Hojiileen humna haaromsaa Itiyoophiyaan hojjechaa jirtu dandeettii dorgommii oomishaalee industiriishee ni guddisa.

Onkoloolessa 22/2018(TOI)- Hojiileen humna haaromsaa Itiyoophiyaan hojjechaa jirtu sadarkaa oomishaalee industirii  guddisuun sadarkaa Awurooppaatti dorgomuuf akka isshee Itiyoophiyaatti eeggataan ambaasaaddara Jarman Fardiinaandi Voon weeyi ibsan.

Eggataan ambaasaaddara Jarman kun akka dubbatanitti,fooyyessi damee dinagdee Itiyoophiyaarratti gaggeeffamaa jiran kan jajjabeeffamanidha.

Hojiileen kunneen dijitaalaayizeeshinii fi kalaqaan wal qabatanii kan deeman ta’uu dubbataniiru.

Jijjiiramoonni dinagdee biyyattiitti gaggeeffamaa jiran dargaggootaaf, ogeeyyota kalaqaaf yaadasaanii yadasaanii hojiitti jijjiiruuf kan gargaaru ta’uu eeraniiru.

Xiyyeeffannoon Itiyoophiyaan humna haaromfamaaf kennite kan jajamu ta’uu ibsanii, anniisaan bishaanii, qilleensaa, ji’ootarmaalii fi aduu barbaachisaa ta’uusaanii eeraniiru.

Hojiileen humna haaromsaa Itiyoophiyaan hojjechaa jirtu dandeettii dorgommii oomishaalee industiriishee baay’ee akka guddisu dubbataniiru.

Oomishaaleen maddeen anniisaa kanneen irraa bahan gabaa Awurooppaattis dandeettii dorgommii akka dabaluuf ibsaniiru.

Itiyoophiyaa fi Jarman hariiroo dippilomaasii waggoota dheeraaf ture akka qaban dubbatanii, mootummoonni biyyoota lamaanii dhimmoota hedduurratti waliin akka hojjetan eeraniiru.

Hojiileen qonnaa fi misooma baadiyyaa kanaaf fakkeenya ta’uu eeranii, tumsii fi wal amantaan guddan biyyoota lamaan jidduu jiraachuu dubbataniiru.