18 heele Liggidak Addis Ababah Jaamiqat Kitooba Mayballa leenah kambasal 6 Kiiloh Jaamiqatal Fakkittem - ENA Qafar Afa
18 heele Liggidak Addis Ababah Jaamiqat Kitooba Mayballa leenah kambasal 6 Kiiloh Jaamiqatal Fakkittem
Addis Ababa Waysuk 1 Sanat 2018 (ENA) Barsiyyaay, bartiyya kee kusaq barittok xaqut Addis Ababah Jaamiqatal taturte kontom sanootak dagah kitooba yayyaaqeenim kee yakriye marah xayyoosaanamih taama akkuk temeetek 18 toh liggidak kitooba qaffayda 6 kiilok le wannah fanteenal mayballah fakeenih geytiman.
Asaakuuk xabba haanam, ittallakleh malcina ayroh gide gexsitak sugelem kee 40 daga takke kitooba mekla abaay, matbaqat kee kitooba limmossa Fanteenaani gabat agle edde haysitelem Yescessen.
Tama Gudgudul Geytimeh Yan Addis Ababah Jaamiqatak Foxo qambaalit Perezxenti Samu-el Kifle (Dr) Addis ababah jaamiqatih matbaqa 50 sanataak dagah manggo kitooba atbiquk ayyuntah gudduusak sugtem yescesse.
Tahal Taamitaanam Ado Ixxiga Fanah Tabsaanam kee Qalayli Osisiyya kinnimik Kalah tan Inkibisle Institutionittelih Artifisal Intelejensi kee Xijitaal Teknologik Xaqut Kitooba yakriyeenimih caalat akah diggoowa innah xiqsissam kinnim yescesse.
Ta kitoobah mayballaah aracal mangoh tan sugteeh, qusba kitaabitte kee inkih tan ixxigah exxaaxil hangi haytaah, yakriye marah meqeh Kitooba elle xayyowtem Timixxige.
Tama Qaffaydah Addat, Ras Mekonnen Hall Fanah Sagla Qusba Kitooba Qimmisenim kee walalittey, urri kiryaatih uddur, orbiseenit abak raag milaagu, kee faatit kee mamaxxaga amcawwele.