በሴቶች ፕሪሚየር ሊግ ሸገር ከተማ ደረጃውን ወደ ሶስተኛ ከፍ ያደረገበትን ድል አስመዘገበ - ኢዜአ አማርኛ
በሴቶች ፕሪሚየር ሊግ ሸገር ከተማ ደረጃውን ወደ ሶስተኛ ከፍ ያደረገበትን ድል አስመዘገበ
አዲስ አበባ፤ ሕዳር 20/2018 (ኢዜአ)፦ በኢትዮጵያ ሴቶች ፕሪሚየር ሊግ የዘጠነኛ ሳምንት የመጀመሪያ ጨዋታ ሸገር ከተማ ልደታ ክፍለ ከተማን 1 ለ 0 አሸንፏል።
በአበበ በቂላ ስታዲየም በተካሄደው ጨዋታ ሰናይት ኡራጎ በ34ኛው ደቂቃ የማሸነፊያውን ጎል አስቆጥራለች።
ውጤቱን ተከትሎ በሊጉ አምስተኛ ድሉን ያስመዘገበው ሸገር ከተማ በ15 ነጥብ ደረጃውን ከአራተኛ ወደ ሶስተኛ ከፍ አድርጓል።
በአንጻሩ በውድድር ዓመቱ ስድስተኛ ሽንፈቱን ያስተናገደው ልደታ ክፍለ ከተማ በአምስት ነጥብ 12ኛ ደረጃን ይዟል።