu ibsaniiru.

Faayinaansiin meeshaa kaappitaalaa Addis bu’uura guddinaa ta’uun qooda olaanaa gumachuurratti akka argamu beeksisaniiru.

 

Faayinaansiin meeshaa kaappitaalaa Addis carraa hojii kan uume, meeshaaleen bakka bu’an akka omishamaniif galtee dhiheessuurratti kan argamuu fi hedduumminaan akka omishamaniif qooda mataasaa gumaachaa jiraachuu dubbataniiru.

Gara fuulduraatti cimina industirii omishaaf dhiheessii galtee dabalatee deeggarsa biroo akka taassisu eeraniiru.

 

Itti Aanaa kantiibaa Bulchiinsa magaalaa Finfinnee fi durataa’aa boordii waldaa Aksiyoona hojii daldala Faayinaansii meeshaa kaappitaalaa Jaanxiraar Abbay gamasaaniin, kappitaalli Addis guddina fi misooma magaalittiif qooda mataasaa gumaachaa jiraachuu dubbataniiru.

 

Milkaa’ina misooma Industirii fi carraa hojii uumuuf qooda olaanaa gumaachaa jiraachuu eeraniiru.

Kanaanis jireenyi lammiilee akka jijjiiramuuf, guddini diinagdee akka saffisu itti gaafatamummaasaa bahaa jiraachuu eeruun, intarpiraayizoonni haarawaan hojii akka eegalanii fi buleeyyiin hojiisaanii akka babal’isaaniif bu’uura ta’uu ibsaniiru.

 

Yeroo ammaa qabeenya birrii biiliyoona 3 tuqaa 3 ol horachuu eeruun, kunis guddina Dinagdeef murteessaa dha jedhaniiru.