በሴቶች ፕሪሚየር ሊግ ኢትዮ ኤሌክትሪክ አርባምንጭ ከተማን በማሸነፍ መሪነቱን አጠናከረ  

አዲስ አበባ፤ ሕዳር 20/2018 (ኢዜአ)፦ በኢትዮጵያ ሴቶች ፕሪሚየር ሊግ የዘጠነኛ ሳምንት መርሃ ግብር  ኢትዮ ኤሌክትሪክ አርባምንጭ ከተማን 2 ለ 0 አሸንፏል። 

በአበበ ቢቂላ መታሰቢያ ስታዲየም በተካሄደው ጨዋታ ዙፋን ደፈርሻ እና ማህሌት ምትኩ የማሸነፊያ ግቦቹን አስቆጥረዋል። 

በሊጉ ዘጠነኛ ድሉን ያስመዘገበው ኢትዮ ኤሌክትሪክ በ27 ነጥብ የሊጉን መሪነት አጠናክሯል። 

በአንጻሩ በውድድር ዓመቱ ስድስተኛ ሽንፈቱን ያስተናገደው አርባምንጭ ከተማ በሰባት ነጥብ 11ኛ ደረጃን ይዟል።

ዛሬ በተደረገ ሌላኛው የሊጉ ጨዋታ ሸገር ከተማ ልደታ ክፍለ ከተማን 1 ለ 0 አሸንፏል።