በፕሪሚየር ሊጉ ማንችስተር ሲቲ ሊድስ ዩናይትድን በማሸነፍ ደረጃውን ወደ ሁለተኛ ከፍ አደረገ

አዲስ አበባ፤ ሕዳር 20/2018 (ኢዜአ)፦ በእንግሊዝ ፕሪሚየር ሊግ የ 13ኛ ሳምንት መርሃ ግብር ማንችስተር ሲቲ ሊድስ ዩናይትድን 3 ለ 2 አሸንፏል።

ማምሻውን በኢትሃድ ስታዲየም በተካሄደው ጨዋታ ፊል ፎደን ሁለት ግቦችን ሲያስቆጥር ጆሽኮ ግቫርዲዮል ቀሪዋን ጎል ከመረብ ላይ አሳርፏል።

ዶምኒክ ካልቨርት-ሉዊን እና ሉካስ ንሜቻ ለሊድስ ግቦቹን አስቆጥረዋል።

 

ውጤቱን ተከትሎ በሊጉ ስምንተኛ ድሉን ያስመዘገበው ማንችስተር ሲቲ በ25 ነጥብ ደረጃውን ከሶስተኛ ወደ ሁለተኛ ከፍ አድርጓል።

በአንጻሩ በውድድር ዓመቱ ስምንተኛ ሽንፈቱን ያስተናገደው ሊድስ ዩናይትድ በ11 ነጥብ 18ኛ ደረጃን ይዞ ወራጅ ቀጠና ውስጥ ይገኛል። 

ፎደን በ59ኛው ሰከንድ ያስቆጠራት ጎል የውድድር ዓመቱ ፈጣን ጎል ሆኖ ተመዝግቧል።

በሌሎች ጨዋታዎች ብሬንትፎርድ በርንሌይን 3 ለ 1 እና ሰንደርላንድ ቦርንማውዝ 3 ለ 2 አሸንፈዋል።

የሊጉ የ13ኛ ሳምንት መርሃ ግብር ኤቨርተን ከኒውካስትል ዩናይትድ ከምሽቱ 2 ሰዓት ከ30 እና ቶተንሃም ሆትስፐርስ ከፉልሃም ከምሽቱ 5 ሰዓት ላይ ይጫወታሉ።