Qafar Rakaakayal Ayyunti Caabih Qaafiyat Ayfaafay Maqarroysak Qadliinole Ayfaafay Guddos Anele 

Addis Ababa Waysuk 01/2018 (ENA) Qafar Rakaakayal Ayyunti Caabih Qaafiyat Ayfaafay Maqarroysak Qadliinole Ayfaafay Gudduyseloonum Ityoppiyak Qaafiyat Caabih Ayfaafay Qaddoysen.

 

Qaafiyat Caabih Ayfaafay Rakaakayak Qaafiyat Biirollih Gacak Rakaakayal Ayyunti Qaafiyat Caabih Ayfaafay Maqarroysoonuh Daqooritil Fixixeh Yan Maaliyyah Dudda Rakaakay Fan Baahaanam Wagsiisa Walal Gudgud Gexsen.

 

Ta Gudgudut Qaafiyat Biirok Naharsî Saqalah Yan Massakaxxale Yaasin Cabiibiy, Federaalak Ayyunta Rakiibo Abta Qaafiyat Caabih Ayfaafak Naharsi Xayrekterih Yan Gifta Tesfaye Worku Miraacisa Ergay, Qaafiyat Biiroh Taama Abeenitiy, Rakaakayak Maaliyya Biiro Kee Rakaakayak Sadar Ayfaafih Biiroh Awlaytit Edde Tengelem. 

 

Tama Aracal Geytimak Yabti Fakkenta Abtem Qaafiyat Biirok Saqalah Yan Gifta Yaasin Cabiib Kinnuuk Iyyeemih Ayyunta Rakiibo Abta Qaafiyat Ayfafih Siirat Ni Ummattak Calway Sihiloosuh Kaxxa Doori Le Ayfaf Kinnuuk Ta Ayfafak Maqna Kee Tuxxiq Ni Ummatta Nagay Cedduh Uguugus Taamoomi Diggoowak Gaxxam Faxximtam Kee Lakqo Inki Sandugu Fan Le Waktil Akah Cultannah Abaanamih Taama Diggoowak Gaxxam Faxximta Axcuk Kassiise.

 

Tonnah Kaadu Federaalak Ayyunta Rakiibo Abta Qaafiyat Caabih Ayfaafak Naharsi Xayrekterih Yan Gifta Tesfaye Worku Iyyeemih Ta Ayfaf Gaba Dagoytiitih Tan Ummattah Exxaaxi Xayikkeek Qaafiyat Ayfaf Geytuh Xiqsiisa Ayfaf Kinnuuk Qafar Rakaakay Kaadu Meqe Abbinos Aybaluk Geytimam Kee Ummattak Gaabowta Lakqo Rakaakay Caddol Inki Araca Fan Yaydaarenimih Taama Diggoysak Gaxxaanam Faxximta Axcuk Kassiise.

#ityoppiyak_xaagi_raceena #ENA#